ङाइ नाङ्कायः योनःती योओ त खेःया ओउःलो लेखा नाङ्इमा लयःकुस् काम् जाङ्ह्ओ मान्ताकायः योनःती योती ओउःकोः मीओ रीन् वाय्सा खेःओ खेःतेःतो’ त दाय्ह्ती ओउः राजा ल्हुङ् मल्ह्ती ओउः रीन्कोः पैसा जुगाङ् पाय्क्माच्युक्हाङः ओउः पेमालो नोकरीकायः न्युम्ह्ताक्साकायः ल्होक्आथै। परमेस्वर्कोः राजी ओउःलो लेखा लेःआः।
१ पत्रुस् 3:8 - चेपाङ8 लौ उया नीङ् सबैलेः परमेस्वर्कोः मीक्हाङः नाःचोङ् पुःचोङ्लेःतेः इ ओउःत खेःओ यातैज्याङ् ल्हुङ् स्याव्ती ब्राङ्तीलेः मुन। अरुलम्कायः योनःती योनु सुकायःमा काङ्तो नोःती “ओउःपाय् ङासै ताङ्ह्ओ लेःआः” त लयःकायः मीताक्ती वाह्न। Faic an caibideil |
१ पत्रुस् 3:8
32 Iomraidhean Croise
लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा”
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
नीङ् लाव्मयःलम्य ओउः दीक्पाल्लम्इ तोओ कुरापाय् ग्याती सायःनु दा। माः रैस नीङ् सबैइ अरु अरुकायः ल्हुङ् युम्तीलेः काम् जाङ्ह्काय्न। सुमा लयःकोः नेह्रो ओर्ताक्लाम् दोह् हायःती दाय्ह्सा परमेस्वर्कोः आखरःहाङः “लौ लयःकोः नेह्रो ओर्ताक्ती वाह्ओलम्खेपाय् परमेस्वर् झाक्ल मीतो वाह्ओलम्खे परमेस्वर्इ योनःती योती पेतोलेः बयःनाःथास” त दाय्ह्ती दाय्ह्ओ लेखती मुनाः।
Sanasan