प्रकाशित वाक्य 10:5 - चम्बयाली नौआ नियम

⁵ ते जिस स्वर्गदूत जो मैं समुन्द्र अते धरती पर खड़ा दिख्खेया थिया, तिसने अपणा सज्जा हत्थ स्वर्ग पास्से चुक्केया,

प्रकाशित वाक्य 10:5 Iomraidhean Croise

प्रकाशित वाक्य 16:17

सतमे स्वर्गदूत ने अपणा कटोरा हवा पराल्ले उन्धेरी दित्तेया ते स्वर्ग बिच का परमेश्वर रे मन्दिर का तिन्हेरे सिहांसन बिच का ए बड्डी अवाज सुणित्ती, सब किच्‍छ होई गेया।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 10:2

ते तिसेरे हत्थां हल्की जदेयी खुले री कताब थी, तिसने अपणा सज्जा पैर समुन्द्र बिच, अते खब्बा पैर किनारे पर रख्खेया।

प्रकाशित वाक्य 4:11

ओ असा रे परमेश्वर, “तुसी अराधना रे काबिल हिन। तुसा आदरमान रे काबिल हिन। तुसा ताकतवर हिन किजोकी तुसा ने सब किच्‍छ बणाया। ए तुसा री मर्जी थी इधेरे तांइ तुसा ने से सब किच्‍छ बणाया ते तिन्हेरे अवे वजूद है।”

प्रेरितां रे कम्म 14:15

असा भी तां तुसा सांई दुख-सुख भोगणे वाले आम मणू हिन, ते तुसा जो सुब बसेख सुणादे, कि तुसा इन्हा बेकार री चीजां का बखरे होई करी जिंदे परमेश्वर जो जाणो, जिन्हा ने आसमान ते जमीन ते समुन्द्र ते जे किच्‍छ तिस बिच है तिन्हा जो बणाया।

प्रकाशित वाक्य 4:9

सारे जींद्दे प्राणी तिन्हा जो महिमा, आदरमान, ते धन्यवाद देया करदे थिये जे सिहांसन पर बैठ्ठे रे हिन। से हमेसा-हमेसा तांइ जिन्दे हिन। ते जां भी से इय्यां करदे थिये, तां चौब्बी बुजुर्ग मणू परमेश्वर रे सामणे पेई करी तिन्हेरी अराधना करदे थिये। से ए बोल्ली करी तिन्हेरे सामणे अपणे मुकुट उतारी करी बोलदे,

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

इब्रानियों 6:13

जां परमेश्वर ने अब्राहम कने वादा कित्ता, तां तिन्हा ने अपणे ही नां री कसम खाई, किजोकी तिन्हा का बड्डा कोई नी थिया, जिसेरा नां लेई करी परमेश्वर कसम खाई करी बोल्लेया,

रोमियों 1:20

परमेश्वर री ताकत ते स्वभाव दिख्खे नी जाई सकदे, पर दुनिया रे रचणे री सुरुआत का ही, परमेश्वर ने अप्पु ही इन्हा सारे गुण जो अपणे कम्मां रे जरिये ही दिखाए रा है, इधेरे तांइ इन्हा लोक्कां का अपणे तांइ कोई बहान्ना नी है कि से परमेश्वर जो नी जाणदे।

प्रेरितां रे कम्म 17:23

किजोकी घूमदे-फिरदे तुसा री भक्ति वाली चीजां जो दिख्खेया करदा थिया, तां इक्क वेदी दिख्खी जिस पर लिख्खे रा थिया, कि अनजाणे परमेश्वर तांइ तां तुसा जिस जो बिना जाणे अराधना करदे, पर मैं तुसा जो तिसेरा सुब बसेख सूणान्दा