प्रकाशित वाक्य 17:7 - चुराही नवाँ नियम

⁷ तेनी स्वर्गदूतै मूं सिंउ बौलु, “तु परेशानि मझ केईनी आ पूंता? मूं ऐस जनानिरै जां जै रागसा पन सवार आ, जेसेरै सत्त मुन्डक जां दश शिंगै अत्तै; ऐन्हां दोईयो केरा जै गुप्त मतलब आ, सै मूं ताउनि शुणांणा।”

प्रकाशित वाक्य 17:7 Iomraidhean Croise

2 थिस्सलुनीकियों 2:7

केईनी कि तैस दुष्ट मैहणुरी शक्ति अबै संसारा मझ कंम काति आ, पण कोई आ जै तैस शक्ति रौकता, जां ज्यो-तेईनी सै दूर ना भौ गांहथा, त्यो-तेईनी सै तैस लगातार रौकि रखणा।

प्रकाशित वाक्य 1:20

अबै मूं ताउनि शुणांणु कि मिंडै सुमलै हत्थैरा तारा जां ऐन्हां सुन्नैरै सत्ता दीवटा केरा मतलब कितु आ; सत्ता तारा केरा मतलब सैक्यै सत्त स्वर्गदूत अत्तै, जै कलीसियेरा मैहणुवां केरी देखभाल कातै जां जै सत्त दीवट अत्तै, सै कलीसियेरै मैहणु अत्तै।

प्रकाशित वाक्य 12:3

अक हौरा चिन्ह असमांणा मझ लाधी या, अक बडा लाल अजगर, जै शैतान आ। ऐसेरै सत्त मुन्डक थ्यै जां हर मुन्डका पन मुकुट थियु जां ऐसेरै दश शिंगै थ्यै।

प्रकाशित वाक्य 17:8

जै रागस तीं ऐम्हीं तका, सै अक टैंम जींता थ्या, पण अबै मरि गियौरा। सै नरका मझां भेईर निकूंहणारा जां परमेश्वरा सै पूरी तरह सिंउ नष्ट करि दींणा। धरतिरा मैहणुवांं मझ जेन्हैरै नाँ परमेश्वरै संसार बंणाणा किना पेहिलै जीवनेरी किताबि मझ ना लिखै, सै सभ हैरान भौ गांहणै जेख्णी तैन्हांं ऐ पशु तकांणा। अक टैंम सै जींता थ्या; अबै सै जींता ना; पण तैस दुबारे फिरी वापस अईछी गांहणु।

प्रकाशित वाक्य 18:1

ऐत किना बाद मीं अक हौरा स्वर्गदूत स्वर्गा किना थल्लै उतरता लधा। तैस किनि बडा अधिकार थ्या जां तेसेरी बड़ी चमकदारी चमकी ला पूरी धरती प्रगड़ी भौ गैई।