१ पत्रुस् 3:5 - चेपाङ

⁵ एतलेः उय्‍ह्‌लेकोः परमेस्‍वर्‌कायः ङ्‌हाम्ओ मोमःचोःलम् पेतो स्‍याव्आकाय् ओउःमयः नीङ्‌तो ग्‍याओ ल्‍हुङ्‌तुक् नाःती लःलयःकोः बुधाकोः काम्‌पाय् पेतोलेः ग्‍याती जाङ्‌ह्ओ खेःइतो।

१ पत्रुस् 3:5 Iomraidhean Croise

लुका 2:37

बुधाकः पाय्‍ह्आक्‌तीको सात् बर्‌सहाङः ओउः बुधाखे सीआ। ओउः हाना त तोओखे चौरासी बर्‌सकायः स्‍याव्ओ फेरी न्‍हीदीङ्‌मा याह्‌दीङ्‌हाङःमा परमेस्‍वर्‌कायः झाह्‌धै तोधै मुतो बेला बेलाहाङः उपाङ् काःधैमा मुतो।

खबरदुत 1:14

ओउः कोथाहाङः ओउःमयः सबै हुम्‌ती येसुकोः आमाचोङ्‌कुस्‌मा अरु मोमःचोःलम्‌कुस्‌मा परमेस्‍वर्‌कायः आन तेती तोती मुआकाय्।

खबरदुत 9:36

ओहाङःसैको जोपा त तोओ सहर्‌हाङः यात्‌चाक् येसुकोः कुरा ङ्‌हाम्ओ मोमःचोः तबीथा त तोओ खेःतो। एलेनी भासाहाङः ओउःकोः मय्‍ङ् दोर्‌कस् त तोओलेः। दोर्‌कस् त तोओकोः माने “मुन्‍दुली” लेःआः। इ तबीथा त तोओइ ह्र्यात्‌लम्‌कायःमा स्‍यास्‌ती गम्ओ अरु मान्‍तालम्‌कायःमा पेतोलेः जाङ्‌ह्ओ खेःतो।

एफेसस् 5:33

ओउःतलेः नोःङोतो सबै गोय्‌चोःलम्इ लःलयःकोः बुधीकायः लयःकोः आङ्‌लो लेखालेः राप्‌पानी। मोमःचोःलम्इमा लःलयःकोः बुधाकः एङःपनै।

१ तीमोथी 2:15

ओउः मोमःचोःइपाय् रेव्‌तोलेः जाङ्‌ह्उतो मोमःचोःलम् राप्ओ पेओ ल्‍हुङ्इ ङ्‌हाम्‌नानी त खेःया चोः ओत्ओ बेलाहाङः स्‍याक्‌लेःनै।

१ तीमोथी 5:10

ओउः मान्‍ताइपाय् पेओ काम् जाङ्‌ह्ओकायः अरुइ तय्‍ह्‌पाःथास। फेरी ओउःमयः लयःकोः चोःलम्‌कायः पेतो स्‍यान्ओ खेःओ खेःतो अरु मान्‍ताकायः कीम्‌हाङः पेतो रोम्ओमा ङ्‌हाम्ओलम्‌कायः पेतो स्‍यवओमा खेःओ खेःतो। लीह्‌सीःओ गोरःओलम्‌कायः लव्‍ह्ओमा सबै पेओ काम्‌लम् जाङ्‌ह्ओ खेःओ खेःतो।

१ तीमोथी 5:5

सुसु बुधा सीओ मोमःचोःपाय् चोःलम् प्‍लोमःलम् जुगाङ् नाःमालो मुनै ओउःपाय् परमेस्‍वर्‌कायः पेतो ङ्‌हाम्‌ती न्‍हीदीङ्‌मा याह्‌दीङ्‌मा ओउःकायः तेती तोनानी।

हेब्रैनी 11:11

ओउःइ ङ्‌हाम्‌ती झ्‍यान्‍ते बुधा स्‍याव्ओहाङः आब्राहाम्‌पाय् सराह्‌कुस् चोः दोःसाकायः ग्‍वम् दोःआ दोह् हायःती दाय्‍ह्‌सा परमेस्‍वर्‌इ तोओ कुरापाय् ओउःइ ङ्‌हाम्आकान्।

१ पत्रुस् 1:3

द्याह् ङीकोः प्रभु येसु ख्रीस्‌कोः परमेस्‍वर्‌ आपाकायः लाङ्‌काताङ् त्‍याव्‌ती लावार्‌ताङ् गोय्‍ह्‌ती “च्‍युता” त तोसा खेःतय्‍हीतो। दोह् हायःती दाय्‍ह्‌सा ङीकायःपाय् आन योनःती योती परमेस्‍वर्‌इ रौ जीङः दोःताक्‌नाःतय्‍ही। येसु ख्रीस्‌पाय् सीआक्‌तीको ओउःकायः परमेस्‍वर्‌इ उह्‌ती स्‍याक्‌ताक्ओ त चीःती “लोने ङीमा रौ जीङः दोःनाःतय्‍ही” त दाय्‍ह्‌ती आन चोङाय्‌तो मुनाःतय्‍ही।