१ थेसलोनिकि 5:5 - चेपाङ

⁵ ङीपाय् थोङ्ओ न्‍हीदीङ्‌हाङः वाह्ओ मान्‍तालम्‌खे खेःनाःतय्‍ही च्‍याक्ओ याह्‌दीङ्‌हाङः वाह्ओलम्‌खे खेःतय्‍हीली।

१ थेसलोनिकि 5:5 Iomraidhean Croise

लुका 16:8

इत चीःआक्‌तीको ओउः नोकरीकोः मालीक्‌पाय् ‘ए नाङ् लयःकायः काम् जाङ्‌ह्‌सा आनतेः चीःतेःनौ रैस’ त दाय्‍ह्‌ती नोकरीकायः तोनाःथै। दोङ्‌सीलेः तेन्‌छ्याङ्‌कोः ल्‍हाव्‍ह्‌दैबाङ्‌कोः मान्‍तालम्‌पाय् ङाकोः मान्‍तालम्‌सै लयःकायः काम् जाङ्‌ह्‌सा आनलेः चीःनानी बा।

युहना 12:36

ङाइ थोङ्‌ताक्ओ कुरा स्‍यान्‌तोक्‌हाङः ङाकायः ङ्‌हाम्‌नाङ्‌स ओहाङःसैको नीङ्‌मा थोङ्ओहाङः वाह्ओ मान्‍तालम् स्‍याव्‌तेःनै” त दाय्‍ह्‌ती येसुइ तोआथास। एत तोआक्‌तीको येसु आल्‌ती ओउःमयःइ चीःमालो थाव्‌हाङः वाङ्आकाय्।

खबरदुत 26:18

ओहाङःसैको ल्‍होक्आक्‌तीको यहुदी खेःमालो जात्‌लम्‌कःताङ् आल्‌ती ओउःमयःकायः मीक् दोङ्‌ह्‌तोलेः ल्‍हुङ् थोङ्‌ताक्‌ती तोआक्‌तीको ओउःमयःइ सैतान्‌कोः रेव्ओ काम् फेती परमेस्‍वर्‌कोः पेओ काम् जाङ्‌ह्‌चानी। ओउःत हायःती ङाकोः कुरा ङ्‌हाम्‌ती ओउःमयःकोः रेव्‌झ्‍याङ्‌कोः क्‍युम्‍ह्‌ती वाय्आक्‌तीको ओउःमयः परमेस्‍वर्‌कोः छय्‍ङ्ओ मान्‍ताले स्‍याव्‌चै। इ कुरा तोती स्‍यान्‌साकायः नाङ्‌कायः ङाइ छ्युङ्‌ह्‌ती तोती ल्‍होक्‌नेःनाङ्’ त दाय्‍ह्‌ती प्रभु येसुइ तोआताङः।

एफेसस् 5:8

नीङ्‌पाय् ङ्‌हाखे च्‍याक्ओ ल्‍हुङ्‌लेः नाःती वाह्ओ खेःतेःइतो द्याह्‌खे प्रभुइ बयःओ थोङ्ओ ल्‍हुङ्‌लेः दोःती वाह्‌तेःनै।

१ थेसलोनिकि 5:8

ङी न्‍हीदीङ्‌कोः मान्‍तालम्‌खे ल्‍हुङ् म्र्यातो स्‍याव्‌ती राप्ओ ङ्‌हाम्ओ ल्‍हुङ् दोःती “लौ ङी पेतो दल्‌नाःतय्‍ही” त म्‍हर्‌ती चोङाय्‌तीलेः ल्‍युङ्‌ह्‌ती मुन।

१ युहना 2:8

ओउः अह्र्तपाय् आय् अह्र्त खेःसापाय् खेःलेःनाः बुरु गलकायःमा रौलेः स्‍याव्‌नाः। ओउः कुराकायःपाय् “दोङ् कुरा लेःआः” त ख्रीस्इमा सबैकायः छ्यानःआकान् ओउःतलेः नीङ्इमा छ्यानःतेःनानी। ओउः कुरापाय् इ लेःआः “द्याह् च्‍याक्ओखे क्रव्‌लेःनाः दोङ् थोङ्ओखे दाह्‌सा बोङःती मुनाः”