१ थेसलोनिकि 3:8 - चेपाङ

⁸ परमेस्‍वर्‌कोः काम् नीङ्इ फेमाःत पेतोलेः जाङ्‌ह्‌धै मुतेःनै त झ्‍यान्‍ते ङीकोः जीङःपाय् स्‍याक्‌लेःनाः।

१ थेसलोनिकि 3:8 Iomraidhean Croise

युहना 15:4

केङ्‌कालम्‌पाय् बोत् नाःमाःत स्‍याव्‌ती सायःसा खाय्‌नीली सायःसाकायः बोत्‌हाङः मुसा खेःतो। ओउःलो लेःखा नीङ्‌मा ङाकःहाङः मुसा ङामा नाङ्‌कःहाङः मुसा खेःनाःतय्‍ही। खेःल नीङ् ङाकःहाङः मुमालो त खेःया पेओ जाङ्‌ह्‌सा खाय्‌तेःनीली।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 8:31

ओउः ङ्‌हाम्ओ यहुदीलम्‌कायः “लौ ङाइ स्‍यान्ओ कुराकः नीङ् ग्‍याती जाङ्‌ह्‌तेःनानी त खेःया नीङ्‌पाय् दोङ्‌सीलेः ङाकुस् वाह्ओमयःतेः खेःतेःनै बा

खबरदुत 11:23

ओहाङःसैको अन्‍तीयोक् सहर्‌ताङ् दाह्‌ती वाङ्आक्‌तीको “परमेस्‍वर्‌इ ओउःमयःकायः आन पेतो जाङ्‌ह्आथास” त च्‍यवःती बर्‌नाबास्‌पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्‍हुङ् फुस्‌तीलेः ङ्‌हाम्‌नु दा” त दाय्‍ह्‌ती बर्‌नाबास्इ लव्‍ह्‌ती तोआथास।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

१ कोरीन्‍थी 16:13

लौ घीःतीलेः रैमाःत ग्रमःत मुती ङ्‌हाम्‌नु

गालाती 5:1

ऐन्‌कोः काम् जाङ्‌ह्ओसै ख्रीस्इपाय् फेन्‌ताक्आतय्‍ही ओउःत झ्‍यान्‍ते ग्रमःत मुन ऐन्‌कोः नोकरी काम्‌पाय् द्यान्‍ह्‌ती जाङ्‌ह्‌लाम्।

एफेसस् 3:17

फेरी नीङ्इ ख्रीस्‌कायः ङ्‌हाम्‌ती झ्‍यान्‍ते ओउःपाय् नीङ्‌कोः ल्‍हुङ्‌हाङः पोक्‌ती मुबत्‌तेःपै ओउःत ङाइ परमेस्‍वर्‌कः तेती तोनेःनाङ्‌स। ओहाङःसैको पेओ राप्ओ ल्‍हुङ् दोःती

फीलीपी 1:21

दोह् हायःती दाय्‍ह्‌सा स्‍याक्‌नाङः त खेःया लौ ख्रीस्‌मा दोःलेःनाङः ओउःकोः काम्‌मा जाङ्‌ह्‌नाङः। सीनाङः त खेःया लौ न्‍हाङ्‌तोलेः ख्रीस्‌पाय् दोःलेःनाङः।

फीलीपी 1:27

ओहाङःसैको दोह् खेःयाकायःमा ख्रीस्‌कोः पेओ समचार्‌ ङ्‌हाम्ओलम्‌लो लेखा वाह्‌न। ओउःत हायःती नाङ्‌कायः ङाइ क्रुस्‌नेःनाङ्‌सया क्रुस्‌नेःनाङ्‌सलया “ओउःमयःइ यातैज्‍याङ् ल्‍हुङ् ग्रमःत मुती ब्राङ्‌तोलेः स्‍याव्‌ती ओउः पेओ समचार्‌कोः काम्‌पाय् त्‍युस्‌तीलेः जाङ्‌ह्‌नानी” त दाय्‍ह्‌ती नीङ्‌कायः नोःओ सायःपाङः।

फीलीपी 4:1

लौ उया ङाइ आन राप्ओ आन झाह्ओ पुःचोङ् हौचोङ्‌य नीङ् पेतो स्‍याव्‌ती झ्‍यान्‍ते ङापाय् आन चोङाय्‌तो आन म्रोतोलेः मुनाङः। ओउःत खेःओ प्रभुकोः काम् फेमाःत ङाइ तोओलो लेखालेः क्रोङ्ओ ल्‍हुङ्इ पेतो जाङ्‌ह्‌धै मुन।

कोलसी 1:23

नीङ् ङ्‌हाम्‌साकायः फेमाःत ग्रमःत मुती ओउः पेओ समचार्‌कोः कुरा चोङाय्‌ती झाक्‌तेःनै त खेःया परमेस्‍वर्‌कोः मीक्‌हाङः एतलेः मुसा दोःतेःनै। ओउः नीङ्इ सायःओ पेओ समचार्‌ सबैकायः थोल्‍ह्‌ती तोओ लेःआः फेरी ओउः थोल्‍ह्‌ती तोओ काम् जाङ्‌ह्‌सा मान्‍ता ङालेः खेःनाङः।

१ थेसलोनिकि 3:7

ओउः कुरा सायःआक्‌तीको पुःचोङ् हौचोङ्‌य इ लीह्‌सीःओ गोरःओ बेलाहाङः ङी ल्‍हुङ् धोमाय्‌तो स्‍याव्आलाङी।

हेब्रैनी 10:23

ङीइ ङ्‌हाम्‌ती तोओ कुरापाय् क्रोङ्ओ ल्‍हुङ्इ ङ्‌हाम्‌नी दोह् हायःती दाय्‍ह्‌सा परमेस्‍वर्‌इ तोती गम्ओ कुरापाय् ओउःइ गलमा म्‍हेःमाःत दोङ्‌सीलेः ताप्‌ताक्‌नौ बा।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

हेब्रैनी 4:14

ओउःत खेःओ ङीइ थोल्‍ह्‌ती तोओ कुरापाय् पेतो ग्रमःत मुती ङ्‌हाम्‌पानाःतय्‍ही दोह् हायःती दाय्‍ह्‌सा लाङ्‌काताङ् ज्‍योय्‌ती दाह्ओ परमेस्‍वर्‌कोः चोः येसुपाय् ङीकायः आन ताङ्‌ह्ओ प्रधान् पुरोहीत् मुलेःनाः।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।

२ पत्रुस् 3:17

लौ उया ङाइ राप्ओलम्‌य इ कुरा चीःतेःनानी ओउःत झ्‍यान्‍ते धय्‌ती मुन। ओहाङःसैको रेव्ओ काम् जाङ्‌ह्ओलम्इ पेमालो कुरा स्‍यान्‌ती नाङ्‌कायः ब्रःताक्‌सामा दोङ् कुरा ग्रमःतलेः ङ्‌हाम्ओकायः फेताक्‌सामा खाय्‌तेःइली।

प्रकाश 3:11

लौ ङा रेन्‍ह्‌तोलेः वाङ्‌नाङः बा। नीङ्‌पाय् दोह् दोह्‌तेः दोःतेःआ ओउःलेः पेतो सेती गम्उ दा। ओहाङःसैको नाङ्‌कोः पेतो जाङ्‌ह्‌झ्‍याङ्‌कोः अरु सुइमा लासा खाय्‌नीली।

प्रकाश 3:3

लौ उया नाङ्‌कायः स्‍यान्‌ती तोओ कुरापाय् नाङ्इ ङ्‌हालेः गतलो ग्‍याती सायःओ ओउःपाय् द्याह् गीलउ। रेव्‌तो जाङ्‌ह्ओ काम्‌लम्‌खे फेती ओउः ङ्‌हा सायःओ कुराखे ग्‍याती जाङ्‌ह्उ दा। नाङ्‌पाय् म्र्यातेःइली त खेःया चोर्‌ वाङ्ओलो लेखालेः ङा नाङ्‌कःहाङः वाङ्‌नाङः वाङ्‌तोक्‌हाङः नाङ्इ व्‍हक्‌माःत चीःतेःउलु।