ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
१ तीमोथी 1:4 - चेपाङ4 फेरी ओउःमयःकोः आय्कानः तोकानःलम्सै दोःओ आह्रे ल्हाक्राय् कुरालम्मा आन होह्र्कोः कुराकायःमा “इत स्यान्ओ फेनु दा” तमा तोसा खेःतेःनाः। ओउः कुरापाय् परमेस्वर्कोः काम् पेतो स्याव्ताक्उलु स्यान्आक्तीको काय्काय्ओ ह वाङ्आनाः। परमेस्वर्कोः कुरा ङ्हाम्आक्तीको ह ओउःकोः काम् मान्ताइ पेतो स्याव्ताक्सा खाय्नानी बा। Faic an caibideil |
१ तीमोथी 1:4
19 Iomraidhean Croise
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
ओउःत झ्यान्ते नया थेथे स्यान्ओ कुरा सायःआक्तीको परमेस्वर्कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्नाखे खेःल परमेस्वर्इ योनःती बयःधार्नाखे ङीकायः ल्हुङ् ग्रमःतलेः ङ्हाम्ताक्नाःतय्ही ओउः भोस्कोः जेःगा जेःती जवओलम्पाय् ओउःत हायःधार्नालेः दोह्मा दोःइली।
Sanasan