१ तीमोथी 5:25 - चेपाङ

²⁵ ओउःलो लेखालेः कोय् मान्‍ताकोः पेओ काम्‌लम् सबैकायः छ्यानःतो लेःआः अरु ङ्‌हा छ्यानःआक्‌मालो पेओ कुरालम्‌मा लोन्‍तेः छ्यानःतोलेः स्‍याव्‌सा खेःतो

१ तीमोथी 5:25 Iomraidhean Croise

मत्ती 5:16

नीङ्इमा ओउःतलेः परमेस्‍वर्‌कोः काम् पेतो जाङ्‌ह्‌ती सबै मान्‍ताकायः छ्यानःती थोङ्‌ताक्‌नु दा। ओहाङःसैको नीङ्‌कोः पेओ काम् च्‍यवःती अरुइ नीङ्‌कोः परमेस्‍वर्‌ आपाकायः ‘ओजायःत पेओलेः’ त दाय्‍ह्‌ती ताङ्‌ह्‌ताक्‌नानी।

लुका 11:33

“बत्ती हवःआक्‌तीको सुइमा पाथीइ कोमःती खुप्‌ती गम्‌नीली खेःल यास्ओ ओखोय्‍ह्‌हाङः गम्‌नानी ओहाङःसैको कीम्‌हाङः पोक्ओलम्इ च्‍यवःसा खाय्‌नानी।

खबरदुत 10:22

“यात्‌चाक् सीपाहीकोः कप्‍दन् कर्‌नीलीयस् त तोओइ ल्‍होक्आताङी। ओउःपाय् आन पेओ परमेस्‍वर्‌कायः झाक्‌ती तोओ मान्‍ता लेःआः। इतलेः सबै सीजारीयाकोः यहुदीलम्इ चीःती कर्‌नीलीयस्‌कायः लुङ्‌ती तोनानी। ओहाङःसै ओउःकःताङ् यात्‌चाक् परमेस्‍वर्‌कोः ल्‍होक्ओमयः थाती ‘लौ नाङ्इ जोपाहाङः मुओ सीमोन् पत्रुस्‌कायः गोत्‌लाङ् ल्‍होक्उ दा। गोत्‌ती वानःआक्‌तीको ओउःकोः कुरा पेतोलेः सायःनु’ त दाय्‍ह्‌ती ओउः ल्‍होक्ओमयःइ तोताङःआथै। ओउःत झ्‍यान्‍ते ङीइ नाङ्‌कायः गोत्‌लाङ् दाह्आलाङी” त दाय्‍ह्‌ती ओउः सुम्‌चाक्इ पत्रुस्‌कायः छ्यानःआथै।

खबरदुत 22:12

ओहाङःसैको दामास्‍कस् सहर्‌हाङः यात्‌चाक् परमेस्‍वर्‌कोः कुरा जाङ्‌ह्ओ मान्‍ता हननाया त तोओ याक्‌ती मुओ खेःतो। ओउः मान्‍ताकायःपाय् सबै दामास्‍कस् मुओ यहुदीलम्इ पेतोलेः नोःओ खेःतो।

खबरदुत 9:36

ओहाङःसैको जोपा त तोओ सहर्‌हाङः यात्‌चाक् येसुकोः कुरा ङ्‌हाम्ओ मोमःचोः तबीथा त तोओ खेःतो। एलेनी भासाहाङः ओउःकोः मय्‍ङ् दोर्‌कस् त तोओलेः। दोर्‌कस् त तोओकोः माने “मुन्‍दुली” लेःआः। इ तबीथा त तोओइ ह्र्यात्‌लम्‌कायःमा स्‍यास्‌ती गम्ओ अरु मान्‍तालम्‌कायःमा पेतोलेः जाङ्‌ह्ओ खेःतो।

फीलीपी 1:11

ओहाङःसैको एत वाह्‌ती येसु ख्रीस्इ बयःओ दोङ् पेओ कुरा दोःती परमेस्‍वर्‌कायः लुङ्‌ती ताङ्‌ह्‌तेःताक्‌सा खाय्‌तेःनानी।

१ तीमोथी 3:7

ओउःकायःपाय् ङ्‌हाम्ओलम्‌कुस्इ झुङ्आले खेःल ङ्‌हाम्‌मालोलम्‌मा “ओउःपाय् पेओ मान्‍ता लेःआः” त नोःसा खेःतो। ओहाङःसैको ओउःकायः अरुइ गाल्‌तुम्‌ती नोःसा खाय्‌नीली ओउःकायः सैतान्इ थ्‍योन्‍ह्‌ती होम्‌सा खाय्‌थाल।

प्रकाश 14:13

ओहाङःसैको लाङ्‌कासै वाङ्ओ हाव्‌नयः सायःआलाङः “लौ ‘द्याह्‌हाङःसै सुसु परमेस्‍वर्‌कोः काम् जाङ्‌ह्‌साकायः सीलेःनाः ओउःपाय् चोङाय्‌तोलेः स्‍याव्‌नै’ त दाय्‍ह्‌ती लेखउ दा” त दाय्‍ह्‌ती दाय्‍ह्ओ खेःतो। “माः है आन चोङाय्‌तोलेः मुनै। ओउःमयःपाय् ओउःमयःइ ह्र्युङ्‌ती जाङ्‌ह्ओ काम्‌लम्‌सै धोती मुसा खाय्‌नानी दोह् हायःती दाय्‍ह्‌सा ओउःमयःकोः काम् जाङ्‌ह्‌झ्‍याङ्‌कोः दोःलेःनै” त दाय्‍ह्‌ती परमेस्‍वर्‌कोः ग्‍वालामः दाय्‍ह्आ।