१ तीमोथी 5:6 - चेपाङ

⁶ सुसु बुधा सीओ मोमःचोःखे लुङ्‌ह्‌जेःती मुनै ओउःपाय् द्याह् सीओ लेखालेः मुनै।

१ तीमोथी 5:6 Iomraidhean Croise

मत्ती 8:22

“लौ ङाकुस् द्याह् वाङ्अ दा। सीसा खेःओ मान्‍तालम्इ लयःकोः सीओकायः पाम्‍ह्‌ती वाय्‌पानी” त येसु दाय्‍ह्‌ती त्‍याङ्आ।

लुका 12:19

ताङ्‌ह्ओ कीम् जाङ्‌ह्आक्‌तीको सबै हेप्‌ती गम्ओहाङःसैकोः “लौ इ हेप्‌ती गम्ओ चीस्‌पाय् नाःतो साल्‌कायः गाह्‌नाः। काम् जाङ्‌ह्ओसै धोती खाले जेःती तुङ्‌ती बाय्‌तीलेः मुसा खाय्‌नाङः” त दाय्‍ह्‌ती तोनाङः बा’ त दाय्‍ह्‌ती ओउः मान्‍ता ताःसतो

लुका 15:13

इत वेःती बयःआक्‌तीको नीस्‌सुम् दीन् पुत्आक्‌तीको ओउः हौखेपाय् लयःकोः राङ्‌लम् थोक्‌लम् पैसाकायः वीनःती लोक्‌तो मुओ देस्‌ताङ् क्रव्आ। लोक्‌तो मुओ देस्‌ताङ् क्रव्‌ती दाह्‌ती वाङ्आक्‌तीको ओउः हौपाय् लयःकोः पैसाइ पेओ न्‍युम्ओ ङ्‌हीक्ओ जेःगा जेःती हान् तुङ्‌ती लुङ्‌ह्‌जेःती मुदा मुदा ओउःकोः पैसा सबै जेःती द्योक्‌ताक्आकान्।

लुका 15:24

इ ङाकोः चोःजा सीओ खेःतो द्याह् स्‍याक्‌ती दाह्ओआः। ङ्‌हापाय् मीह्‌ती वाय्ओ खेःतो द्याह् दाह्‌ती वाङ्ओआः बत्‌ताङःआः ङ। ओउःत झ्‍यान्‍ते ओउःकायः चोङाय्‌ती त्‍याक्‌सा खेःनाःतय्‍ही’ त दाय्‍ह्‌ती ओउः आपामा सबै कीम्‌कोः मान्‍तालम्‌मा चोङाय्‌ती स्‍याह्‌ती मेती मुओ खेःइतो।

लुका 15:32

इ नाङ्‌कोः हौजा सीओ स्‍याव्आक्‌तीको द्याह् स्‍याक्‌तीलेः दाह्ओआः। ङ्‌हापाय् मीह्ओ खेःतो द्याह् च्‍यवःओ लेःआः बा ओउःत झ्‍यान्‍ते तेन् चोङाय्‌ती भोस् जेःती मुसा स्‍याव्‌नाः’ त दाय्‍ह्‌ती ओउः आपा त्‍याङ्आ” त दाय्‍ह्‌ती येसुइ तोआथास।

लुका 16:19

“लौ इ कुरा सायःनु दा। यात्‌चाक् आन साहु मान्‍ता खेःतो। ओउः मान्‍तापाय् दीन्‌का दीन् पेपेओ नाय्‌लम् लावती न्‍युम्ओ जेःगा तुङ्‌गा भोरःतीलेः जेःओ खेःतो।

लुका 7:25

खेःल त खेःया दोह् हायःलाङ् आल्‌तेःआकाय्। पेओ दीङ्‌ह्ओ नाय् लावओ मान्‍ता योलाङ् आल्ओ खेःतेःइली पेओ नाय् लावओ मान्‍ता योसाकायः राजाकोः दर्‌बाल्‌ताङ् आल्‌सालेः खेःतो।

एफेसस् 2:1

ङ्‌हापाय् नीङ्इ रेव्‌तो काम् जाङ्‌ह्‌ती झ्‍यान्‍ते सीती वाय्ओलम् खेःतेःइतो।

एफेसस् 2:5

ङी रेव्ओ काम् जाङ्‌ह्‌ती सीती वाय्‌सा खेःओ बेलाहाङः ओउःइ ख्रीस्‌कुस्‌लेः रौ जीङः बयःआतय्‍ही। ओउःतलेः परमेस्‍वर्‌इ नीङ्‌कायः राप्‌तीमा योनःती योती दल्‌तेःताक्‌तेःआकाय्।

एफेसस् 5:14

फेरी पेतो च्‍यवःताक्ओपाय् थोङ्ओ लेःआः। एतलेः लेखती मुनाः “अ नाङ् एनःती मुओ चाक्‌य सीओलम्‌सै उह्‌ती च्‍योक्‌तेःपाः ओहाङःसै ख्रीस्इपाय् थोङ्‌तेःताक्‌तेःनाः” त दाय्‍ह्ओ लेखती मुनाः।

कोलसी 2:13

ङ्‌हाखे नीङ् परमेस्‍वर्‌कोः चीन्‍ह लात्ओ मान्‍तालम् खेःआक्‌तेःइली। रेव्ओ काम्‌लम् जाङ्‌ह्‌ती झ्‍यान्‍ते नीङ्‌पाय् सीसा खेःओ खेःतेःइतो द्याह्‌खे नीङ्‌कोः रेव्‌झ्‍याङ्‌कोः क्‍युम्‍ह्‌ती वाय्‌ती परमेस्‍वर्‌इ ख्रीस्‌कुस्इ उह्‌ती च्‍योक्‌ताक्‌ती रौ जीङः बयःतेःआकाय्।

२ तीमोथी 3:6

ओउःमयःइ मान्‍ताकोः कीम् कीम्‌ताङ् वाह्‌ती व्‍हाय्‌मालो मोह्‌हाय्ओ ल्‍हुङ् नाःओ मोमःचोःलम्‌कायः थ्‍योन्‍ह्‌ती उन्‍चुलावःनाःथास। ओउः मोमःचोःलम्‌पाय् लयःकोः रेव्ओ ल्‍हुङ्‌कोः मोह्‌हाय्ओलम् झाक्‌तीलेः जाङ्‌ह्‌ती नया नया कुराखे स्‍यान्‌सा बोङःनानी। ओउःमयःइ गलकायःमा स्‍यान्‌नाःइसी दोङ् कुराखेपाय् गलमा चीःसा खाय्‌नीली।

याकुब् 5:5

ल्‍हाव्‍ह्‌दैबाङ्‌हाङः मुतोक्‌हाङः नीङ् आन ङोस्‌तोलेः चोङाय्‌ती मुतेःआकाय्। आन भोरःती जेःती तुङ्‌ती झ्‍यान्‍ते नीङ् द्युन्‌तोतेः स्‍याव्‌तेःइतो द्युन्ओ मेत्‌छ्याःलो लेखालेः नीङ्‌कोः सात्‌ती वाय्‌सा दीन् वाङ्आनाः।

प्रकाश 18:7

ओउःपाय् लयःकायः नाःतोलेः ताङ्‌ह्‌ताक्आकास लयःकोः ल्‍हुङ्‌कोः मोह्‌हाय्ओपाय् नाःतोलेः जाङ्‌ह्आकास त्‍युम्‍ह्आकास। द्याह् ओउःच्‍युक्‌लेः लीह्‌सीःओ द्यानःती बयःपाःथै। ओउःपाय् ‘लौ ङापाय् रानी स्‍याव्‌ती मुओआः ङ। ङापाय् बुधा नाःमालो मोमःचोः गलमा स्‍याव्‌ङल सीओ बुधाकायः गलमा क्रेस्‌सा परङल’ त दाय्‍ह्‌ती लयःकोः ल्‍हुङ्‌हाङः ङाःतीलेः ताःआकास।

प्रकाश 3:1

सार्‌दीस्‌हाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘परमेस्‍वर्‌कोः सात्‌गोता ग्‍वालामः नाःओ सात्‌गोता कार्‌ नाःओचाक्इ तोओ कुरापाय् इलेःआः। दोह् दोह्‌तेः हायःतेःनौ ओउःत ङाइ चीःलेःनेःनाङ्। नाङ्‌कायःपाय् “पेतो सेलः मुलेःनाः” त दाय्‍ह्‌ती तोओ कुरा मुलेःनाः बुरु नाङ्‌पाय् सीओ लेःतेःआः बा।