येसुइ हुम्ओ मान्तालम्कायः लाङ्गनःहाङः च्युङःताक्आन्। ओउःमयःकायः च्युङःताक्आक्तीको येसुइ ओउः पोङाकेरः लाङ्मा नीस्ज्योः ङाःमा त्याक्ती लाङ्काताङ् त्याव्ती योती परमेस्वर्कायः “च्युता” त तोआकान्। एत तोआक्तीको येसुइ ओउः लाङ्मा ङाःमा फन्ह्ती वेःती ओउःकुस् वाह्ओमयःकायः ल्हाती दोल्कावःसाकायः बयःआकान्।
१ तीमोथी 4:3 - चेपाङ3 ओउःमयःइ “गोय्चोःकायः कमा वानःसामा स्याव्ल मोमःचोःकायः भाव्कः पाय्ह्सामा स्याव्ल” त दाय्ह्तीमा “कोय् जेःगा जेःसा स्याव्ल” त दाय्ह्तीमा स्यान्नानी। ओउःमयःइ तोओपाय् दोङ् कुरा खेःल बा। सबै जेःगालम्पाय् दोङ् कुरा ङ्हाम्ओलम्इ परमेस्वर्कायः “च्युता” त तोआक्तीको जेःसा स्याव्लेःनाः। ओउःत हायःसाकायः परमेस्वर्इ इ जेःगा जाङ्ह्ती बयःआतय्ही। Faic an caibideil |
१ तीमोथी 4:3
30 Iomraidhean Croise
दोह् हायःती दाय्ह्सा परमेस्वर्कोः राजीहाङः दोह् दोह् जेःसा दोह् दोह् तुङ्सा त दाय्ह्ती जवओ कुरालेः नाःल। ओउःकोः राजीहाङः दोह् दोह् कुरापाय् ताङ्ह्लेःनाः दाय्ह्सा पेतो छय्ङ्तो मुओलेःमा ल्हुङ् धोमाय्ओमा ल्हुङ् चोङाय्ओमा इ सबै कुरा परमेस्वर्कोः ग्वालामःइ बयःओ लेःआः ओउःकोः राजीहाङः ताङ्ह्ओ लेःआः।
सुसुखे “लौ इ दीन्पाय् क्रोःओ दीन् लेःआः” त म्हर्नै ओउःलेः परमेस्वर्कायः माननानी। सुसुखेइ सबै थोक् जेःनानी ओउःइमा परमेस्वर्कायः माननानी दोह् हायःती दाय्ह्सा जेःतोक्हाङः ओउःइ परमेस्वर्कायः “च्युता” त तोनानी। ओउःतलेः ओउः मायःलम् जेःमालो मान्ताइमा परमेस्वर्कायः “च्युता” त तोती ओउःकायः माननानी।
फेरी “तुक् कोस्ताक्साकायः जेःगालेः स्याव्नाः” त दाय्ह्ओ लेखालेः यात्नीस्चाक् “आङ्कोः मोह्हाय्ओ द्युमःताक्साकायः ल्हास्या काम् जाङ्ह्सा स्याव्लेःनाः” त दाय्ह्नै यादो। ओउःत दाय्ह्सापाय् स्याव्ल दोह् हायःती दाय्ह्सा लोनेः परमेस्वर्इ तुक् जेःगाकोः कुरा सबै म्हीत्ताक्नौ। आने मान्ताकोः आङ्पाय् पेमालो काम् जाङ्ह्साकायः मुओ खेःल प्रभुकोः काम् जाङ्ह्साकायः मुलेःनाः। मान्ताकोः आङ्इ प्रभुकायः काम् जाङ्ह्लेःनौ मान्ताकोः आङ्कायः प्रभुइमा पेतोलेः जाङ्ह्मानौ।
ओउःत हायःसा पेसापाय् पेलेःनाः नाङ्इ मोमःचोः वानःतेःनौ त खेःया ओउःपाय् रेव्ओ काम् खेःल। फेरी मोमःचोःपाय् गोय्चोःकुस् पाय्ह्सा ओउःमा रेव्तो काम् खेःल। तेन्छ्याङ्पाय् ल्हाव्ह्दैबाङ्हाङः नीस् पय्क्चाःपाय् आन लीह्तो स्याव्नाःच ओउःत लीह्सीःओ नीङ्कःताङ् “वाङ्लाम्” त दाय्ह्ती ङाइ इतलेः गानाक्ती तोनेःआलाङ्स।
ओउःत झ्यान्ते नया थेथे स्यान्ओ कुरा सायःआक्तीको परमेस्वर्कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्नाखे खेःल परमेस्वर्इ योनःती बयःधार्नाखे ङीकायः ल्हुङ् ग्रमःतलेः ङ्हाम्ताक्नाःतय्ही ओउः भोस्कोः जेःगा जेःती जवओलम्पाय् ओउःत हायःधार्नालेः दोह्मा दोःइली।
Sanasan