१ थेसलोनिकि 1:5 - चेपाङ5 ङीइ नीङ्कायः तोओ पेओ समचार्पाय् मान्ताकोः नोःराय् ह तोओ खेःल परमेस्वर्कोः ग्वालामःकोः ग्वम् दोःती ङीइपाय् “इ कुरा दोङ्सीःओ कुरा लेःआः बा” त दाय्ह्ती ओउः पेओ समचार् तोनेःआलाङ्सु। नीङ्कःहाङः मुतोक्हाङः ङीइ नीङ्कायः दोह् काम्लो जाङ्ह्ओ त नीङ्इ च्यवःतेःआकानी। Faic an caibideil |
१ थेसलोनिकि 1:5
60 Iomraidhean Croise
ओउः मोमःचोःलम्कःहाङः यात्चाक् थुयातीरा सहर्सै वाङ्ओ लीदीया त तोओ मोमःचोः परमेस्वर्कायः झाह्ती तोलाङ् वाङ्ओ खेःतो। ओउः मोमःचोःइपाय् ङालःओ रङ् वीनःओ साहुनी खेःतो। ओउः लीदीया त तोओ मोमःचोःइपाय् पावुल्इ तोओ कुरा आन सायःती मुओ खेःतो ओउःकायःपाय् येसुकोः कुरा ङ्हाम्साकायः परमेस्वर्इ झाक्ताक्आथै।
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
परमेस्वर्इ ङाकायः “लौ आल्अ दा” त तोती झ्यान्ते यरुसालेम्ताङ् आल्आलाङः। ओहाङः आल्ती ङ्हाम्ओलम्कोः ताङ्ह्ओ मान्ता त तोओलम्कुस् क्रुस्आलाङः। ओउःमयःकुस् झुङ्आले क्रुस्ती क्रुस्तोक्हाङः “ङाइ ङ्हा जाङ्ह्ओ काम्मा जाङ्ह्धै मुओ काम्मा आह्रे स्याव्लाम्” त दाय्ह्ती म्हर्ती यहुदी खेःमालोलम्कायः ङाइ दोह् दोह् पेओ समचार् तोओ खेःतो ओउः सबैलेः ओउः ताङ्ह्ओ मान्तालम्कायः ल्हाक्ती छ्यानःआलाङःसु।
परमेस्वर्कोः नोःराय् ङी नीङ्कःताङ् तोलाङ् वाङ्तोक्हाङः “लौ इपाय् मान्तासै वाङ्ओ नोःराय् ह खेःल परमेस्वर्कोः लेःआः” त दाय्ह्ती ङीइ स्यान्ओ कुराकायः ङ्हाम्ती सायःतेःआकानी। ओउःत झ्यान्ते ङीइ गलकायःमा परमेस्वर्कायः “च्युता” त तोनाङःसु। दोङ्सीलेः ङीइ स्यान्ओ नोःराय्पाय् परमेस्वर्कोः लेःआः। ओउः नोःराय्इपाय् देङीलेः नीङ् ङ्हाम्ओलम्कायः पेतो वाह्ताक्तेःनै।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
एत च्यवःती ङीइ परमेस्वर्कोः कुरा छ्यानःओमयःकोः नोःराय् द्याह् न्हाङ्तोलेः पेतो ङ्हाम्नाङःसु। नीङ्इमा ओउः नोःराय् घीःती सायःसा खेःतो दोह् हायःती दाय्ह्सा ओउः नोःराय्इपाय् च्याक्ओहाङः मुओ बत्तीलो लेखालेः नीङ्कोः ल्हुङ् थोङ्ताक्तेःनै। बीहानकोः सुक्र कार् दाह्ती लन्ह्आक्तीको “च्याक्ओ क्रव्लेःनाः सबै थोङ्ओलेः स्याव्नाः” त मान्ताइ चीःनानी। ओउःलो लेखालेः ओउः नोःराय्इ नीङ्कोः ल्हुङ्हाङः थोङ्ती मुती झ्यान्ते “सबै जुगाङ् थोङ्ताक्ओ ख्रीस्कोः वाङ्नम् दीन् दाह्खेःनाः” त चीःसा खाय्तेःनानी।
Sanasan