१ युहना 3:2 - चेपाङ

² लौ राप्ओ पुःचोङ् हौचोङ्‌य ङीपाय् द्याह् परमेस्‍वर्‌कोः चोः लेःआः तय्‍ही ङी “लोनेः गत स्‍याव्‌नाःतय्‍ही” त ङीकायः छ्यानःधाङ्‌तय्‍हीली। इत ह चीःनाःतय्‍ही “ख्रीस्‌कोः लोनेः वाङ्‌सा बेलाहाङःपाय् ङी ओउःकायः दोङ् पेतोलेः च्‍यवःतोक्‌हाङः ओउःलो लेखा थाङ्‌ती स्‍याव्‌नाःतय्‍ही”

१ युहना 3:2 Iomraidhean Croise

मत्ती 5:8

ओउः पेतो छय्‍ङ्ओ ल्‍हुङ्‌तुक् नाःओलम्‌मा चोङाय्‌तो स्‍याव्‌नै ओउःमयःइ लोनेः परमेस्‍वर्‌कायः च्‍यवःनानी।

लुका 17:30

ओउःलो लेखालेः ङा फेरी द्यान्‍ह्‌ती वाङ्‌सा बेलाहाङःपाय् मान्‍तालम्इ जुगाङ् चीःमाःत लःलयःकोः काम्‌लम् जाङ्‌ह्‌तीलेः मुलेःनै।

लुका 20:36

फेरीलेः सीमाइली। ओउःमयःपाय् ‘परमेस्‍वर्‌कोः उह्‌ती च्‍योक्ओ चोःलम्’ त तोसा स्‍याव्‌ती परमेस्‍वर्‌कोः लाङ्‌काकोः ल्‍होक्ओमयःलो लेखा मुलेःनै।

युहना 1:12

ओउःमयःखेइ रोम्आक्‌थाल सुसु मान्‍ताखेइ ओउःकोः मय्‍ङ् पेह्‌ती ङ्‌हाम्‌ती रोम्आथै ओउःकायः परमेस्‍वर्‌इ लयःकोः चोः त तोती बयःआथास।

युहना 11:52

लोने येसुलेः सबैकायः सीसा खेःतो लयःकोः यहुदी मान्‍तालम्‌कायः झुङ्आले खेःल गाःहाङः खेःयामा परमेस्‍वर्‌कोः चोः मुइतो ओउःमयःकायः सबै हुम्‌ताक्‌ती वानःती यातैज्‍योः स्‍याव्‌ताक्‌साकायःपाय् येसु सीसा खेःतो। इतलेः कयाफाइ तोओ कुरा ताप्‌तो स्‍याव्आ।

युहना 17:24

लौ आपाय ङाकायः बयःओ मान्‍तालम्‌पाय् ‘ङाकुस् मुपै’ त ङा झाक्‌ती तेनाङः ओहाङःसै नाङ्इ ङाकायः ताङ्‌ह्‌ताक्ओहाङः ओउःमयःइ च्‍यवःसा खाय्‌नानी। ल्‍हाव्‍ह्‌दैबाङ्‌कोः जाङ्‌ह्‌धाङ्‌माःखाहाङःसै नाङ्इ राप्‌तेःआची ओउःत हायःतीतेः ङाकायः ताङ्‌ह्‌तेःताक्‌नाःची।

रोमी 8:16

ओउःत तोतोक्‌हाङः परमेस्‍वर्‌कोः ग्‍वालामःइ ङीकोः रुआङ्‌कुस् पाःती तोती “इमयः परमेस्‍वर्‌कोः चोःलम् लेःआः इ” त छ्यानःनौ।

रोमी 8:18

इ ल्‍हाव्‍ह्‌दैबाङ्‌हाङः मुतोक्‌हाङः ङीइ लीह्‌सीःओ च्‍यवःसापाय् च्‍यवःतय्‍ह्‌नीतो लोने न्‍हाङ्‌तोलेः आन पेओमा ताङ्‌ह्ओमा च्‍यवःनाःतय्‍ह्‌नी त ङाइ ताःनाङः।

रोमी 8:19

परमेस्‍वर्‌कोः चोःलम् पेओमा ताङ्‌ह्‌तो स्‍याव्ओ त छ्यानःनम् दीन्‌कायः सबै जापीनःती गम्ओ थोक्‌लम् झाह्‌तीलेः ल्‍युङ्‌ह्‌ती मुनाः।

रोमी 8:29

ओउः मान्‍तालम्‌कायःपाय् परमेस्‍वर्‌इ उय्‍ह्‌लेहाङःसै “ङाकोः मान्‍तालम्‌लेः स्‍याव्‌नै” त चीःती “ङाकोः चोःलो लेखालेः स्‍याव्‌पै” त दाय्‍ह्‌ती छ्युङ्‌ह्‌ती गम्आथास। ओहाङःसै लयःकोः मान्‍तालम् एतलेः छ्युङ्‌ह्आक्‌तीको ख्रीस्‌पाय् नाःतो हौचोङ्‌लम्‌सै पुःनाः।

१ कोरीन्‍थी 13:12

तेन्‌छ्याङ् ङीइ परमेस्‍वर्‌कोः कुरा वलङ् पलङ्‌त च्‍यवःसा खाय्‌नाःतय्‍ह्‌नी लोनेः ङीइ पेतोलेः धेस्‌तो च्‍यवःसा खाय्‌नाःतय्‍ह्‌नी। ङाइ द्याह् परमेस्‍वर्‌कोः कुरा बल बल ह चीःनाङः लोने ओउः बेलाहाङःपाय् गुच्‍युक् पेतोलेः परमेस्‍वर्‌इ ङाकोः कुरा चीःनाःताङः ओउःच्‍युक् पेतोलेः ङाइमा चीःलेःनाङः।

१ कोरीन्‍थी 15:49

ङीपाय् ङ्‌हासै ल्‍हाव्‍ह्‌दैबाङ्‌कोः मान्‍ता लेःआः तय्‍ही लोनेः ओउः लाङ्‌काकोः मान्‍तालो लेखा स्‍याव्‌नाःतय्‍ही।

१ कोरीन्‍थी 2:9

ओउःतलेः उय्‍ह्‌लेहाङःसै लेखती मुनाः “परमेस्‍वर्‌कायः राप्ओ मान्‍तालम्‌पाय् ओउःइ चन्‌तायःती जाङ्‌ह्ओ थोक्‌लम्‌पाय् सुइमा च्‍यवःआक्‌माआक्‌नीली सायःआक्‌माआक्‌नीली सुमा ल्‍हुङ्‌हाङः म्‍हर्‌आक्‌माआक्इली” त लेखती मुतो

२ कोरीन्‍थी 3:18

ङी सबै खेन् खुप्‌माःत प्रभुकोः आन पेओ थोङ्ओ योती ओउःकोः थोङ्ओ बल दोःनाःतय्‍ही। एत दोःतोक्‌हाङः परमेस्‍वर्‌कोः ग्‍वालामःइ ङीकायः प्रभुलो लेखा न्‍हाङ्‌तोलेः पेओ स्‍याव्‌ताक्‌नाःतय्‍ही।

२ कोरीन्‍थी 4:17

फेरी ङीइ द्याह् बल लीह्‌सीःओ गोरःसा बेलापाय् यात् चीच्‍योक्‌खेकायः ह मुलेःनाः लोनेः ओउःत गोरःआतय्‍ही त झ्‍यान्‍ते ङी ओउःसै न्‍हाङ्‌तोलेः पेओमा गलकायःमा द्योक्‌मालो जाङ्‌ह्‌झ्‍याङ्‌कोः दोःनाःतय्‍ही।

गालाती 3:26

दोह् हायःती दाय्‍ह्‌सा येसु ख्रीस्‌कायः ङ्‌हाम्‌ती झ्‍यान्‍ते द्याह् नीङ् सबै परमेस्‍वर्‌कोः चोःलम् स्‍याव्‌तीतेः मुतेःनै।

गालाती 4:6

ओहाङःसैको नीङ्‌पाय् ओउःकोः चोःलम् स्‍याव्‌तेःआकाय् त छ्यानःसाकायः परमेस्‍वर्‌इ लयःकोः चोःकोः ग्‍वालामःलेः नीङ्‌कोः ल्‍हुङ्‌हाङः ल्‍होक्‌तेःआकाय्। ओउःहाङः ओउः ग्‍वालामःइ “अ आपा ङाकोः आपाय” त गोःताक्‌नाःतय्‍ही।

फीलीपी 3:21

ओउःइपाय् ङीकोः पेमालो सीसा खेःओ आङ्‌लम्‌कायः लयःकोः पेओ आङ्‌लो लेखालेः थाङ्‌ताक्‌नाःतय्‍ही। ओउःत हायःसाकायः ओउःइ लयःकोः ग्‍वम्इ जाङ्‌ह्‌सा खाय्‌नौ। ओउः ग्‍वम्इपाय् येसु ख्रीस्इ सबै थोक्‌लम्‌कायः ग्रक्‌नौ।

कोलसी 3:4

ओहाङःसैको ङीकायः जीङः बयःओमा ङीकायः स्‍यास्ओ ख्रीस्‌पाय् थाती वाङ्ओहाङः नीङ्‌मा ओउःकुस् थातेःनै ओउःकुस् पेतो ताङ्‌ह्‌तो स्‍याव्‌तेःनै।

हेब्रैनी 9:28

ओउःतलेः ख्रीस्‌मा नाःतोलम्‌कोः रेव्ओ काम् क्‍युम्‍ह्‌ती वाय्‌साकायः यातै पेन्‍ह्‌हाङः लयःकोः आङ्‌लेः ल्‍हाती सीआ। ओहाङःसैको यातै पेन्‍ह्‌कायः लयः ल्‍हाती सीआक्‌तीको ख्रीस्‌पाय् फेरीलेः वाङ्‌नाः। रेव्ओ काम् वाय्‌साकायः खेःल ओउःकायः ल्‍युङ्‌ह्‌ती मुओलम्‌कायः दल्‌ताक्‌सा थेङा वाङ्‌लेःनाः।

२ पत्रुस् 1:4

एतलेः ओउःइ तोती गम्ओ आन ताङ्‌ह्ओमा पेओ थोक्‌लम् बयःआतय्‍ही। ओहाङःसैको ल्‍हाव्‍ह्‌दैबाङ्‌कोः पेमालो सीताक्‌ती वाय्‌ताक्ओ मोह्‌हाय्ओलम्‌सै दल्‌ती ङी परमेस्‍वर्‌कोः बानीकोः दोःनाःतय्‍ही।

१ युहना 2:28

लौ द्याह् हौलम्‌य ख्रीस्‌कुस् ब्राङ्‌तो मुन ओहाङःसैको उया ओउःकोः लोने वाङ्‌सा दीन्‌हाङः ङी ओउःकायः रास्‌माःत फुतीलेः क्रुस्‌नाःतय्‍ह्‌नी।

१ युहना 2:7

लौ हौलम्‌य इ ङाइ लेखओ कुरा नया अह्र्त खेःल उय्‍ह्‌लेकोः लेःआः बा। ओउःपाय् नीङ्‌कायः ङ्‌हाहाङःसै तोती बयःओलेः खेःतो।

१ युहना 3:1

परमेस्‍वर्‌इ इच्‍युक् पेतोलेः राप्‌नाःतय्‍ही ङीकायःपाय् ओउःइ “लौ ङाकोः चोः लेःआः” त दाय्‍ह्‌ती तोनाःतय्‍ही। माः रैस दोङ्‌सीलेः ओउःकोः चोः लेःआः तय्‍ही अरु ल्‍हाव्‍ह्‌दैबाङ्‌कोः मान्‍तालम्इ परमेस्‍वर्‌कायः तय्‍ह्‌माःत झ्‍यान्‍ते ङीकायःमा तय्‍ह्‌तय्‍हीली।

१ युहना 3:10

रेव्ओ काम् जाङ्‌ह्ओ मान्‍तामा पुःचोङ् हौचोङ्‌कायः राप्‌मालो मान्‍तामा परमेस्‍वर्‌कोः खेःबाय्इली ओउःत खेःओ “परमेस्‍वर्‌कोः मान्‍ता सुखेलो सैतान्‌कोः मान्‍ता सुखेलो” त तय्‌छनःती चीःसा खाय्‌नाःतय्‍ह्‌नी।

१ युहना 3:21

खेःल ङी ल्‍हुङ् रुःमामाःत मुचाःतय्‍ही त खेःया ङी परमेस्‍वर्‌कुस् सोकार्‌तोलेः मुनाःतय्‍ही।

१ युहना 5:1

“येसुपाय् ओउः वाङ्‌सा खेःओ ख्रीस् लेःआः” त दाय्‍ह्‌ती ङ्‌हाम्ओलम् झुङ्आले परमेस्‍वर्‌कोः चोःलम् स्‍याव्‌नै। फेरी सुसुइ आपाकायः राप्‌नानी ओउःइलेः आपाकोः चोःलम्‌कायःमा राप्‌नाःथास।

प्रकाश 2:28

ओउः क्‍लीमःओलम्‌कायः ङाइ बीहान च्‍योक्ओ सुक्र कार्‌मा बयःलेःनाङः बा’

प्रकाश 22:4

ओउःकोः खेन्‌पाय् ओउःमयःइ च्‍यवःसा खाय्‌नानी ओउः मान्‍तालम्‌कोः जेल्‍ह्‌हाङः परमेस्‍वर्‌कोः मय्‍ङ् लेखती मुनै।