१ पत्रुस् 4:18 - चेपाङ

¹⁸ “पेओ मान्‍तालम्‌खेकायः दल्‌ताक्‌साकायः चाक्आनाः त खेःया ओउः पेमालो वाह्ओ ङ्‌हाम्‌मालोलम्‌खेकायः दल्‌ताक्‌सापाय् न्‍हाङ्‌तोलेः चाक्‌लेःनाः बा” त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः।

१ पत्रुस् 4:18 Iomraidhean Croise

लुका 15:1

ओहाङःसैको यात् दीन्‌हाङः नाःतो पैसा उथावती जेःओ मान्‍तालम्‌मा अरु रेव्ओ जाङ्‌ह्ओलम्‌मा येसुइ स्‍यान्‌ती तोओ कुरा सायःलाङ् हुम्‌ती वाङ्आकाय्।

लुका 23:31

दोङ्‌सीलेः स्‍याक्‌सीङःसै सीओ सीङःकायः म्‍हेःइ न्‍हाङ्‌तोलेः न्‍युमःनाःथै। ओउःलो लेखालेः तेन्‌पाय् लीह्‌सीःओ वाङ्‌नाः त खेःया लोने न्‍हाङ्‌तोलेः वाङ्‌नाः बा” त दाय्‍ह्‌ती येसुइ ओउः मोमःचोःलम्‌कायः तोआथास।

खबरदुत 14:22

ओहाङःकोः येसुकोः ङ्‌हाम्ओलम्‌कायः लव्‍ह्‌ती तोआकाचु “लौ येसुकोः कुरा फेमाःत ग्रमःतलेः ङ्‌हाम्‌लेःआनु। लीह्‌सीःओ च्‍यवःओहाङःमा फेलाम् ग्रमःत मुन। लीह्‌सीःओमा हेलामा गोरःती ङी परमेस्‍वर्‌कोः राजीताङ् दाह्‌नाःतय्‍ही बा” त दाय्‍ह्‌ती स्‍यान्आथास।

खबरदुत 27:24

ल्‍होक्‌ती वाङ्आक्‌तीको ‘अ पावुल्‌य रैतेःचाः। नाङ्‌पाय् रोमी राजाकःताङ् आल्‌सा खेःतेःनाः। नाङ्‌मा सीतेःल नाङ्‌कुस् वाह्ओ मान्‍तालम्‌कायःमा परमेस्‍वर्‌इ योनःती योतीलेः सुकायःमा सीसा ताक्उलु’ त दाय्‍ह्‌ती ओउः ल्‍होक्ओमयःइ तोआताङः।

खबरदुत 27:31

एत चीःती पावुल्इपाय् सीपाहीकोः सुबेदार्‌ताङ् वाङ्‌ती “इ मान्‍तालम्‌पाय् क्रव्‌ती तीःजहास्‌हाङः मुइली त खेःया नीङ् सबै दल्‌तेःइली” त पावुल्इ दाय्‍ह्‌ती तोआथै।

रोमी 1:18

ओहाङःसैको सुसुखेइ परमेस्‍वर्‌कः ग्‍यामाःत मुती रेव्‌तो जाङ्‌ह्‌ती ओउःकोः दोङ् पेओ कुरा त्‍याःनानी ओउःमयःकः ओउः लाङ्‌काहाङः मुओ परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।

रोमी 5:6

ङ्‌हापाय् ङीइ लयःकायः दल्‌ताक्‌सा खाय्‌मालो मुआलाङी ओहाङःसैको क्रोःओ बेलाहाङःपाय् ख्रीस्‌लेः ङी रेव्ओ मान्‍तालम्‌कायः दल्‌ताक्‌साकायः सीलेःआ।

रोमी 5:8

मान्‍तालम्‌खेपाय् ओउःतलेः हायःनानी परमेस्‍वर्‌खेइ ङीकायः गुच्‍युक् पेतोलेः राप्आतय्‍ही त खेःओ ङीइ रेव्ओ काम्‌लम् जाङ्‌ह्‌धाङ्ओ बेलाहाङःपाय् ङीकायःलेः ख्रीस् सीबाय्आ।

१ कोरीन्‍थी 10:12

ओउःत झ्‍यान्‍ते सुसु “लौ ङा पेतो ग्रमःत मुनाङः” त ताःतेःचै ओउःपाय् घीःती मुसाआः। नीङ् घीःती मुतेःइली त खेःया वाय्‌तोतेः स्‍याव्‌तेःचनै।

१ तीमोथी 1:9

ओउः ऐन्‌पाय् पेओ मान्‍ताखेकायः जाङ्‌ह्ओ खेःल जुगाङ् पेमालो मान्‍तालम्‌खेकायः जाङ्‌ह्ओ लेःआः बा। परमेस्‍वर्‌कोः कुरा सायःसा ग्‍यामालोलम्‌कायःमा पेमालो ल्‍हुङ् नाःओलम्‌मा आमा आपाकायः सात्ओलम्‌मा अरु मान्‍ताकायः सात्ओलम्‌कायःमा जाङ्‌ह्ओ लेःआः

हेब्रैनी 4:1

ओउःमयःखे पोक्‌सा दोःइली परमेस्‍वर्‌कोः पेतो मुसा राजीहाङः ङीखेकायः “लौ पोक्‌सा दोःओ लेःआः” त ओउःइ तोती गम्आतय्‍ही। ओउःत झ्‍यान्‍ते नीङ्‌कःहाङः “यात्‌नीस्‌चाक् पोक्‌लाङ् दाह्‌साकायः दोःइली यादो” त दाय्‍ह्‌ती ल्‍हुङ् र्‍याङःती झ्‍यान्‍ते ङी घीःती मुसा खेःनाःतय्‍ही।

याकुब् 5:6

पेओ नीङ्ओ मान्‍तालम्‌कायः गाल्‌तुम्‌ती सात्‌तेःताक्‌तेःआकानी। सात्‌सा बोङःओ बेलाहाङः नीङ्‌कायः ओउः मान्‍तालम्इ दोह्‌मा हायःतेःइली।

१ पत्रुस् 5:8

लौ ब्रःमामाःत घीःतीलेः वाह्‌न। नीङ्‌कायः ह्र्योक्‌ती वाय्‌सा बोङःओ सैतान् त तोओइ जाःलो लेखा वेःताङ् ङोय्‌ताङ् सोङ्‌होली बोङ्‌होली त हायःती वाह्‌ती सुकायःमा जेःती माक्‌ती वाय्‌सा बोङःनौ।

२ पत्रुस् 3:7

परमेस्‍वर्‌कोः नोःराय्इमा इ तेन्‌छ्याङ् मुओ फेल्‌बाङ्‌मा ल्‍हाव्‍ह्‌दैबाङ्‌मा लोनेः म्‍हेःइ झम्‍ह्‌ती माक्‌साकायः गम्‌लेःनौ। ओउः वाङ्‌सा खेःओ तय्‌छनःती योती पेमालोलम् न्‍युम्‍ह्‌ताक्‌सा दीन्‌च्‍युक्‌कायः ह फेल्‌बाङ्‌मा ल्‍हाव्‍ह्‌दैबाङ्‌मा मुलेःनाः।

यहुदा 1:15

सबैकायः तय्‌छनःती योलाङ् वाङ्‌नै। ओउः ङ्‌हाम्‌मालोलम्इ जाङ्‌ह्ओ रेव्‌तो काम्‌लम्‌मा सबै ओउःमयः हेला क्‍लाःओ काम्‌कायःमा प्रभुइ ओउःमयःकायः गाल्‌तुम्‌तीलेः नोःनौ” त दाय्‍ह्‌ती हनोक् दाय्‍ह्आ।