१ तीमोथी 5:1 - चेपाङ1 थालवःपाकायः खह्र्तोलेः जान्लाम् लयःकोः आपालो लेखालेः “नाङ्कोः काम्पाय् इत पेतो जाङ्ह्उ” त तेती तोउ दा। अरु मान्तालम्खे नाङ्कोः हौलो लेखालेः तोउ। Faic an caibideil |
१ तीमोथी 5:1
26 Iomraidhean Croise
ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु।
ओहाङःसैको पावुल् साथीचोङ् आल्दा आल्दा यरुसालेम्ताङ् दाह्आक्तीको ओहाङःकोः येसुकोः छ्युङ्ह्ओमयःमा येसुकायः ङ्हाम्ओ थालवःपालम्इमा ओउःनीस् पावुल् बर्नाबास्नीस्कायः त्याक्ती रोम्आथाच। रोम्आक्तीको ओउःनीस्इ “लौ नीचीकायः परमेस्वर्इ इतलेः जाङ्ह्ती वाह्ताक्आताङःच” त दाय्ह्ती सबै ङ्हा जाङ्ह्ओ काम्लम् ल्हाक्ती छ्यानःती तोआथास।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा।
Sanasan