प्रकाशित वाक्य 10:4 - चम्बयाली नौआ नियम

⁴ अते जां सत्तों गर्जनां री अवाज्जां सुणित्ती, तां मैं लिखणे तांइ तैयार थिया, पर मैं स्वर्ग का ए अवाज सूणी, कि तू जे गल्लां गर्जनां री तिन्हा सत्त अवाज्जां बिच सूणी, तिन्हा जो राज़ रख्ख, ते तिन्हा जो मत लिख्ख।

प्रकाशित वाक्य 10:4 Iomraidhean Croise

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 1:19

इधेरे तांइ जे किच्‍छ तैं दिख्खेया, जे गल्लां होया करदी हिन, अते जे होणे वाली हिन, तिन्हा सबणी जो लिखदा जा।

प्रकाशित वाक्य 10:8

तां फिरी मैं तिस अवाज जो सूणेया जिस जो मैं पैल्ले भी स्वर्ग का सूणेया थिया, तिस अवाज ने मेरे जो बोल्लेया, “जा, तिस खुले री कताब जो तिस स्वर्गदूत रे हत्थ का लेई लै जे समुंद्र रे किनारे पर खड़ित्ते रा है।”

प्रकाशित वाक्य 22:10

फिरी तिनिए मेरे जो बोल्लेया, इस कताब री भविष्यवाणी री गल्लां जो लोक्कां का मत लूका, किजोकी इन्हा गल्लां रे पूरे होणे रा बेल्ला नेड़े आई गे रा है।