१ पत्रुस् 3:21 - चेपाङ21 ओउःलो लेखालेः ङीकायःमा तीःहाङः बाप्तीस्मा त्याक्ती रेव्ओसै पेङ्कलःती दल्तो स्याव्नाःतय्ही। बाप्तीस्मा त्याक्ओहाङः तीःइ आङ्कोः रयः वाय्ती छय्ङ्ताक्साकायः खेःबाय्ल “ङी नीङ्ओ ल्हुङ्तुक् खेःआतय्ही” त परमेस्वर्कायः छ्यानःसाकायः बाप्तीस्मा त्याक्नाःतय्ह्नी। Faic an caibideil |
१ पत्रुस् 3:21
30 Iomraidhean Croise
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
रेव्झ्याङ्कोः थेङ्सापाय् थेङ्ओ खेःआक्ल आदम् मुओहाङःसै ओउः ऐन् लेखओ मोसा मुतोक्हाङः च्युक्कायःलेः सबै मान्ता सीआकाय्। ओउःमयः आदम्लो लेखालेः परमेस्वर्इ बयःओ हुकुम् सायःसा ग्यामालो मान्तालम् सबै खेःइली। खेःसापाय् खेःइली सीसापाय् सबै खेःइतो। ओहाङःसैको आदम्कोः गुल्ह्दाङ् येसु ख्रीस्लेः खेःतो
ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
Sanasan