१ तीमोथी 2:5 - चेपाङ

⁵ ओउः परमेस्‍वर्‌पाय् यातैज्‍योः लेःआः फेरी मान्‍ताकायः परमेस्‍वर्‌कःताङ् वानःसाचाक्‌मा यातैज्‍याङ् लेःआः ओउः मान्‍तापाय् येसु ख्रीस् लेःआः बा।

१ तीमोथी 2:5 Iomraidhean Croise

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 1:23

“लौ यात्‌चाक् बुधाकः पाय्‍ह्‌मालो मोमःचोः चोःतुक् स्‍याव्‌ती गोय्‌चोःचोः दोःतो स्‍याव्‌नाः। ‘परमेस्‍वर्‌ ङीकुस् मुनाःतय्‍ही’ त दाय्‍ह्‌ती ओउः चोःकायः एमानुएल् त मय्‍ङ्‌नानी” त दाय्‍ह्‌ती दाय्‍ह्ओ कुरा द्याह् ताप्‌तो स्‍याव्‌नाः।

लुका 14:22

ओहाङःसैको ओउःकोः मालीक्इ तोओ कुरा सायःती ओउः नोकरीपाय् आल्आ। आल्आक्‌तीको पाय्‍ह्‌ती वाङ्आक्‌तीको ‘लौ नाङ्इ तोओलो लेखालेः ङाइ जाङ्‌ह्‌लेःआलाङः। जाङ्‌ह्‌सापाय् जाङ्‌ह्‌लेःङोतो भोस् जेःसा मान्‍तालम्‌पाय् पुत्‌धाङ्इली’ त दाय्‍ह्‌ती मालीक्‌कायः छ्यानःआथै।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

खबरदुत 4:12

ओहाङःसैको येसुकः तेती ह मान्‍तालम् सीआक्‌तीको नया गलमा द्योक्‌मालो जीङः दोःनै ल्‍हाव्‍ह्‌दैबाङ्‌हाङः अरु पेह्‌ती तेसा मय्‍ङ्‌पाय् दोह्‌मा नाःबाय्‌ल” त दाय्‍ह्‌ती पत्रुस्इ सबै हुम्ओलम्‌कायः तोआथास।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 10:12

ओउः कुरापाय् सबैकायः स्‍याव्‌लेःनाः यहुदीलम्‌मा यहुदी खेःमालोलम्‌मा थेथे खेःइली दोह् हायःती दाय्‍ह्‌सा परमेस्‍वर्‌पाय् सबैकोः प्रभु लेःआः। सुखेइलो ओउःकायः तेती तोनानी ती ओउःकायःलेः परमेस्‍वर्‌इ जुगाङ् पेतो दोःताक्‌नाःथास।

१ कोरीन्‍थी 8:4

ओहाङःसैको द्यव्‌ताकायः ल्‍हाओ चीस् जेःओ कुराकायः इतलेः तोनेःनाङ्‌स। द्यव्‌तालम्‌पाय् दोह्‌मा खेःइली यातैज्‍याङ् परमेस्‍वर्‌ झुङ्आले मुनाः त चीःनाःतय्‍ह्‌नी।

१ कोरीन्‍थी 8:6

“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।

गालाती 3:20

तोती गम्ओ बेलाहाङःपाय् यात्‌चाक् तोती गम्‌सा मान्‍ता ह परनाः अरुकायः ल्‍हाक्‌ती तोओ मान्‍ता परल। ओउःतलेः आब्राहाम्‌कायः तोती गम्ओ बेलाहाङःपाय् तोती गम्‌साकायः ओउः यातैज्‍योः परमेस्‍वर्‌ ह मुओ खेःतो।

एफेसस् 4:6

फेरी सबैकोः परमेस्‍वर्‌ आपामा यातैज्‍योः लेःआः। ओउःपाय् सबैकोः प्रभु लेःआः सबै काम् जाङ्‌ह्‌ताक्‌लेःनौ सबैहाङः मुलेःनाः।

१ तीमोथी 6:13

लौ सबै थोक्‌कायः जीङः बयःसा परमेस्‍वर्‌कोः मीक्‌हाङःमा पोन्‍तीयस् पीलातस्‌कःहाङः पेतो छ्यानःती तोओ येसु ख्रीस्‌कोः मीक्‌हाङःमा इत तोनेःनाङ् बा।

हेब्रैनी 12:24

ओउः नया तोती गम्ओ कुरा जाङ्‌ह्ओ येसुकःताङ्‌मा वाङ्‌तेःआकाय्। ओउःकोः वयःइपाय् वस्‌ती छय्‍ङ्‌ताक्‌ती झ्‍यान्‍ते हाबेल् त तोओकोः वयःसै पेतोलेः दोःताक्‌नाःतय्‍ही। ओउःत चीःती येसुकोः वयःकःताङ्‌मा वाङ्‌तेःआकाय्।

हेब्रैनी 7:25

द्याह्‌मा लोनेःमा गलकायःमा ओउःकायः ङ्‌हाम्‌ती परमेस्‍वर्‌कःताङ् वाङ्‌ह्ओलम्‌कायः ओउःइ पेतोलेः दल्‌ताक्‌सा खाय्‌नौ दोह् हायःती दाय्‍ह्‌सा ओउःमयःकायः परमेस्‍वर्‌कःताङ् तेती तोसाकायः येसुपाय् गलकायःमा मुलेःनाः।

हेब्रैनी 8:6

येसुइ परमेस्‍वर्‌सै वानःओ ङीकायः बयःसा होम्‌काय्ओ कुरापाय् ओउः ङ्‌हाकोः होम्‌काय्ओ कुरासै आन पेओ लेःआः दोह् हायःती दाय्‍ह्‌सा ओउः ङ्‌हाकोः कुरासै न्‍हाङ्‌तोलेः पेतो दोःनाःतय्‍ही। ओउःलो लेखालेः येसुपाय् ओउः अरु पुरोहीत्‌लम्‌सै न्‍हाङ्‌तोलेः ताङ्‌ह्ओ काम् दोःओआः बा।

हेब्रैनी 9:15

ओउःत हायःआक्‌तीकोमा ख्रीस्इपाय् नया होम्‌काय्‌ती गम्ओ कुरा जाङ्‌ह्‌सा खाय्‌नौ। ओहाङःसैको सुसुकायः परमेस्‍वर्‌इ गोत्आथास ओउः मान्‍तापाय् ओउःइ बयःओ गलमा द्योक्‌मालो पेओ कुरा दोःनै दोह् हायःती दाय्‍ह्‌सा ख्रीस् सीलेःआ ओउःकोः सीधार्‌नालेः ओउः ङ्‌हाकोः होम्‌काय्ओ कुरा गम्‌तोक्‌हाङः जाङ्‌ह्ओ रेव्ओ काम्‌सै मान्‍तालम् पेङ्‌कलःतोलेः स्‍याव्‌नै।

१ युहना 2:1

लौ हौलम्‌य “नीङ् रेव्‌तो हायःओ जाङ्‌ह्‌माःत मुन” त दाय्‍ह्‌ती इ कुरा लेखनेःनाङ्‌स। ओउःत लेखनाङ्‌सतो सुलाङःइ रेव्ओ काम् जाङ्‌ह्‌चनौ त खेःया ओउःकायः येसु ख्रीस्इलेः परमेस्‍वर्‌ आपाकः तेती तोसा ग्‍यानाः। ओउः येसु ख्रीस्‌पाय् गलमा रेव्ओ हायःमालो लेःआः

प्रकाश 1:13

ओहाङःसैको ओउःहाङःमा मान्‍ताकोः चोः त तोओलो लेखालेः यात्‌चाक् चीङ्‌ती मुओमा च्‍यवःआलाङः। ओउःपाय् दोम्‌ताङ् च्‍युक्‌कायःलेः झ्‍युह्र्ओ नाय्‌मा लावसतो खोस्‌हाङः सुन्‌कोः तोङःनाय्‌मा तोङःओ खेःतो।