१ तीमोथी 5:10 - चेपाङ10 ओउः मान्ताइपाय् पेओ काम् जाङ्ह्ओकायः अरुइ तय्ह्पाःथास। फेरी ओउःमयः लयःकोः चोःलम्कायः पेतो स्यान्ओ खेःओ खेःतो अरु मान्ताकायः कीम्हाङः पेतो रोम्ओमा ङ्हाम्ओलम्कायः पेतो स्यवओमा खेःओ खेःतो। लीह्सीःओ गोरःओलम्कायः लव्ह्ओमा सबै पेओ काम्लम् जाङ्ह्ओ खेःओ खेःतो। Faic an caibideil |
१ तीमोथी 5:10
42 Iomraidhean Croise
ओउःहाङः पोक्ती वाङ्तोक्हाङः ओउः मोमःचोःइ आन महङ्गोमा पेतो सय्ङ्ओ सातीलेः स्याक्बाङ्कोः तुमुकाहाङः वानःआकान्। ओहाङःसैको साती वानःती ओउः मोमःचोःइपाय् येसुकःताङ् वाङ्ती ओउःकोः कीस्हाङः चीङ्ती आन र्याःधै मुओ। र्याःती मुतोक्हाङः ओउःकोः मीक्क्लीः ग्लेःती येसुकोः दोम् न्यात्ताक्आथै। ओउःत न्यात्ताक्ओ त झ्यान्ते ओउः मोमःचोःइपाय् येसुकोः दोम्पाय् लयःकोः म्याङ्इ थ्युर्आथै। थ्युर्आक्तीको येसुकोः दोम्हाङः बाःती तुमःआक्तीको ओउः मोमःचोःइ ओउः पेतो सातीइ ओउःकोः दोम् ल्यानःआथै।
“यात्चाक् सीपाहीकोः कप्दन् कर्नीलीयस् त तोओइ ल्होक्आताङी। ओउःपाय् आन पेओ परमेस्वर्कायः झाक्ती तोओ मान्ता लेःआः। इतलेः सबै सीजारीयाकोः यहुदीलम्इ चीःती कर्नीलीयस्कायः लुङ्ती तोनानी। ओहाङःसै ओउःकःताङ् यात्चाक् परमेस्वर्कोः ल्होक्ओमयः थाती ‘लौ नाङ्इ जोपाहाङः मुओ सीमोन् पत्रुस्कायः गोत्लाङ् ल्होक्उ दा। गोत्ती वानःआक्तीको ओउःकोः कुरा पेतोलेः सायःनु’ त दाय्ह्ती ओउः ल्होक्ओमयःइ तोताङःआथै। ओउःत झ्यान्ते ङीइ नाङ्कायः गोत्लाङ् दाह्आलाङी” त दाय्ह्ती ओउः सुम्चाक्इ पत्रुस्कायः छ्यानःआथै।
ओउः नीस्चाक् ल्होक्आक्तीको ओउःकोः ल्हाक्राय् सायःती पत्रुस्पाय् ओउः नीस्चाक्कुस् जोपा सहर्ताङ् आल्आकाय्। पत्रुस्पाय् आल्ती ओउः तबीथा मुओ कोथाहाङः दाह्ती पोक्आ। पोक्ती वाङ्आक्तीको सबै ह्र्यात् मोमःचोःलम् पत्रुस्कःताङ् र्याःती क्रेस्लाङ् हुम्ती “लौ इ नाय्जा इ सीओ तबीथाइ जाङ्ह्ती बयःआबत्ताङः बा” त दाय्ह्ती सबै तबीथाइ जाङ्ह्ओ नाय्लम् थोक्लम् ओउःकायः छ्यानःथातो ओउः मोमःचोःलम्कायः पत्रुस्इ बाहीरताङ् ल्होक्आथास।
Sanasan