१ थेसलोनिकि 2:3 - चेपाङ

³ नीङ्‌कायः स्‍यान्ओहाङः ङीइ ब्रःतोलेः तोमाङुसुलु ल्‍हुङ्‌हाङः रेव्ओ म्‍हर्‌तीमा माःतीमा तोमाङुसुलु।

१ थेसलोनिकि 2:3 Iomraidhean Croise

खबरदुत 13:15

ओहाङःसैको मोसाइ बयःओ ऐन्‌मा उय्‍ह्‌लेकोः परमेस्‍वर्‌कायः कुरा छ्यानःओलम्इ लेखओ कुरामा पह्रआक्‌तीको ओउः थनःओ कीम्‌कोः ताङ्‌ह्ओ मान्‍तालम्इ पावुल् बर्‌नाबास् नीस्‌कायःमा गोत्आथाच “लौ पुःनीस् नीङ्‌जी ल्‍हुङ् र्‍यानःओ कुरा मुनाः त खेःया इ हुम्ओ मान्‍तालम्‌कायः नोःनु दा” त दाय्‍ह्‌ती ओउःनीस्‌कायः तोआथाच।

खबरदुत 4:36

इतलेः यात्‌चाक् क्‍युप्रस् देस्‌सै वाङ्ओ लेवी थर्‌कोः युसेफ् त तोओइ लयःकोः राङ्‌लम् वीनःती ओउः राङ्‌कोः मोल् पैसा येसुकोः छ्युङ्‌ह्ओमयःकायः ल्‍हालाङ् वानःआकान्। ओउः युसेफ् त तोओकायः ओउः छ्युङ्‌ह्ओमयःइ बर्‌नाबास् त हाल् मय्‍ङ् बयःआथै। बर्‌नाबास् त तोओकोः माने “अरुकायः लुङ्ओ मान्‍तालेः”

२ कोरीन्‍थी 11:13

ओउः मान्‍तालम्‌पाय् ख्रीस्‌कोः दोङ् छ्युङ्‌ह्‌ती ल्‍होक्ओमयः खेःइली ओउःमयः माःती “ङीकायःपाय् ख्रीस्इ छ्युङ्‌ह्‌ती ल्‍होक्आताङी ओउःकोः काम् जाङ्‌ह्‌नाङःसु” त तोती ख्रीस्‌कोः छ्युङ्‌ह्ओमयःलो लेखा थाङ्‌ताक्‌नाःइसी।

२ कोरीन्‍थी 2:17

नाःतो मान्‍तालम्‌खेइ परमेस्‍वर्‌कोः कुरा मीतो योती पैसाकायः स्‍यान्‌नानी ङीखेपाय् परमेस्‍वर्‌इ ल्‍होक्ओ मान्‍ता लेःआः ङी ओउःत खेःओ ङी ख्रीस्‌कोः काम् जाङ्‌ह्ओलम् स्‍याव्‌ती परमेस्‍वर्‌कोः मीक्‌हाङः ङीइ ख्रीस्‌कोः कुरापाय् पेओ नीङ्ओ ल्‍हुङ्इलेः तोनाङःसु।

२ कोरीन्‍थी 4:2

ङी अरुइ चीःमालो रेव्ओ काम् जाङ्‌ह्ओमा फेआलाङःसु। ले ब्रेह्‌तीलेः माःती नोःमामाःत ङी परमेस्‍वर्‌कोः दोङ् कुरा छ्योय्‍ह्‌मामाःत स्‍यान्‌नाङःसु। एतलेः परमेस्‍वर्‌कोः मीक्‌हाङः वाह्‌ती ङीइ सबै मान्‍तालम्‌कायः ङीकोः ल्‍हुङ्‌पाय् “दोङ् पेओ लेःआः” त छ्यानःनाङःसु।

२ कोरीन्‍थी 4:5

ङीइ थोल्‍ह्‌ती तोओपाय् लयःकायः ताङ्‌ह्‌ताक्‌ती तोओलेः खेःङीसीली ओउःपाय् खेःल “येसु ख्रीस्‌पाय् ङीकोः प्रभु लेःआः” तमा थोल्‍ह्‌ती तोमानाङःसु। फेरी “येसुकोः काम् जाङ्‌ह्‌साकायः नीङ्‌कोः नोकरीपाय् ङी लेःआः” तमा तोमानाङःसु।

२ कोरीन्‍थी 6:8

ङीकायःपाय् यात्‌नीस्‌चाक्‌खेइ पेतो तोती ङीकायः ताङ्‌ह्‌ताक्आताङी अरुखेइ पेमालो तोती ङीकायः मीताक्आताङी। ङीइपाय् दोङ् कुरालेः तोनाङःसुतो अरुखे “माःओ कुरा लेःआः” त दाय्‍ह्‌नै।

२ कोरीन्‍थी 7:2

लौ नीङ्‌कोः ल्‍हुङ्‌हाङः ङीकायः पेतो रोम्‌ताङी दा। ङीइ सुकायःमा पेमालो जाङ्‌ह्‌ङुसुलु सुकायःमा वाय्‌ताक्‌ङुसुलु सुकायःमा रेव्‌ताक्‌सा बोङःङुसुलु।

१ थेसलोनिकि 2:11

आपाइ लयःकोः चोःकायः तोओलो लेखा नीङ्‌कायः ङीइ गानाक्‌ती लुङ्‌ती स्‍यान्‌ती

१ थेसलोनिकि 4:7

दोह् हायःती दाय्‍ह्‌सा ङीइ रेव्‌तो हायःती वाह्‌साखेकायः खेःल पेतो छय्‍ङ्‌तोलेः वाह्‌साखेकायः परमेस्‍वर्‌इ गोत्आतय्‍ही।

२ थेसलोनिकि 2:11

दोङ् कुरा ओउःमयः झाक्इली त खेःया परमेस्‍वर्‌इ माःओ कुराकायः ङ्‌हाम्ओ ल्‍हुङ् बयःनाःथास।

२ पत्रुस् 1:16

ङीइ प्रभु येसु ख्रीस् ताङ्‌ह्‌तो ग्‍वम् छ्यानःती वाङ्ओ दीन्‌कोः कुरा नीङ्‌कायः ल्‍हाक्‌ती तोओहाङः ङीइ माःती नोःओ ख्‍याल् कुरा तोङुसुलु ओउःपाय् दोङ् कुरालेः खेःतो। येसु ख्रीस्‌पाय् गुच्‍युक् ताङ्‌ह्ओलेः त ङीइ लयः मीक्इ च्‍यवःआलाङःसु।