प्रकाशित वाक्य 1:13 - चुराही नवाँ नियम

¹³ जां तैन्हांं दीवटा केरै बिच मझ अक मैहणु त्या लेहिंणा लगा, तेनी ऐपु पन भेईरीं बतै अक लम्मा चौआ त्या ला रखौरा थ्या, जै तेसैरा पैयिड़ा तेईनी पुजींथ्या; जां तेनी अपड़ि छाति पन सुन्नैरी अक पट्टि तैई बंन्होरी थी।

प्रकाशित वाक्य 1:13 Iomraidhean Croise

इब्रानियों 4:15

ऐ महायाजक, जै यीशु मसीह आ, ऐ असेड़ि हर कमजोरी समझता; यीशु मसीह असु सैयि हर प्रकारेरी परीक्षायरा सामना केया, पण तेनी कोई बि पाप ना केया।

प्रकाशित वाक्य 14:14

ऐत किना बाद मीं अक हच्छा बदअ तका जां मीं केणुक्या लधा, जै एकि मैहणु सैयि थ्या, जै तैस बदआ पन बेठौरा थ्या। तेसेरू शिरा पन सुन्नैरू मुकुट थियु जां हत्था मझ पीनी द्राति थी।

प्रकाशित वाक्य 15:6

जां फिरी सत्त स्वर्गदूत जैन्हां सत्त विपत्ति लै करि गांहणु थियु, तैस मंदरा किना भेईर निकोत्थै। तैन्हांं पन हच्छै चमकदार लिकड़ै लगोरै थ्यै जां तैन्हांं केरी छातिरै चोउवो पासै सुन्नेरी पट्टि बि थी। फिरी चोउवा जीवा मझां एकि, हर अक स्वर्गदूतानि परमेश्वरेरी तरफ सिंउ, जै हमेशा जीवित आ, गुस्सै ला भरौरै सत्त सुन्नैरै कटोरै दित्तै।

प्रकाशित वाक्य 2:1

तेनी मूं सिंउ बौलु, कि इफिसुस शहरेरा विश्वासी मैहणुवां केरै स्वर्गदूतानि ऐ चिट्ठी लिख, कि जेनि मैहणु अपड़ै हत्था मझ सत्तो तारै ल्यौरै अत्तै जां जै सुन्नैरै सत्तो दीवटा मझाटै घुमता; सै आंउ-वै आ जां आंउ ताउं सिंउ जै बोलता, तैस शुण;