Biblia Todo Logo
Bìoball air-loidhne

- Sanasan -




१ पत्रुस् 2:5 - चेपाङ

5 फेरी ओउः परमेस्‍वर्‌कोः कीम्‌हाङः देती गम्‌सा बाङ्‌लो लेखालेः नीङ् जीङः नाःओलम्‌पाय् छ्युङ्‌ह्ओलेःतेः इ। परमेस्‍वर्‌कायः म्रोताक्‌सा पेओ कुरा ल्‍हासाकायः नीङ् येसु ख्रीस्इ छ्युङ्‌ह्ओ पुरोहीत्‌लो लेखा स्‍याव्‌तेःनै।

Faic an caibideil Dèan lethbhreac




१ पत्रुस् 2:5
34 Iomraidhean Croise  

लौ उया पुःचोङ् हौचोङ्‌य परमेस्‍वर्‌इ ङीकायः एतलेः योनःती योआतय्‍ही ओउःत झ्‍यान्‍ते ओउःकायः म्रोताक्‌साकायः रेव्ओसै छय्‍ङ्‌ती पेङ्‌कलःतो स्‍याव्‌ती ओउःकोः काम् जाङ्‌ह्‌सा थेङा परमेस्‍वर्‌कायः लयःकोः आङ्‌मा ल्‍हुङ्‌मा जुदालेः ल्‍हाइसी एतलेः तेती तोनेःनाङ्‌स। ओउःत हायःसापाय् परमेस्‍वर्‌कायः दोङ् पेओ मानसा लेःआः बा।


यहुदी खेःमालोलम्‌कःहाङः येसु ख्रीस्‌कोः काम् जाङ्‌ह्‌साकायः ङापाय् ओउःकोः नोकरी लेःआः ङ। ओउः मान्‍तालम्‌कायः परमेस्‍वर्‌कोः पेओ समचार्‌ थोल्‍ह्‌ती तोआक्‌तीकोमा परमेस्‍वर्‌कोः ग्‍वालामःइ छय्‍ङ्‌ताक्आक्‌तीकोमा ओउःमयःकायः ङाइ पुरोहीत्‌लो लेखालेः परमेस्‍वर्‌कायः ल्‍हासालेः खाय्‌नाङः।


नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।


ङीखे परमेस्‍वर्‌कोः खेत्‌ल्‍यालो लेखा मुनै नीङ्‌खे परमेस्‍वर्‌इ दोक्ओ राङ्‌लो लेखामा मुतेःनै। नीङ्‌पाय् परमेस्‍वर्‌इ जाङ्‌ह्ओ कीम्‌लो लेखामा मुतेःनै।


नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।


परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।


ओउःत खेःओ ङी पेतो हायःसा दोःनाःतय्‍ही त खेःया सबै मान्‍तालम्‌कायः पेतोलेः हायःनी ङीकोः ङ्‌हाम्ओ पुःचोङ् हौचोङ्‌लम्‌कायः न्‍हाङ्‌तोलेः पेतो जाङ्‌ह्‌सा बोङःनु दा।


ओहाङःसैको एत वाह्‌ती येसु ख्रीस्इ बयःओ दोङ् पेओ कुरा दोःती परमेस्‍वर्‌कायः लुङ्‌ती ताङ्‌ह्‌तेःताक्‌सा खाय्‌तेःनानी।


माः रैस नीङ्इ परमेस्‍वर्‌कायः जाङ्‌ह्ओ काम्‌कुस्‌मा ओउःकायः ल्‍हाओ ङ्‌हाम्‌राय्‌कुस्‌मा ङाकोः होती सीओ वयःमा ल्‍हाती बयःसा खेःतो त खेःया ङा चोङाय्‌तीलेः मुनाङः। नीङ्‌कुस् ङा चोङाय्‌तीलेः मुनाङः


द्याह् ङा दप्‌तोलेः दोःआलाङः। नीङ्इ एपाफ्रोदाय्‍तस्‌कुस् ल्‍होक्ओ थोक्‌लम् दोःती ङा प्‍ल्‍याय्‌ती वाय्‌तोलेः स्‍याव्आलाङः। ओउः थोक्‌लम्‌पाय् पेतो सय्‍ङ्ओ उलःसा ल्‍हाओ धुप्‌लो लेखा परमेस्‍वर्‌कायः म्रोताक्‌नौ बा।


दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।


खेःल ङा रेन्‍ह्‌तोलेः वाङ्‌सा दोःङल त खेःया इ चेतीकोः कुरा पह्रआक्‌तीको परमेस्‍वर्‌कोः चोःयाङ्‌लम् त तोओ ङ्‌हाम्ओमयःकःहाङः “गत हायःसा पेलेःनाः” त चीःसा खाय्‌तेःनानी। माः रैस ओउः जीङः नाःओ परमेस्‍वर्‌कोः ङ्‌हाम्ओमयःकःहाङः ओउःकोः दोङ् कुरा सेती गम्ओ लेःआः।


येसु ख्रीस्‌खेपाय् परमेस्‍वर्‌कोः चोःलेः खेःती झ्‍यान्‍ते परमेस्‍वर्‌कोः मान्‍तालम्‌सै पुःती ओउःकोः काम् पेतो जाङ्‌ह्‌नौ। फेरी ङीइपाय् ग्रमःत मुती लोनेः वाङ्‌सा कुराकायः पेतो चोङाय्‌तोलेः ङ्‌हाम्‌पाःतय्‍ह्‌नी ओउःत खेःया परमेस्‍वर्‌कोः मान्‍तापाय् ङीलेः खेःनाःतय्‍ही।


नीङ्‌खे आने ओउः खाल्‌कोः मान्‍तालेः खेःतेःइली। नीङ्‌खेपाय् परमेस्‍वर्‌इ लयः छीह्ओमयःलेःतेः इ। राजाकोः पुरोहीत्‌लो लेखा स्‍याव्‌ती नीङ् रेव्ओसै पेङ्‌कलःती जय्‌कुमःत मुओ परमेस्‍वर्‌कोः लयःकोः मान्‍तालम्‌लेःतेः इ। ओउःत खेःओ “परमेस्‍वर्‌पाय् गुच्‍युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्‌कायः “लौ नीङ्‌कोः च्‍याक्ओमा रेव्‌तो वाह्ओसै फेती ङाकोः पेओ थोङ्‌तो स्‍याव्ओहाङः वाह्‌लाङ् वाङ्‌न” त दाय्‍ह्‌ती गोत्‌ती तोतेःआकाय्।


नीङ्‌कःहाङः यात्‌चाक्इ स्‍यान्‌ती तोओ स्‍यार्‌मे नाःओ त खेःया ओउःइपाय् परमेस्‍वर्‌कोः दोङ् कुरालेः चीःती तोपौ। अरुखेइ ङ्‌हाम्ओलम्‌कायः लव्‍ह्‌ती जाङ्‌ह्‌सा स्‍यार्‌मे नाःओ त खेःया ओउःपाय् परमेस्‍वर्‌कोः ग्‍वम् दोःतीलेः जाङ्‌ह्‌पौ ओहाङःसै इत हायःतीलेः प्रभु येसुकोः ङ्‌हाम्ओलम्इ दोह् खेःयाकायःमा परमेस्‍वर्‌कायः तोङ्‌ह्‌ताक्‌सा खाय्‌नानी। ओउः परमेस्‍वर्‌पाय् गलकायःमा ग्‍वम् नाःओमा तोङ्‌ह्ओमा मुलेःनाः बा। ओउःच्‍युक्‌लेः स्‍याव्‌पाः दै।


परमेस्‍वर्‌इ सबैकायः तय्‌छनःती योसा दीन्‌पाय् दाह्‌खेःनाः। ङी ङ्‌हाम्ओलम्‌कायः ङ्‌हालेः लोने अरुकायः परमेस्‍वर्‌इ तय्‌छनःती योनाःतय्‍ही। ओहाङःसै ङी परमेस्‍वर्‌कोः पेओ समचार्‌ ङ्‌हाम्ओलम्‌खेकायः तय्‌छनःती योआतय्‍ही त खेःया ओउः ङ्‌हाम्‌मालोलम्‌खे तय्‌छनःती योतोक्‌हाङः गुच्‍युक् पेमालो स्‍याव्‌नै बा।


ङीकायः ओउःकोः राजीकोः मान्‍तालम् स्‍याव्‌ताक्‌ती “लौ ङाकोः परमेस्‍वर्‌ आपाकायः मानपानी” त दाय्‍ह्‌ती ङीकायः पुरोहीत् जाङ्‌ह्आतय्‍ही। ओउः येसु ख्रीस्‌कायःपाय् गलकायःमा ग्‍वम् नाःती ताङ्‌ह्‌तोलेः मुपाः। माः क्‍याने ओउःतलेः स्‍याव्‌पाः।


ओउः ङ्‌हा उह्‌ती च्‍योक्ओलम्‌पाय् छय्‍ङ्‌तोमा चोङाय्‌तोलेः मुनै। ओउःमयः फेरीलेः सीसा परइली परमेस्‍वर्‌कायःमा ख्रीस्‌कायःमा ओउःमयः पुरोहीत् स्‍याव्‌ती ख्रीस्‌कुस् यात् हजार्‌ बर्‌सच्‍युक्‌कायः राजा मुलेःनै।


सुसुइ रेव्ओकायः क्‍लीमःनानी ओउःकायः ङाकोः परमेस्‍वर्‌कोः मन्‍दीर्‌हाङः मुल्‌धुरीलो लेखा जाङ्‌ह्‌नाङःसु ओउः मन्‍दीर्‌सै ओउःपाय् गलमा ग्‍ल्‍युङ्‌ह्इली। फेरी ओउः मान्‍ताकःहाङः ङाकोः परमेस्‍वर्‌कोः मय्‍ङ्‌मा लेखनाङः ङाकोः परमेस्‍वर्‌कोः सहर्‌कोः मय्‍ङ्‌मा लेखनाङः। ओउः सहर्‌पाय् ङाकोः परमेस्‍वर्‌कःहाङःसै लाङ्‌कासै ग्‍ल्‍युङ्‌ह्‌लेःनाः ओउःपाय् “नया यरुसालेम्” त तोओ लेःआः। ओहाङःसै ओउः मान्‍ताकःहाङः ङाकोः नया मय्‍ङ्‌मा लेखलेःनाङः’


परमेस्‍वर्‌कोः काम् जाङ्‌ह्‌साकायः ओउः मान्‍तालम्‌कायःपाय् राजीकोः मान्‍तालम्‌मा पुरोहीत्‌लम्‌मा स्‍याव्‌ताक्‌तेःआकान्। ओउःमयः ल्‍हाव्‍ह्‌दैबाङ्‌कोः हुकुम् बयःओमयः स्‍याव्‌लेःनै” त दाय्‍ह्‌ती ओउः थालवःपा दाय्‍ह्‌नै।


Lean sinn:

Sanasan


Sanasan