लूका 8:2 - चुराही नवाँ नियम

² जां किछ जनेनी बि थी, जै बुरी आत्माय किना जां बिमारिया किना छडाउरी थी, जां तैन्हांं मझां मरियम जै मगदल ग्राँईयां किना थी जां जेसै मझांं यीशु सत्त बुरी आत्माय कढोरी थी,

लूका 8:2 Iomraidhean Croise

मत्ती 4:24

सारै सीरिया प्रदेशा मझ तेसैरी खबर फैली गैई; ऐठणीरै तेईनी मैहणु ऐतिया सभनियांं मैहणुवां जै बड़ी सारिया किस्मेरिया बिमारिया मझ, जां दुखा मझ पियौरै थ्यै, जां जैन्हां मझ दुष्ट आत्माय थी, जैन्हांनि मिर्गी ऐईछींथि जां अधरंग भौरा थ्या तैस किनि अणना लगै। यीशु सैक्यै ठीक क्यै।

मरकुस 16:1

जेख्णी आरामेरी धियाड़ि बिरती गैई, तां मगदल ग्राँईयेरी मरियम, जां याकूबेरी माँ मरियम, जां सलोमी खुशबूदार मसालै खरीदी लियै कि अईछी करि लासी पनि मईया।

मरकुस 16:9

ऐईत्वारेरी धियाड़ि भियग भूंतै यीशु जेख्णी मौरा मझांं जींति करि सभनियांं पेहिलै मरियमे लधा जै मदगल ग्राँईयां किना थी, जैस मझांं तेनी सत्त बुरी आत्माय कढोरी थी।

लूका 23:27

जां मैहणुवां केरी बड़ी भीड़ तैस पिचालीं चलि पैयि, जां बड़ी सारी जनेनी बि थी, जै तेसेरै तेईनी हिक पिटती जां लैरी दींति थी।

लूका 23:49

जां तेसेरै सभ जान पेहचान, जां जै जनेनी गलील प्रदेशा किना तैस सेईतै योउरी थी, दूर खड़ी भौ करि ऐ सभ तकेंती थी।

लूका 23:55

जां तैन्हैं जनेनियें जै तैस सिंउ गलील प्रदेशा किना योउरी थी, पिचालीं-पिचालीं गहि करि सै कब्र तकाय, जां ऐ बि कि तेसैरी सै लास कोठि रखौरी आ।

लूका 8:30

यीशु तैस किना पुच्छु, “तिंडु ना कितु आ?” तेनी बौलु, “मिंडु ना सैना आ” केईनी कि बड़ी सारी बुरी आत्माय तैस मझ बेठौरी थी।

यहुन्ना 19:25

यीशुरी माँ, तेसैरी मयिरी भींण, क्लोपासैरी लाड़ी जां मरियम मगदलीनी बि क्रूसा किनि खड़ी थी।

प्रेरितों के काम 1:14

ऐन्हां सेईतै तैठि होरी बि बड़ी जनेनी थी जैन्हैं यीशुरी मजत क्यौरी थी जां यीशुरी माँ मरियम जां यीशुरै भाईया सेईतै बेशि करि अक चित भौकरी प्रार्थना कातै रिहींथ्यै।