१ थेसलोनिकि 1:10 - चेपाङ10 ओउःकोः चोःपाय् लाङ्कासै वाङ्साकायः ल्युङ्ह्तीमा मुनै” त दाय्ह्ती सबै चीःती नोःकाय्नै। ओउः चोःपाय् येसु लेःआः ओउःकायःपाय् परमेस्वर्इ सीओसै उह्ती च्योक्ताक्आथै। ओहाङःसैको येसुइपाय् ओउः लोनेः वाङ्सा परमेस्वर्इ बयःसा न्युम्ह्ताक्ओसै ङीकायः दल्ताक्नाःतय्ही। Faic an caibideil |
१ थेसलोनिकि 1:10
46 Iomraidhean Croise
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
ओहाङःसैको युहनाकःताङ् नाःतो मान्तालम् बाप्तीस्मा त्याक्लाङ् हुम्ती वाङ्तोक्हाङः “लौ नीङ् कुयः युक्कोः चोःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइतेः तोतेःआकाय्। परमेस्वर्इ न्युम्ह्ताक्ओसै गत हायःतीतेः क्रव्सा खाय्तेःनानी र।
लोन्तेखेहाङः परमेस्वर्इ ङ्हा तोती गम्ओ दीन्हाङः यात्ज्योः परमेस्वर्इ छीङ्ह्ओचाक्इलेः सबै मान्तालम्कायः मान्ता मान्ताकोः कुरा सायःती सुसु ‘पेनाः’ सुसु ‘पेमालो’ त तय्छनःतीलेः तोनौ। इ कुरापाय् दोङ्सी लेःआः त सबैकायः छ्यानःसाकायः इ परमेस्वर्इ छीङ्ह्ओ चाक्कायः सीआक्तीको परमेस्वर्इ च्योक्ताक्आथै” त दाय्ह्ती पावुल्इ सायःलाङ् हुम्ओ मान्तालम्कायः तोआथास।
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
Sanasan