प्रकाशित वाक्य 17:4 - चुराही नवाँ नियम

⁴ ऐस जनानि पन बैंगनी जां लाल रंगैरै लिकड़ै लगोरै थ्यै। तेनी अपांणा सुन्नैरै गहणै, कीमति पत्थरा जां मंहगै मोतियै ला सजाउरा थ्या। अपड़ै सुमलै हत्था मझ तेनी मदिरा ला भरौरा अक सुन्नैरा जग पकड़ोरा थ्या, जेनि ला पता लगी गहींथ्या, कि गंदी चीज व्यभिचार काति।

प्रकाशित वाक्य 17:4 Iomraidhean Croise

प्रकाशित वाक्य 14:8

तैठि अक हौरा स्वर्गदूत थ्या, जै तैस पेहिलै स्वर्गदूता पीछै या जां तेनी बौलु, अबै ऐसेरा नाश भौ ग्या। बेबीलोन शहर बुरी तराह सिंउ नाश भौ गियौरा। केईनी कि तेनी सभनियां जातिरा मैहणुवंनी एकि वैश्या सैयि अंगूरी रस पिवा; जेसेरै नशै मझ बेहोश भौ करि मैहणुवें गलत सम्बंध बंणाय जां मूर्तीपूजा, व्यभिचार, झूठै धर्म बंणा करि हर प्रकारेरी बुराई की।

प्रकाशित वाक्य 18:12

तेसैरा माल बड़ी किस्बिरा थ्या। सुन्ना, चांदी, रत्न जां मोती जां बधिया लिकड़ै जै मंहगै धागै ला बंणाउरै थ्यै। खुशबु बाई लकड़िरी बंणाउरी चीजै, हाथिरै दंतेरी बंणाउरी जां होरी बि बड़ी मंहगी चीजै थी, जै लकड़िरी, पित्तऐरी जां संगमरमर ला बंणोरी थी।

प्रकाशित वाक्य 18:16

धिक्कार आ! धिक्कार आ, तैस महान नगरा पन जैस पन मलमल, बैगनी जां लाल रंगेरै लिकड़ै लगोरै थ्यै, जां सुन्नै, चांदी जां मोतियै ला सजौरू थियु;

प्रकाशित वाक्य 19:2

तेसैरी स्तुति करा, केईनी कि तेसेरै सारै फैसलै सही अत्तै। तेनी तनि-मनि वेश्यैरा न्याय केया, केईनी कि तेनी संसारेरै मैहणु पापा मझ फसाउरै थ्यै। परमेश्वरै वैश्यै किना खूनैरा बदला लियौरा, केईनी कि परमेश्वरेरै दास वैश्येरै जरियै मारोरै थ्यै।”

प्रकाशित वाक्य 21:21

बारोह फाटक बि एकि-एकि मोतिरै बंणोरै थ्यै जां शहरेरी सिड़कै खारै सुन्नै ला बंणाउरी थी, जै शिशै सैयि चमकींथि।