१ पत्रुस् 1:12 - चेपाङ12 ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै। Faic an caibideil |
१ पत्रुस् 1:12
56 Iomraidhean Croise
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
ओहाङःसैको पत्रुस् नीस्साथीचाः येसुइ स्यान्ओ कुरामा जाङ्ह्ओ कुरामा गतलो ओउःनीस्इ सायःआकाचु च्यवःआकाचु ओउःतलेः समारीया देस्कोः मान्तालम्कायः छ्यानःती तोआकाचु। येसुकोः कुरा एत तोआक्तीको ओउःनीस् यरुसालेम्ताङ् पाय्ह्आकाच। यरुसालेम्ताङ् पाय्ह्तोक् बेलाहाङः समारीयाकोः गाव् गाव्ताङ्मा इ कुरा छ्यानःतीलेः तोआकाचु।
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओउः ङाइ मेस् तोओ मान्तालम्पाय् परमेस्वर्इ तोती गम्ओ कुरा सबैइ पेतोलेः ङ्हाम्आकानी। ङ्हाम्सापाय् ङ्हाम्नीतो ओउः कुरापाय् “लोने वाङ्सा मान्तालम्खे दोःलेःनै ङी ल्हाव्ह्दैबाङ्हाङः यात् चीच्योक्कायः ब्याह्ती वाह्ओमयःखेइ ओउः कुरापाय् लयः दोःमाःत सीनाङी लोक्तोसै ह च्यवःनाङःसु” त म्रोतोलेः दाय्ह्आकाय्।
Sanasan