१ तीमोथी 4:14 - चेपाङ

¹⁴ फेरी नाङ् परमेस्‍वर्‌कःसै दोःओ ग्‍वम्इलेः काम् जाङ्‌ह्उ दा। ओउः ग्‍वम्‌पाय् परमेस्‍वर्‌कोः कुरा छ्यानःओलम्इ नोःधार्‌नालेःमा ङ्‌हाम्ओलम्‌कायः स्‍यालःओ थालवःपालम्इ क्रुत् झाम्‍ह्‌तीमा ओउः बेलाहाङः बयःओ खेःतो।

१ तीमोथी 4:14 Iomraidhean Croise

खबरदुत 11:30

ओउःत होम्‌काय्आक्‌तीको पैसा हुम्‌ती वानःआक्‌तीको बर्‌नाबास्‌कायःमा सावुल्‌कायःमा ल्‍हाआथाच। ओउः पैसापाय् ओउःनीस्इ यरुसालेम्‌ताङ् लात्‌ती आल्आकाच। ओहाङःसैको दाह्आक्‌तीको ओहाङःकोः येसुकायः ङ्‌हाम्ओलम्‌कोः थालवःपालम्‌कायः ओउः पैसा बयःआकाचु।

खबरदुत 13:3

एत तोआक्‌तीको ओउःमयः उपाङ् काःती दप्आक्‌तीको परमेस्‍वर्‌कायः तोती ओउःनीस्‌कायः क्रुत्इ झाम्‍ह्‌ती दाम्‌ती ल्‍होक्आथाच।

खबरदुत 19:6

बाप्‍तीस्‍मा जाङ्‌ह्आक्‌तीको ओउःमयःकोः तालाङ्‌हाङः पावुल्इ लयःकोः क्रुत् झाम्‍ह्आकान्। क्रुत् झाम्‍ह्‌तोक्‌हाङः ओउः मान्‍तालम् परमेस्‍वर्‌कोः ग्‍वालामः दोःआकाय्। दोःआक्‌तीको ओउःमयः थे थे भासालम् नोःमाआकाय् परमेस्‍वर्‌इ छ्यानःओ कुरा तोमाआकानी।

खबरदुत 22:5

इतलेः इहाङःकोः प्रधान् पुरोहीत्इमा सबै सभाकोः ताङ्‌ह्ओ मान्‍तालम्इ चीःनानी। ओउः सभाकोः मान्‍तालम्इ दामास्‍कस्‌हाङः मुओ यहुदीलम्‌कायः चेती लेखती ‘दामास्‍कस्‌हाङः मुओ येसुकायः गुल्‍ह्ओमयः चुम्‌ती यरुसालेम्‌ताङ् न्‍युम्‍ह्‌ताक्‌लाङ् वानःपाःथास’ त दाय्‍ह्‌ती ल्‍होक्आताङः। ओहाङःसैको ङा इ चेतीलम् लात्‌ती दामास्‍कस् सहर्‌ताङ् आल्आलाङः।

खबरदुत 6:6

चीङ्‌ताक्आक्‌तीको ओउः बारजनखेइ ओउः सात्‌जन मेस्‌लो छ्युङ्‌ह्ओ मान्‍तालम्‌खेकायः क्रुत् झाम्‍ह्‌ती “लौ इ सात्‌जनलम्‌कायः काम् पेतो जाङ्‌ह्‌ताक्उसु” त दाय्‍ह्‌ती परमेस्‍वर्‌कः तेती तोआकानी।

१ थेसलोनिकि 5:19

म्‍हेः सीती म्‍हीत्‌ताक्ओ मान्‍तालो लेखातेः परमेस्‍वर्‌कोः ग्‍वालामःइ जाङ्‌ह्ओ काम्‌तेः त्‍याःतेःचानी।

१ तीमोथी 1:18

लौ तीमोथी हौय इ कुरा ङाइ द्याह् तोनेःनाङ्। ओहाङःसै परमेस्‍वर्‌इ नाङ्‌कायः ङ्‌हा तोती गम्ओ कुरा ताप्‌ताक्‌साकायः ओउः कुरा गीलती नाङ् ग्रमःत मुती परमेस्‍वर्‌कोः कुरा चीःती ओउःकायः पेतो ङ्‌हाम्‌ती वाह्‌सा खाय्‌तेःनौ। यात्‌नीस्‌चाक्इ ओउःत हायःओ फेती झ्‍यान्‍ते ओउःमयःकोः ङ्‌हाम्ओपाय् द्याह् वाय्ओ लेःआः।

१ तीमोथी 4:15

इ कुरापाय् म्‍हेःमाःत ल्‍हुङ्‌हाङः घीःतीलेः धुःती जाङ्‌ह्उ ओहाङःसैको नाङ् गुच्‍युक् व्‍हाय्‌तोतेः स्‍याव्‌तेःओ त अरुइ च्‍यवःसा खाय्‌नानी।

१ तीमोथी 5:17

सुसु दीक्‌पाल्‌लम्इ ङ्‌हाम्ओलम्‌कायः पेतो स्‍यालःनाःथास ओउःकोः काम् जाङ्‌ह्‌झ्‍याङ्‌कोः नीस् भाक् बयःपाःथै। सुसुइ ङ्‌हाम्ओलम्‌कायः पेतो स्‍यान्‌नाःथास येसुकोः कुरा पेतो थोल्‍ह्‌ती तोनाःथास न्‍हाङ्‌तोलेः ओउःकायः नीस् भाक् दोःपाःथै।

१ तीमोथी 5:19

ओहाङःसै “ओउःइ रेव्ओ काम् जाङ्‌ह्ओआः” त दाय्‍ह्‌ती अरुइ यात्‌चाक् ङ्‌हाम्ओलम्‌कायः स्‍यालःओ दीक्‌पाल्‌कायः गाल्‌तुम्‌ती तोसा बोङःनानी त खेःया ओउःमयःइ नीस् सुम्‌चाक् ओउःकोः रेव्‌तो जाङ्‌ह्ओ च्‍यवःओलम्‌कायः वानःसा खेःतो ओहाङःसै ओउःमयः गाल्‌तुम्‌ती तोओ पाःती तोसा खाय्‌नानी। पाःती तोओलम् नाःल त खेःया ओउःकोः गाल्‌तुम्‌ती तोओ सायःतेःचनौ।

१ तीमोथी 5:22

ङ्‌हाम्ओलम्‌कायः काम् जाङ्‌ह्‌सा मान्‍ताकायः रेन्‍ह्‌तोलेः छ्युङ्‌ह्‌ती क्रुत् झाम्‍ह्‌ती काम् जाङ्‌ह्‌ताक्‌तेःचनौ। रेव्‌तो जाङ्‌ह्ओलम्‌कुस् वाह्‌तेःचानाः उया नाङ्‌मा रेव्‌तो स्‍याव्‌तेःनाः छय्‍ङ्‌तोलेः मुतेःपाः।

१ तीमोथी 6:12

ङ्‌हाम्‌साकायः पेतो ग्रमःत ङ्‌हाम्‌ती मुअ दा फेरी रौ जीङःपाय् पेतोलेः त्‍याक्उ। इत रौ जीङः दोःसाकायः नाङ्इ नाःतो मान्‍तालम्‌कोः मीक्‌हाङः छ्यानःती तोतोक् बेलाहाङः परमेस्‍वर्‌इ गोत्‌तेःआ।

२ तीमोथी 1:6

ओउःत खेःओ ओउः परमेस्‍वर्‌इ बयःओ ग्‍वम्‌लेः सबै काम् जाङ्‌ह्‌साकायः गम्उ दा। ओउः ग्‍वम्‌पाय् ङाइ नाङ्‌कःहाङः क्रुत् झाम्‍ह्ओ बेलाहाङः दोःतेःआ।