१ पत्रुस् 5:1 - चेपाङ1 लौ नीङ् स्यालःओ थालवःपालम्य ङाइ द्याह् तोचेःनाङ्स दा। ङामा थालवःपालेः खेःमानाङः फेरी ख्रीस्कोः लीह्सीःओ गोरःओ च्यवःओ मान्तामा खेःमानाङः। लोने वाङ्सा खेःओ ताङ्ह्ताक्सा बेलाहाङः ङापाय् ख्रीस्कुस् ताङ्ह्तोलेः स्याव्सा दोःमानाङः। ओउःत झ्यान्ते ङाइ द्याह् तोसा कुरापाय् नीङ्इ सायःनाङ्स दा। Faic an caibideil |
१ पत्रुस् 5:1
38 Iomraidhean Croise
परमेस्वर्कोः ग्वालामः नीङ्कःताङ् दाह्आक्तीको आले नीङ् ग्वम् दोःतेःजेःनै। परमेस्वर्कोः ग्वालामःइ बयःओ ग्वम् दोःआक्तीको नीङ्इ ङाकोः कुरा थोल्ह्ती तोसा खेःतेःनै बा। इ यरुसालेम्हाङःमा सबै यहुदीया समारीया देस्हाङःमा ल्हाव्ह्दैबाङ्कोः चार् दोवाहाङःमा नीङ्इ ङाकोः कुरा छ्यानःती तोसा खेःतेःनै” त दाय्ह्ती येसुइ ओउःमयःकायः तोआकान्।
ओउः सहर्लम्हाङःमा ङ्हाम्ओ मान्तालम्कःहाङः ओउःनीस्इ यात् नीस्चाक् छीङ्ह्ती अरुलम्कायः स्यान्साकायःमा हुकुम् बयःसाकायःमा “लौ इहाङःकोः ङ्हाम्ओलम्कोः थालवःपा स्याव्तेःपै” त दाय्ह्ती गम्आकाचु। छीङ्ह्ती गम्तोक् बेलाहाङः ओउःमयः पावुल् बर्नाबास्कुस् उपाङ् काःती “लौ प्रभुय इ मान्तालम्इ नाङ्कोः कुरा पेतोलेः ङ्हाम्नानी बा। ओउःमयःकायः काम् पेतो जाङ्ह्ताक्पाःथास दै” त दाय्ह्ती ओउःनीस्इ परमेस्वर्कायः तेती तोआकाचु।
ओहाङःसैको पावुल् साथीचोङ् आल्दा आल्दा यरुसालेम्ताङ् दाह्आक्तीको ओहाङःकोः येसुकोः छ्युङ्ह्ओमयःमा येसुकायः ङ्हाम्ओ थालवःपालम्इमा ओउःनीस् पावुल् बर्नाबास्नीस्कायः त्याक्ती रोम्आथाच। रोम्आक्तीको ओउःनीस्इ “लौ नीचीकायः परमेस्वर्इ इतलेः जाङ्ह्ती वाह्ताक्आताङःच” त दाय्ह्ती सबै ङ्हा जाङ्ह्ओ काम्लम् ल्हाक्ती छ्यानःती तोआथास।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ओहाङःसै “ओउःइ रेव्ओ काम् जाङ्ह्ओआः” त दाय्ह्ती अरुइ यात्चाक् ङ्हाम्ओलम्कायः स्यालःओ दीक्पाल्कायः गाल्तुम्ती तोसा बोङःनानी त खेःया ओउःमयःइ नीस् सुम्चाक् ओउःकोः रेव्तो जाङ्ह्ओ च्यवःओलम्कायः वानःसा खेःतो ओहाङःसै ओउःमयः गाल्तुम्ती तोओ पाःती तोसा खाय्नानी। पाःती तोओलम् नाःल त खेःया ओउःकोः गाल्तुम्ती तोओ सायःतेःचनौ।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
दोह् हायःती दाय्ह्सा नीङ् “गुच्युक् पेतोलेःतेः ङ्हाम्तेःनानी” त दाय्ह्ती वेलःती योसाकायः इ दीन् वाङ्नाः। सुन्लम् युती जीताक्ती योसाकायः मान्तालम्इ म्हेःहाङः काती धाह्ताक्नानी। नीङ्कोः ङ्हाम्ओपाय् मीह्ती वाय्सा खाय्ओ सुन्सै पेओमा झाक्सीःओ लेःआः बा ओउःत झ्यान्ते नीङ्कोः ङ्हाम्ओपाय् लीह्सीःओ बेलाहाङः वेलःती योसा खेःतो। लीह्सीःओ बेलाहाङः नीङ् ग्रमःतलेः गोरःती ङ्हाम्तेःनानी त खेःया प्रभु येसुकोः द्यान्ह्ती वाङ्सा दीन्हाङः नाङ् आन लुङ्ओमा ताङ्ह्ताक्ओमा दोःतेःनै।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
Sanasan