१ तीमोथी 4:1 - चेपाङ1 “लोनेः स्याव्सा बेलाहाङः यात्नीस्चाक्इ ख्रीस्कायः ङ्हाम्ओ फेनानी” त दाय्ह्ती परमेस्वर्कोः ग्वालामःइ दोङ्ह्तोलेः तोआकान्। ओउः मान्तालम्इपाय् दोङ् कुरा फेती लान्इ बयःओ माःती तोओ कुरा ह सायःनानी। Faic an caibideil |
१ तीमोथी 4:1
64 Iomraidhean Croise
ओहाङःमा यात्नीस् एपीक्युरी त तोओ धर्मा स्यान्ओ मान्तालम्मा अरु स्तोइक् त तोओ धर्मा स्यान्ओ मान्तालम्मा पावुल्कुस् आन तानःकाय्ती नोःकाय्आकाय्। ओउः मान्तालम्हाङः कोय्खे “इ मान्तापाय् आह्रे चीःमाःत नोःओआः यादो” त दाय्ह्ती दाय्ह्आकाय् अरुखे “इपाय् थे थे द्यव्ताकोः कुरा स्यान्ती तोनाःतय्ही रैस” त दाय्ह्ती नोःकाय्आकाय्। पावुल्इपाय् “येसु सीआक्तीको च्योक्ओआः” त स्यान्ती तोओ त झ्यान्ते ओउःमयः “इपाय् थे थे कुरा” त नोःकाय्आकाय्।
ङीकःताङ् दाह्ती वाङ्आक्तीको आगाबस् त तोओइ पावुल्कोः तोङःनाय् त्याक्ती ओउःकोः लयःकोः दोम् क्रुत् पानःती “लौ इ तोङःनाय् मुह्ती मुओ मान्ताकायः इतलेः ‘यरुसालेम्कोः यहुदीलम्इ पानःती गम्आक्तीको ओउःकायः अरु जात्कोः मान्तालम्कायः दाक्नाःथै’ त दाय्ह्ती ङाकायः परमेस्वर्कोः ग्वालामःइ तोआताङः” त दाय्ह्ती आगाबस्इ तोआताङी।
ङ्हाहाङः इस्राएल्कोः मान्तालम्कःहाङः यात्नीस्चाक्इ “लौ ङीपाय् परमेस्वर्कोः कुरा छ्यानःती तोओलम् खेःनाङी” त दाय्ह्ती माःती तोआकानी। नीङ्कःहाङःमा ओउः खाल्कोः माःती तोओलम्पाय् अरु चीःताक्माःत वाङ्नै। ओउः माःती तोओलम्इ अरु मान्ताकायः पेमालो वाय्तो स्याव्ताक्सा कुरा स्यान्ती ओउःमयःकायः ल्हाङ्ती वानःओ प्रभुकायः फेनानी ओउःत झ्यान्ते ओउःमयः रेन्ह्तोलेः न्युम्ह्ती वाय्ओलेः स्याव्नै।
ङीखेपाय् परमेस्वर्कोः लेःआः तय्ही। परमेस्वर्कायः तय्ह्ओमयःखेइ ङीइ तोओ कुरा ग्याती सायःनानी। परमेस्वर्कायः तय्ह्मालोमयःखेइ ङीकायः सायःतय्हीली ओउःत झ्यान्ते परमेस्वर्कोः ग्वालामः दोःती दोङ् कुरा तोओमयः सुखेलो त तय्छनःती योसामा खाय्नाःतय्ह्नी। फेरी दोःमालो माःती तोओमयःमा सुखेलोमा त तय्छनःती योसामा खाय्नाःतय्ह्नी।
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
मीन्ह्काय्लाङ् वाङ्तोक्हाङः ओउः तीःसै थाओकायःमा ओउःकुस् वाह्ओ माःओ कुरा छ्यानःती तोओचाक्कायःमा चुम्आकानी। ङ्हापाय् ओउः माःती तोओइपाय् ग्याङ्ह्राय् जाङ्ह्ती ओउः तीःसै थाओकोः चीन्ह आङ्हाङः नाःओलम्कायःमा ओउःकोः मुर्तीकायः मानओलम्कायःमा ब्रःताक्ती थ्योन्ह्ओ खेःतो। ओहाङःसैको चुम्आक्तीको ओउः तीःसै थाओमा ओउः माःती तोओमा ओउःनीस्पाय् सेलः मुतोक्हाङः म्हेः ल्युङ्ओ गन्धक् नाःओ दुम्हान्हाङः तोस्ती वाय्ओ खेःचतो।
लौ इ परमेस्वर्कोः ग्वालामःइ ङ्हाम्ओलम्कायः तोओ कुरापाय् पेतो सायःनु दा। सुसुइ रेव्ओकायः क्लीमःनानी ओउःकायः ङाइ नुस्ती गम्ओ मन्नकोःमा बयःलेःनाङः यात्ज्योः भाम्ओ बाङ्मा बयःलेःनाङः। ओउः बाङ्हाङः अरु सुइमा चीःमालो नया मय्ङ् लेखती मुलेःनाः। ओउः बाङ् दोःओ मान्ताइ ह दोह् मय्ङ् लेखओ मुनाः त चीःसा खाय्नानी।
Sanasan