१ पत्रुस् 4:9 - चेपाङ

⁹ सबै ङ्‌हाम्ओलम्‌कायः नीङ्‌कोः कीम्‌ताङ् वाङ्‌ह्‌तोलेः चाक्ओ ल्‍हुङ् गम्‌मामाःत रोम्‌काय्‌न।

१ पत्रुस् 4:9 Iomraidhean Croise

रोमी 12:13

अरु ङ्‌हाम्ओलम् दोह् दोह्‌लो राह्‌चनै ओउःमयःकायः लव्‍ह्‌ती पाःती बयःनु सबैकायः रोम्‌नु दा।

रोमी 16:23

ङाइ मुओ कीम्‌कोः आपा गायुस्इमा नमस्‍ते ल्‍होक्‌तेःनै। ओउःकोः कीम्‌हाङःपाय् इहाङःकोः ङ्‌हाम्ओमयः सबै थनःती वाङ्‌नै। इ सहर्‌कोः पैसा थेङ्ओ एरास्‍तस्इमा क्‍वार्‌तस्इमा नीङ्‌कायः नमस्‍ते ल्‍होक्‌लेःनै।

२ कोरीन्‍थी 9:7

ओउःत झ्‍यान्‍ते सबै मान्‍ता लयः ल्‍हुङ् ग्‍याजम्‌च्‍युक्‌कायःलेः बयःपानी। अरुइ गानाक्‌ती तोती झ्‍यान्‍ते चाक्ओ हावओ ल्‍हुङ् स्‍याव्‌ती बयःलाम्। ग्‍याती चोङाय्‌ती बयःओ मान्‍ताइ परमेस्‍वर्‌कायः आन म्रोताक्‌नाःथै।

फीलीपी 2:14

ओउःत झ्‍यान्‍ते सबै काय्‍ह्‌ल्‍ह्याव्‌मामाःत काय्‌काय्‌मामाःत जाङ्‌ह्‌नु दा।

१ तीमोथी 3:2

स्‍यालःओ मान्‍तापाय् नीङ्ओ ल्‍हुङ् नाःओ मान्‍ता खेःतो ओउःपाय् यातैज्‍योः बुधी वानःओ मान्‍ता खेःतो। फेरी ओउः मान्‍तापाय् व्‍हाय्ओमा गेओ ल्‍हुङ् नाःओ मान्‍ता खेःसा खेःतो अरुकायः वाङ्‌ह्‌ती रोम्ओ मान्‍ता खेःसा खेःतो अरुकायः स्‍यान्‌सा खाय्‌सा खेःतो।

तीतस् 1:8

ओउःइ सबैकायः पेतो वाङ्‌ह्‌तीलेः रोम्‌सा खेःतो पेओ कुरा झाक्‌ती बोङःओ मान्‍ता खेःसा खेःतो। ओउःपाय् पेओ नीङ्ओ लीङ्‌हायःसा झाक्‌मालो व्‍हाय्ओ ओजायः जय्‌कुमःओ ल्‍हुङ् नाःओ मान्‍ता खेःसा खेःतो।

फीलेमोन् 1:14

नाङ्इ आःताः ग्‍याती ताक्‌माःत “ओउःपाय् इहाङः मुसा स्‍याव्‌ल” त म्‍हर्‌आलाङः। ओउःत झ्‍यान्‍ते ङाइ गानाक्‌ती तोओकायः खेःल नाङ्इ लयःकोः ल्‍हुङ् झाक्ओ जाङ्‌ह्‌सा खाय्‌तेःनौ।

हेब्रैनी 13:16

अरुलम्‌कायः पेओ काम् जाङ्‌ह्‌ती लव्‍ह्‌काय्‌न दोह् हायःती दाय्‍ह्‌सा ओउःत हायःओमा परमेस्‍वर्‌कायः म्रोताक्‌ती ल्‍हासा थोक्‌लम्‌लो लेखा मुलेःनाः।

हेब्रैनी 13:2

लोक्ओसै वाङ्ओलम्‌कायःमा पेतो रोम्‌सा खेःतो एत म्‍हेःलाम् एत रोम्‌तोक्‌हाङः यात्‌नीस्इ तय्‍ह्‌मामाःत लाङ्‌कासै ल्‍होक्ओमयःकायः रोम्आकानी।

याकुब् 5:9

लःलयःमयःकःताङ् काय्‍ह्‌य्‍हाव्‌काय्‌लाम् ओहाङःसैको परमेस्‍वर्‌इ नीङ्‌कायःमा गाल्‌तुम्‌ती तोतेःइली। ओउः तय्‌छनःती योसा प्रभुपाय् द्याङ्‌तोलेः मुनाः वाङ्‌खेःआ बा।