प्रकाशित वाक्य 3:16 - चुराही नवाँ नियम

¹⁶ मूं पता कि तु ना ता मूं पन अपड़ै विश्वासैरा नमां काता जां ना ऐ पूरै मंन सिंउ प्रेम काता, पण तु मिंडै तेईनी अपड़ै विश्वासा मझ सिर्फ अधा-अधूरा आ, ऐठणीरै तेईनी आंउ ताउ त्यागणा पन आ।

प्रकाशित वाक्य 3:16 Iomraidhean Croise

प्रकाशित वाक्य 2:5

ऐठणीरै तेईनी याद कर कि शुरूवाति मझ मूं सेईतै क्यौता प्रेम करींथिया, जां अबै तु मूं सिंउ तेनी तरीकै प्रेम ना काता। ऐस गलैरा पश्चाताप कर जां मूं सिंउ तेनिऐ तरीकै प्रेम कांना शुरू कर जिहीं तु शुरूवाति मझ करींथिया। अगर तु मंन ना फैरेला ता मूं ताउ किनि ऐईंणु जां जेठि तिंडा दीपदान रखौरा सैक्या तेठां किना घैरी करि ताउनि सजा दींणी।

प्रकाशित वाक्य 3:15

आंउ तिंडै कंम अच्छी तराहि सिंउ जांणता, मूं पता, कि तु ना ता मूं पन अपड़ा विश्वास कांना किना नमां काता जां ना ऐ मूं सिंउ पूरै मंन सिंउ प्रेम काता। आंउ चांहथा कि या ता तु मूं मनणा किना सिधा नमां करि दै या मूं सिंउ पूरै मंन सिंउ प्रेम कर।

प्रकाशित वाक्य 3:17

तु बोलता कि आंउ धनवान आ जां ताउ किनि सभ-किछ आ, पण सच ऐ आ कि तु एकि अंधै सैयि आ, तु ना जांणता कि तु हकीकत मझ केतिया। ताउ पन तरस ऐईंणा चेहिंथा केईनी कि तु गरीब आ, ऐठणीरा मतलब ऐ आ कि ताउ मझ भरौसेरी कमि आ। तु तैन्हांं मैहणुवांं सैयि आ जैन्हां किनि लिकड़ै नत्तै।