१ थेसलोनिकि 5:12 - चेपाङ12 लौ पुःचोङ् हौचोङ्य नीङ्कःहाङः परमेस्वर्कोः काम् जाङ्ह्ओ स्यालःओमा स्यान्ओ मान्तालम्कायःमा “ओउःमयःकायः पेतो हायःनु दा” त नीङ्कायः तेती तोनेःनाङ्सु। Faic an caibideil |
१ थेसलोनिकि 5:12
42 Iomraidhean Croise
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ङ्हाम्ओलम्कायःपाय् परमेस्वर्इ मान्ता मान्ताकायः लःलयः जोक्कोः काम् बयःआकान्। ङ्हापाय् यात्नीस्चाक् परमेस्वर्इ छ्युङ्ह्ती ल्होक्ओ मान्ता लेःआः। ओहाङःसै अरुखे परमेस्वर्कोः कुरा छ्यानःओमयः लेःआः अरुलम् परमेस्वर्कोः कुरा स्यान्ओमयःलेः इ। ग्याङ्ह्राय् जाङ्ह्ओलम् जीक्ओ मान्ता स्याक्ताक्ओलम् लव्ह्ती बयःओलम् अरुकायः हुकुम् बयःओलम् थेथे भासा नोःओलम् इ सबै मुलेःनै।
ओउःमयःपाय् ख्रीस्कोः नोकरीलम्या लौ ङा न्हाङ्तोलेः ओउःकोः नोकरी लेःआः ङ। माः है “ओउःमयःसै ङाइ न्हाङ्तोलेः काम् जाङ्ह्लेःनाङः” त दोङ् कुरा दाय्ह्ती नोःसा खाय्लेःनाङः। खाय्सापाय् खाय्लेःनाङः एत नोःधार्ना ङा ब्रःओ मान्तालो लेखा नोःनाङः। फेरी ओउःमयःसै अरुलम्इ ङाकायः नाःतोलेः घान्आताङः नाःतोलेः झ्याल्खानहाङः काआताङः नाःतोलेः सात्खेःआताङः।
नीङ्कायः स्यालःओलम्इ तोओ कुरापाय् ग्याती जाङ्ह्नु। ओउःमयःइ नीङ्कोः रुआङ्कायः ल्युङ्ह्ती योतीमा स्यास्तीमा गम्नानी। लोने ओउःमयःकोः स्यालःओ काम् “गत स्याव्ओ आने” त दाय्ह्ती परमेस्वर्कायः ल्हाक्ती छ्यानःसालेः खेःइतो। ओउःमयःकोः कुरा नीङ्इ म्रोताक्तीलेः जाङ्ह्तेःनानी त खेःया ओउःमयःकोः काम्पाय् लीःताक्सा काम्पाय् खेःल हाःताक्सा लेःआः बा। ओउःमयःकोः काम् नीङ्इ लीःताक्तेःचानी त खेःया नीङ्कायः दोह्मा पेतो स्याव्ल।
नाङ्इ च्यवःओ सात्गोता ङाकोः ङोय् क्रुत्हाङः चुम्ओ कार्लम्मा ओउः सात्गोता सुन्कोः बत्ती गम्ओ तेव्केरामा ओउःमयःकोः माने इलेः द्याह् छ्यान्ह्नेःनाङ्। ओउः सात्गोता कार्लम्पाय् सात् थाव्कोः ङ्हाम्ओलम्कोः ल्होक्ओमयः लेःआः इ। ओउः सुन्कोः सात्गोता बत्तीकोः तेव्केरापाय् सात् थाव्कोः ङ्हाम्ओलम् लेःआः इ बा”
Sanasan