11 ओउः दोङ् स्यान्राय्पाय् ङीकोः सबैसै पेओमा ताङ्ह्ओ परमेस्वर्इ बयःओ पेओ समचार् लेःआः बा। ओउः पेओ समचार् थोल्ह्ती तोसाकायः परमेस्वर्इ ङाकायःलेः बयःआताङः।
“लौ परमेस्वर्इ मान्तालम्कोः ल्हुङ्तुक् तय्छनःती योसा दीन्हाङः ओउःतलेः स्याव्नाः” त दाय्ह्ती ङाइ परमेस्वर्कोः पेओ नोःराय् थोल्ह्ती तोलेःनाङः।
ओउः काम्पाय् ङाइ लयः झाक्ती जाङ्ह्ओ त खेःया ङा ज्याला त्याक्सा स्याव्ओ खेःतो ओउःपाय् खेःल परमेस्वर्इलेः बयःओआः त झ्यान्ते ओउः काम् जाङ्ह्नाङः बा।
दोह् हायःती दाय्ह्सा ओउःमयःइ ल्हुङ्हाङः चीःती ङ्हाम्साकायः इ ल्हाव्ह्दैबाङ्कोः सैतान् राजाइ ताक्थासल। ओउःत खेःओ ओउः परमेस्वर्लो लेखा ताङ्ह्ओ ख्रीस्कोः पेओ समचार्पाय् ओउः मान्तालम्इमा चीःसा खाय्नीली ओउः पेओ कुराइमा ओउःमयःकोः ल्हुङ्हाङः थोङ्ताक्सा दोःल।
परमेस्वर्इलेः “लौ च्याक्ओहाङः थोङ्तो स्याव्पाः” त दाय्ह्ती तोओआः बा ओउः परमेस्वर्इपाय् ङीकोः ल्हुङ्मा थोङ्ताक्आताङी। ओहाङःसैको ओउः थोङ्ओपाय् येसु ख्रीस्कोः खेन्सै वाङ्ती परमेस्वर् गुच्युक् पेओमा ताङ्ह्ओमा त चीःताक्नाःताङी।
यहुदीलम्कायः ओउः पेओ समचार् थोल्ह्ती तोसाकायः परमेस्वर्इ पत्रुस्खेकायः छ्युङ्ह्आकान्। ओउःलो लेखालेः यहुदी खेःमालोलम्कायः थोल्ह्ती तोसाकायः परमेस्वर्इ ङाखेकायः छ्युङ्ह्आताङः एत ओउः ताङ्ह्ओलम्इ चीःआकानी।
ओहाङःसैको ङी ख्रीस्कोः कुरा ङ्हा ङ्हाम्ओलम्इपाय् ओउःकायः लुङ्ती ताङ्ह्ताक्सा खाय्नाङःसु।
ङीकायःपाय् ओउःतलेः आन पेतो योनःती योती झ्यान्ते लयःकोः ल्हुङ् गोरे चोःपाय् ल्होक्आतय्ही ओउःत हायःओकायः परमेस्वर्कायः जुगाङ् ताङ्ह्ताक्पाःथै।
एतलेः येसु ख्रीस्कुस् परमेस्वर्इ ङीकायः गुच्युक् पेतो राप्ती बयःआतय्ही त गलकायःमा छ्यानःसा थेङा लाङ्काहाङः च्युङःताक्आतय्ही।
ओउःत हायःधार्नालेः ख्रीस्कायः ङ्हाम्ओलम्इ तेन्छ्याङ् परमेस्वर्कोः सबै व्हाय्ओ कुरालेः लाङ्काकोः प्रभुलम्कायःमा ताङ्ह्ओलम्कायःमा चीःताक्सा खाय्नानी।
लयःकोः मान्तालम्कायः ओउःकोः नोःराय् थोल्ह्ती तोसा काम् जाङ्ह्सा थेङा परमेस्वर्इ ङाकायः छ्युङ्ह्ती नीङ्कःताङ् ल्होक्आताङः ओउःत झ्यान्ते परमेस्वर्कोः नोःराय् ताप्ताक्साकायः ओउः जुदालेः स्यान्नेःनाङ्स।
ओउःपाय् खेःल ओउःकोः पेओ समचार् थोल्ह्ती तोसाकायः परमेस्वर्इ छ्युङ्ह्ती दोक्आताङी ओउःत खेःओ ओउःकोः कुरा गतलो बयःआताङी ओउःतलेः तोनाङःसु। मान्ताखेकायः म्रोताक्सा खेःल ङीकोः ल्हुङ्तुक् योओ परमेस्वर्कायः म्रोताक्साकायः ह तोनाङःसु।
ओउः कुरा छ्यानःती “इ येसु ख्रीस्कोः दोङ् कुरा ङ्हाम्नु” त ङाइ थोल्ह्ती तोसाकायःमा परमेस्वर्इ ङाकायः यहुदी खेःमालो मान्तालम्कःताङ् छ्युङ्ह्ती ल्होक्आताङः। एत दाय्ह्ती ङाइ माःती तोओ खेःल दोङ् कुरालेः तोनेःनाङ् बा।
ख्रीस्कोः थाती वाङ्ओपाय् परमेस्वर्इ लयःकोः क्रोःओ बेलाहाङः छ्यानःनौ। ओउःपाय् अरुसै पेओ ग्वम् नाःओ हुकुम् बयःओ लेःआः राजालम्कोः राजामा प्रभुलम्कोः प्रभु लेःआः।
अ तीमोथीय नाङ्खेकायः बयःओ कुरापाय् पेतोलेः ल्हुङ्हाङः गम्उ दा। अरु मान्ताखेइ “लौ इ पेओ व्हाय्ओ कुरा लेःआः” त दाय्ह्ती दोङ्सीलेः आह्रे व्हाय्मालो कुरा नोःनै। ओउः कुरापाय् गलमा सायःतेःचनौ।
ओउः पेओ समचार् थोल्ह्ती तोसाकायःमा स्यान्साकायःमा परमेस्वर्इ ङाकायः छ्युङ्ह्ती ल्होक्आताङः।
ओउः नाङ्कुस् गम्ओ पेओ कुरापाय् ङीकुस् गम्ओ परमेस्वर्कोः ग्वालामःकुस्इ ल्हुङ्हाङः पेतो सेती गम्उ।
आने नाःतो अरु मान्तालम्कुस्इ ङाइ स्यान्ओ कुरा सायःतेःनीतो ओउः कुरापाय् अरु ल्हुङ् नीङ्ओ मान्तालम्कायः स्यान्उसु ओहाङःसैको ओउःमयःइपाय् अरु अरुकायः लोने स्यान्सा खाय्नानी।