१ थेसलोनिकि 5:10 - चेपाङ

¹⁰ ङीकायः दल्‌ताक्‌साकायः येसुपाय् सीओआः ओहाङःसैको ओउः वाङ्‌तोक्‌हाङः ङी सीयाकायःमा सेलः मुयाकायःमा गाव् खेःयाकायःमा ङी ओउःकुस् मुसा दोःनाःतय्‍ही।

१ थेसलोनिकि 5:10 Iomraidhean Croise

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

युहना 10:11

फेरी ङालेः पेओ गोथालालो लेखा खेःनाङः। पेओ ह्रामःओ गोथालाखे लयःकोः भेदालम् दल्‌ताक्‌साकायः लयः सीसा ग्‍यालेःनाः

युहना 10:17

ङाकोः आपाइ ङाकायः राप्‌नाःताङः दोह् हायःती दाय्‍ह्‌सा ङा सीसा ग्‍यानाङः सीआक्‌तीको ङा उह्‌ती च्‍योक्‌लेःनाङः।

युहना 15:13

यात्‌चाक्इ लयःकोः क्‍वालम्‌कायः सीबत्‌नाःथै त खेःया ओउःइ आन राप्ओ काम् जाङ्‌ह्‌नौ बा। इसै अरु न्‍हाङ्‌तोलेः राप्ओ काम्‌पाय् दोह्‌मा नाःबाय्‌ल।

रोमी 8:34

ओउःत झ्‍यान्‍ते अरुइ सुइमा गाल्‌तुम्‌ती तोसा खाय्‌नीली। ङीकायः दल्‌ताक्‌साकायः येसु ख्रीस्‌लेः सीओआः। माः रैस सीओ झुङ्आले खेःल ओउःपाय् उह्‌ती च्‍योक्‌माआ। उह्‌ती च्‍योक्आक्‌तीको द्याह् परमेस्‍वर्‌कोः गुल्‍ह्‌दाङ् स्‍याव्‌ती ओउःकोः ङोय्‌दोहाङः मुती ङीकायः परमेस्‍वर्‌कः तेती तोनाःतय्‍ही।

१ कोरीन्‍थी 15:3

दोह् दोह् कुरा ङाकायः बयःओ खेःतो ओउः कुरालेः नीङ्‌कायः स्‍यान्‌ती तोनेःआलाङ्‌स। ओउः कुरापाय् चीःती ङ्‌हाम्‌सा आन परनाः। ओउः कुरापाय् दोह् दोह्‌लेः दाय्‍ह्‌सा। ङीकोः रेव्ओ काम् जाङ्‌ह्‌झ्‍याङ्‌कायः क्‍युम्‍ह्‌ती वाय्‌साकायः ख्रीस्‌लेः सीआ इतलेः परमेस्‍वर्‌कोः आखरःहाङः लेखती मुनाः।

२ कोरीन्‍थी 5:15

ख्रीस्‌पाय् सबैकायः ल्‍हाङःती दल्‌ताक्‌साकायः सीआ त खेःओ ओउः दल्ओलम्इ लयःकायः खेःइसीली ओउः सीआक्‌तीको उह्‌ती च्‍योक्ओ ख्रीस्‌कोः काम् जाङ्‌ह्‌साकायः दल्ओआः इ बा।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

१ थेसलोनिकि 4:13

लौ पुःचोङ् हौचोङ्‌य सीओ ङ्‌हाम्ओलम्‌पाय् गत स्‍याव्‌नै त ङाइ नीङ्‌कायः चीःताक्‌सा खेःतो। ओउःमयः एनःओलो लेखा मुनै ओउःत झ्‍यान्‍ते नीङ्‌पाय् अरु ङ्‌हाम्‌मालो मान्‍तालम्‌लो लेखा ल्‍हुङ् लीह्‌तोलेः नीङ्‌कोः सीओ पुःचोङ् हौचोङ्‌लम्‌कायः क्रेस्‌सा परतेःइली। ङ्‌हाम्‌मालो मान्‍तालम्‌खेइ “लोनेः पेतोलेः स्‍याव्‌नाः” त जुगाङ् चीःनीली

१ थेसलोनिकि 4:15

प्रभुइ ङीकायः तोओ कुरालेः नीङ्‌कायःमा तोनेःनाङ्‌स ओउः कुरापाय् इलेःआः। प्रभु वाङ्‌सा खेःओ दीन्‌हाङः ङी सेलः मुओलम्इ सीओलम्‌कोः ङ्‌हासै च्‍योल्‌सा दोःङीली।

१ थेसलोनिकि 4:17

लोने ङी सेलः मुओलम्‌मा ओउःमयःकुस् प्रभु क्रुस्‌साकायः अलवःकोः मुस्‌ताङ् लनःनाःतय्‍ही ओहाङःसै ङी गलकायःमा प्रभुकुस् मुनाःतय्‍ही।

१ थेसलोनिकि 5:6

ओउःत झ्‍यान्‍ते अरुलो लेखालेः ङीखे न्‍हील्‍ह्‌ती एनःओ मान्‍तालो लेखा मुसा स्‍याव्‌ल म्र्यातो व्‍हक्‌ती मुसा खेःनाःतय्‍ही।

१ तीमोथी 2:6

ओउःइ सबै मान्‍ताकायः लयःकोः आङ् ल्‍हाङःती बयःआकान्। ओउःत हायःधार्‌नापाय् “परमेस्‍वर्‌ सबैकायःलेः दल्‌ताक्‌सा झाक्‌नाः” त क्रोःओ बेलाहाङः सबैकायः छ्यानःओ लेःआः।

२ तीमोथी 2:11

इपाय् द्याह् दोङ् ङ्‌हाम्‌सीःओ कुरा लेःआः। ङी येसुकुस् सीनाःतय्‍ही त खेःया लोने ओउःकुस् उह्‌ती च्‍योक्‌नाःतय्‍ही।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

१ पत्रुस् 2:24

येसु ख्रीस्इ ङीकोः रेव्‌तो हायःओ पेङ्‌कलःती वाय्‌साकायः क्‍ल्‍याय्ओ सीङःहाङः लयःकोः आङ् बयःती ङीकायः ल्‍हाङःती सीआ। ओहाङःसैको ङीपाय् रेव्‌तो हायःओ फेती द्याह् पेतो हायःती वाह्‌सा खाय्‌नाःतय्‍ह्‌नी ओउःकोः आङ् बयःओलेः ङीकायः स्‍याक्‌ताक्आतय्‍ही।

१ पत्रुस् 3:18

ओउः दोह्‌मा रेव्ओ जाङ्‌ह्‌मालो ख्रीस्‌पाय् ङीकोः रेव्ओ काम्‌लम् सबै क्‍युम्‍ह्‌ती वाय्‌साकायः यातै पेन्‍ह्‌हाङः सीलेःआ। ओउः पेओ नीङ्ओ मान्‍ताइपाय् ङी रेव्ओ मान्‍तालम् परमेस्‍वर्‌कुस् गोय्‌खामःसाकायः ङीकोः होन्‍त लीह्‌सीःओ गोरःआकान्। ओउःकोः आङ् मुतोक्‌हाङः येसुपाय् सात्ओ खेःतो परमेस्‍वर्‌कोः ग्‍वम्इ उह्‌ती च्‍योक्‌ताक्ओ खेःतो।