प्रकाशित वाक्य 15:3 - चम्बयाली नौआ नियम

³ से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 15:3 Iomraidhean Croise

यूहन्ना 1:17

इस तांइ कि मूसा रा कानून तां मूसा रे पास्से का दित्तेया गेरे थिया पर परमेश्वर ने यीशु मसीह रे जरिए अनुग्रह कने सच्चाई लोक्कां पर ज़ाहिर कित्ती।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

इब्रानियों 3:5

मूसा ता परमेश्वर रे पूरे टब्बर बिच सारे लोक्कां ताइं विश्ववासयोग्य सेवक सांई थिया, से उन्हा गल्लां रा गवाह थिया जे भविष्य बिच परमेश्वर रे जरिए बोल्ली जाणी थी।

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 11:17

ए बोलणा लगे, कि ओ सबका ताकतवर प्रभु परमेश्वर, जे हिन, ते जे हमेसा का थिये, असी तुसा रा शुकर करदे, कि तुसा ने अपणी बड़ी बड्डी ताकत जो इस्तेमाल करी के अवे धरती पर राज करणा सुरु करी दित्ते रा है।

प्रकाशित वाक्य 14:3

से सिंहासन रे सामणे अते चारो प्राणी अते बुजुर्ग मणू रे सामणे मन्नो इक्क नौआ गाणा गाया करदे थिये, ते उन्हा इक्क लाख चुरताली हजार जणेया जो छड्डी करी जिन्हा जो परमेश्वर ने धरती पर रैह्णे वाले लोक्कां बिच का छुड़ाई लित्तेया थिया कोई से गाणा नी सीखी सकदा थिया।

प्रकाशित वाक्य 14:8

फिरी इसेरे बाद इक्क होर दुज्जा स्वर्गदूत बोलदा आया, कि अवे बर्बाद होई गेया, से बड्डा बेबिलोन सहर अवे बर्बाद होई गेया। बेबिलोन सहर ने अपणे व्यभिचार रे कम्मां कने सारी दुनिया रे देसां जो भ्रष्ट करी दित्तेया। ए इदेया थिया तिसने सारेयां जो सराब पुआई, ते अवे तिसेरी वजह कने परमेश्वर ने तिन्हा सारेयां जो सजा दैणी।

प्रकाशित वाक्य 17:14

तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्‍ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।

प्रकाशित वाक्य 19:16

तिसेरे चोग्गे ते जांग पर ए ना लिख्खे रा है: राज्जेयां रा राज्जा ते प्रभुआं रा प्रभु है।

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।