१ युहना 1:1 - चेपाङ

¹ लौ ओउः जीङः बयःसा नोःराय्‌कोः कुरालेः लेखती छ्यानःनेःनाङ्‌स। ओउः नोःराय्‌पाय् ङ्‌हाहाङःसै मुओआः बा। ओहाङःसैको ओउःकायःलेः ङीइ नोइ सायःमाआलाङःसु मीक्इ च्‍यवःमाआलाङःसु। माः रैस ओउःकायः ङीइ योती दीन्‍ह्‌माआलाङःसु।

१ युहना 1:1 Iomraidhean Croise

लुका 1:2

इ कुराखेपाय् येसुकोः ओत्‌नम् दीन्‌हाङःसै सबै च्‍यवःओ मान्‍तालम्‌कोः ल्‍हाक्‌राय् सायःती चीःआक्‌तीको ओउःमयःइ लेखआकानी।

लुका 24:39

लौ ङाकोः क्रुत् दोम् योनाङ्‌स ङा लेःआः बा। ङाकोः मायःमा दीन्‍ह्‌ती योनाङ्‌स। रीःलम्‌पाय् ङालो लेखा ह्रुस् मायःपाय् नाःल बा” त दाय्‍ह्‌ती

युहना 19:35

लौ इ कुरापाय् च्‍यवःओ मान्‍ताइलेः नीङ्‌कायः ङ्‌हाम्‌ताक्‌साकायः लेखती गम्ओआः ओउःइ ल्‍हाक्ओ कुरापाय् दोङ् कुरा लेःआः बा।

युहना 20:27

थोमाकायः ल्‍हेःती “लौ नाङ्‌कोः ब्रय्‍ह्इ इहाङः साम्‍ह्‌ती ङाकोः क्रुत्‌लम्‌मा योची दा। नाङ्‌कोः क्रुत् प्‍योती ङाकोः पाम्‌हाङः गम्‌ची ओहाङःसै पेतोलेः ङ्‌हाम्‌ची दा” त ओउःकायः दाय्‍ह्‌ती तोउतो

युहना 5:26

आपापाय् जीङःकोः सीलाङ् लेःआः बा ओउःत झ्‍यान्‍ते चोःकायःमा ओउःतलेः जीङः दोःताक्‌सा ग्‍वम्‌लेः बयःआकान्।

युहना 8:58

“दोङ्‌सी दाय्‍ह्‌भनाङ् आब्राहाम् ओत्‌धाङ्‌माःखाहाङः ङालेः ङ्‌हाकोः खेःनाङः बा” त दाय्‍ह्‌ती येसु दाय्‍ह्आ।

खबरदुत 4:20

नीचीइ लयः च्‍यवःओमा सायःओमा इ कुरा नीचीइ नोःमाःत छ्यानःमाःत मुसा खाय्‌धै खाय्‌ङुसुलु” त दाय्‍ह्‌ती पत्रुस्‌मा युहनामा त्‍याङ्आकाच।

हेब्रैनी 2:3

ओउः लाङ्‌कामयःइ बयःओ कुराखे सायःमालोलम् न्‍युम्‍ह्आकाय् त खेःया न्‍हाङ्‌तोलेः परमेस्‍वर्‌कोः चोःइ बयःओ ताङ्‌ह्ओ दल्‌ताक्‌सा कुराखे ङीइ सायःसालेः खेःतो बा उया ङीइपाय् गलमा दल्‌तो स्‍याव्‌तय्‍हीली बा। ओउः दल्‌सा कुरापाय् प्रभु येसुइ ङ्‌हासै तोआकान् ओहाङःसैको ओउःइ तोआक्‌तीको ओउःकायः सायःओ मान्‍तालम्इमा ङीकायःपाय् पाःतीलेः तोआतय्‍ही।

१ युहना 4:14

परमेस्‍वर्‌ आपाइ लयःकोः चोः सबैकायः दल्‌ताक्‌सा थेङा ल्‍हाव्‍ह्‌दैबाङ्‌ताङ् ल्‍होक्आकान्। ओउःत ङीइ च्‍यवःती झ्‍यान्‍ते थोल्‍ह्‌ती तोनाङःसु।

१ युहना 5:7

येसु ख्रीस्‌कायः सुम्‌ज्‍योः छ्यानःराय् मुनाः

प्रकाश 1:11

“लौ दोह् दोह्‌तेः च्‍यवःतेःनौ ओउःलेः कीताप्‌हाङः लेखआक्‌तीको ओउः कीताप्‌पाय् इ सात् थाव्‌कोः ङ्‌हाम्ओलम्‌कायः ल्‍होक्उ दा। ओउः सात् थाव्‌पाय् एफेसस् स्‍मर्‌ना पर्‌गामम् थुयातीरा सार्‌दीस् फीलादेल्‍फीया लाओदीकीया त तोआ सात् सहर्‌ लेःआः” त दाय्‍ह्‌ती तोआताङः।

प्रकाश 1:8

“लौ ङापाय् सबैसै ङ्‌हामा लेःआः ङ। ङापाय् सबैसै लोनेःमा लेःआः ङ” त दाय्‍ह्‌ती ओउः ग्‍वम् नाःओ प्रभु परमेस्‍वर्‌ दाय्‍ह्‌नाः। ओउःपाय् द्याह्‌लेः मुनाः ङ्‌हामा खेःलेःतो लोनेःमा वाङ्‌सा खेःलेःनाः।

प्रकाश 19:13

ओउःकोः क्रमःनाय् वयःहाङः जोःओ खेःतो। ओउःकोः मय्‍ङ्‌पाय् “परमेस्‍वर्‌कोः नोःराय्” लेःआः।

प्रकाश 2:8

द्याह् स्‍मर्‌नाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘लौ सबैसै ङ्‌हा सबैसै लोनेः खेःओ ओउः सीआक्‌तीको उह्‌ती च्‍योक्ओचाक्इ तोओ कुरापाय् इलेःआः बा।