१ पत्रुस् 4:10 - चेपाङ

¹⁰ नीङ्‌कायःपाय् परमेस्‍वर्‌इ लःलयः जोक्‌कायः थेथे स्‍यार्‌मे बयःतेःइतो नीङ्इ दोःओ स्‍यार्‌मेकोः काम् अरुकायः जाङ्‌ह्‌काय्‌न।

१ पत्रुस् 4:10 Iomraidhean Croise

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

मत्ती 24:14

ओहाङःसैको ओउः द्युम्ओ दीन्‌कोः ङ्‌हासै परमेस्‍वर्‌कोः राजीकोः पेओ कुरा ल्‍हाव्‍ह्‌दैबाङ्‌हाङः सबै मान्‍तालम्‌कायः चीःताक्‌सा थेङालेः थोल्‍ह्‌ती तोसा खेःतो। थोल्‍ह्‌ती तोआक्‌तीको ओउः द्युम्ओ दीन् वाङ्‌लेःनाः।

मत्ती 24:21

न्‍याम् झ्‍युङ्ओ बेलाहाङः धोओ दीन्‌हाङः क्रव्‌सा खेःतो त खेःया आन जोक्‌तो लीह्ओ स्‍याव्‌नाः। ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै ओउःच्‍युक् जोक्‌तो लीह्‌सीःओ स्‍याव्‌धाङ्‌ल लोन्‍तेसैमा फेरी स्‍याव्‌नाः जुगु।

मत्ती 24:45

पेओ काम् जाङ्‌ह्‌सा नोकरी दोह् हायःनौ दाय्‍ह्‌सा। ओउःकोः मालीक्इ ओउःकायः सबै कीम्‌कोः नोकरी योसाकायःमा जेःगा ज्‍याला बोसाकायःमा ग्‍वम् बयःनाःथै।

मत्ती 25:17

फेरी ओउः नीस् लाख् त्‍याक्ओ नोकरीमा चीस् लेःतीमा वीनःतीमा अरु नीस् लाख् दोःआ

मत्ती 25:44

‘लौ प्रभुय गलखा नाङ् योङ्‌क्राय्ओमा तीः अप्ओमा च्‍यवःती ङीइ बयःनेःनाङ्‌सल। फेरी नाङ् नाय् नाःमाःत मुओ गलखा बयःनेःनाङ्‌सल साथी नाःमालो बेलाहाङः जीक्‌ती मुओ बेलाहाङः झ्‍याल्‍खानहाङः मुओ बेलाहाङः ङीइ गलखा च्‍यवःती नाङ्‌कःहाङः वाङ्‌ङीली’ त दाय्‍ह्‌ती ग्‍याङ्‌ह्‌ती व्‍हत्‌नीतो

मर्‌कस् 10:45

ओउःलो लेखालेः ओउः मान्‍ताकोः चोःत तोओमा अरुकायः काम् जाङ्‌ह्‌ताक्‌लाङ् वाङ्ओ खेःल अरुकायः लयःइ काम् जाङ्‌ह्‌लाङ् वाङ्‌सामा ओउःमयःकायः ल्‍हाङ्‌ती सीसामा ग्‍याओ खेःतो” त दाय्‍ह्‌ती येसुइ तोआथास।

लुका 12:42

“पेओ काम् जाङ्‌ह्‌सा नोकरी सु मान्‍तालो खेःनाः। ओउःइ दोह् हायःनौ दाय्‍ह्‌सा। ओउः नोकरीकायः ओउःकोः मालीक्इ सबै कीम्‌कोः नोकरी योसा काम्‌कायःमा जेःगा ज्‍याला बोसा काम्‌कायःमा ग्‍वम् बयःलेःनौ।

लुका 19:13

ओउःत झ्‍यान्‍ते ओउः अरु देस् आल्‌सा चीङ्ओ बेलाहाङः ओउः राजाकोः मन्‍तरीइ लयःकोः काम् जाङ्‌ह्ओ नोकरीलम्‌कायः गोत्‌ती ओउःइ मान्‍ता मान्‍ताकायःपाय् याआःचाक्‌कायः यात्‌ज्‍योः सुन्‌कोः पैसा बयःआथास ‘ङा वाङ्‌धाङ्‌मालोहाङः इ पैसाइ लेःती वीनःती रीन् बयःती न्‍हाङ्‌तोलेः पैसा क्‍युताक्‌नाङ्‌स दा’ त दाय्‍ह्‌ती तोआथास।

लुका 8:3

अरु मोमःचोःपाय् योआना त तोओ ओउःकोः बुधा चुजा त तोओ हेरोद् राजाकोः दर्‌बाल्‌हाङः काम् जाङ्‌ह्ओ खेःतो। फेरी सुसानामा खेःतो। ओउःमयःइमा नाःतो अरु मोमःचोःलम्इमा येसु वाह्‌ती आल्ओ बेलाहाङः ओउःकायःमा ओउःकुस् वाह्ओमयःकायःमा जेःगा बयःती खाङ्‌ती दोह्‌ती स्‍यास्आथास।

रोमी 15:25

ओउःत हायःसा बोङःलेःनाङः देङीलेः ङा यरुसालेम्‌हाङः मुओ परमेस्‍वर्‌कोः मान्‍तालम्‌कायः यात्‌ज्‍योः काम् जाङ्‌ह्‌लाङ् आल्‌नाङः।

रोमी 15:27

एत ल्‍होक्‌साकायः ओउःमयः लयः झाक्‌ती ग्‍याइतो। यहुदीलम्‌खेइ ओउः अरु जात्‌कोः मान्‍तालम्‌कायः परमेस्‍वर्‌इ बयःओ कुरा पाःती बयःआथास त झ्‍यान्‍ते अरु जात्‌कोः मान्‍तालम्‌खेइ द्याह् मुह्‌ती त्‍युम्‍ह्‌ती लयः गम्ओ थोक्‌लम्‌कोः यहुदीलम्‌कायः पाःती पाय्‍क्‌सा खेःतो।

१ कोरीन्‍थी 15:10

परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।

१ कोरीन्‍थी 3:10

परमेस्‍वर्‌इ ङाकायः ग्‍वम् बयःआक्‌तीको ङाखेइ पेतो चीःओ कीम् जाङ्‌ह्‌सा मान्‍तालो लेखा परमेस्‍वर्‌कोः कीम् तुङःकायः गम्आलाङः। अरु मान्‍ताखेइ ओहाङः कीम्‌कोः गारा बाङ् देती जाङ्‌ह्‌नानी ओउः अरु मान्‍तालम्इ जाङ्‌ह्‌सापाय् जाङ्‌ह्‌नानी सबैइ नीलाय् धुलाय् त जाङ्‌ह्‌सा खेःतो।

१ कोरीन्‍थी 4:7

नीङ्‌पाय् अरुसै ताङ्‌ह्ओलेः सुइलो जाङ्‌ह्‌तेःआकाय् र। नीङ्‌कोः नाःओ कुरापाय् परमेस्‍वर्‌इ सबै बयःतेःआकाय् माःर। ओउःइ बयःओ त खेःया दोह् हायःतीतेः लयःकोः नेह्‌रो ओर्‌तेःताक्‌तेःनानी। लयः क्रुत्इ दोःओलो लेखा नीङ्‌पाय् ताङ्‌ह्‌ताक्‌तेःनाःइसी ओउःत हायःसा स्‍याव्‌ल बा।

२ कोरीन्‍थी 6:1

ङी परमेस्‍वर्‌कुस् काम् जाङ्‌ह्ओलम्इ दोह्‌त तोनेःनाङ्‌स दाय्‍ह्‌सा “लौ परमेस्‍वर्‌इ योनःतीलेः बयःओ दल्‌ताक्‌सा काम् नीङ्इ त्‍याक्‌तेःआकानी द्याह् ओउःइ बयःओपाय् वाय्‌लाम्” त तेती तोनेःनाङ्‌स

२ कोरीन्‍थी 9:1

ओउः यहुदीयाहाङः मुओ ङ्‌हाम्ओलम्‌कायः लव्‍ह्‌ती बयःसा काम्‌कोः कुरा कोदीङःती तोसा परल।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

एफेसस् 4:11

ओहाङःसैको ख्रीस्इलेः यात्‌नीस्‌चाक्‌कायः लयःकोः ल्‍होक्‌सा मान्‍तालम् स्‍याव्‌साकायः छ्युङ्‌ह्‌ती ग्‍वम् बयःआथास। अरुकायः लयःकोः कुरा छ्यानःती नोःसाकायः ग्‍वम् बयःआथास। अरुकायः ओउःकोः पेओ समचार्‌ थोल्‍ह्‌ती तोसा ग्‍वम् बयःआथास अरुकायः ङ्‌हाम्ओलम्‌कायः स्‍यास्‌सामा स्‍यान्‌सा ग्‍वम्‌मा बयःआथास।

तीतस् 1:7

स्‍यालःओ मान्‍तालम्इपाय् परमेस्‍वर्‌कोः काम् जाङ्‌ह्‌साकायः अरुकायः स्‍यालःसा खेःइतो ओउःत झ्‍यान्‍ते ओउःपाय् जुगाङ् पेओ अरुइ गाल्‌तुम्‌सा खाय्‌मालो मान्‍ता खेःसा खेःतो। ओउःपाय् लयः ङार्‌ओ खह्र्ओ हान् झाक्‌ती तुङ्ओ कायःकाय्ओ अरुकोः पैसा झाक्‌ती जेःओ मान्‍तापाय् स्‍याव्‌ल।

हेब्रैनी 6:10

परमेस्‍वर्‌इ गलकायःमा पेतोलेः हायःनौ। नीङ्इ ओउःकायः राप्‌ती अरु ङ्‌हाम्ओलम्‌कायः लव्‍ह्‌ती बयःतेःआकानी। माः रैस बयःधैलेः मुतेःनै। ओउः राप्‌ती जाङ्‌ह्ओ काम्‌पाय् परमेस्‍वर्‌इ म्‍हेःउलु।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।

१ पत्रुस् 5:12

लौ इ नीङ्‌कायः ल्‍होक्‌सा चेती ङाकोः पेतोलेः ङ्‌हाम्ओ हौ सीलास्इ लेखताक्आलाङः। परमेस्‍वर्‌कोः दोङ् पेओमा सोह् बयःओमा दल्‌ताक्‌सा कुरा छ्यानःती नीङ्‌कायः लुङ्‌साकायः इ मीओ चेती लेखनेःनाङ्‌स। इ कुरा पेतो ङ्‌हाम्‌ती ग्रमःत मुन दा।