प्रकाशित वाक्य 10:1 - चम्बयाली नौआ नियम

¹ फिरी मैं इक्क होर तकड़े स्वर्गदूत जो बद्दलां कने घिरे रे ते स्वर्ग का उतरदे दिख्खेया, तिसेरे सर रे चारो पास्से मेघधनुष थिया, अते तिसेरा मुँह सूरज सांई अते तिसेरे पैर आग्ग रे खम्भे सांई थिये।

प्रकाशित वाक्य 10:1 Iomraidhean Croise

मत्ती 17:2

तित्ते तिन्हेरे सामणे यीशु रा रुप बदली गेया उन्हेरा मुँह सूरज साई चमकी पेया, अते तिन्हेरे कपड़े इय्यां चमके जिय्यां लौ हो।

लूका 21:27

तां सब मणूआं ने मणू रे पुत्तर, जे मैं ही है जो अपणी ताकत अते तिन्हेरी जै जै कार हुन्दे बदला बिच का आन्दे दिखणा।

प्रेरितां रे कम्म 26:13

तां ओ राजा, रस्ते अन्दर धियाड़ी बेल्ले मैं आसमान का सूरज रे तेज का भी बधी करी इक्क लौ जो, अपणे ते अपणे कन्ने चलणे वालेयां रे चौन्नी पास्से चमकदी दिख्खी

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!

प्रकाशित वाक्य 18:1

इसेरे बाद मैं इक्क स्वर्गदूत जो स्वर्ग का उतरदे दिख्खेया। तिसजो बड़ा हक्क मिल्ले रा थिया ते तिसेरी बड़ी रौसनी कने पूरी दुनिया भरी गयी।

प्रकाशित वाक्य 18:21

फिरी इक्क ताकतवर स्वर्गदूत ने बड़ी चक्की रे बट्टे सांई इक्क बट्टा चुक्केया ते ए बोल्ली करी समुदंर बिच सूटी दित्तेया, “तिस बड्डे सहर बेबिलोन ने बड़ी तबाही कने बर्बाद होई जाणा। तिस सहर ने फिरी कदी भी पैल्ले सांई ठीक नी होणा।

प्रकाशित वाक्य 20:1

“फिरी मैं इक्क स्वर्गदूत जो स्वर्ग का उतरदे दिख्खेया, जिसेरे हत्थ बिच पताल री चाब्बी ते इक्क बड्डी जजींर थी।

प्रकाशित वाक्य 4:3

जे सिहांसन पर बैठ्ठे रा थिया से दिखणे बिच यशब ते माणिक्य रे कीमती मणियां सांई थिया। तिस सिहांसन रे चारो पास्से इक्क मेघ-धनुष थिया, ते से दिखणे बिच मरकत मणी सांई थिया।

प्रकाशित वाक्य 5:2

फिरी मैं इक्क ताकतवर स्वर्गदूत जो दिख्खेया, जे ऊच्ची अवाज बिच ए एलान करेया करदा थिया कि इस कताब जो खोलणे अते इसेरी सत्त मौहरे तोड़ने रे लायक कुण है?

प्रकाशित वाक्य 8:13

अते मैं आसमान बिच इक्क उकाब जो उड़दे होए दिख्खेया, ते जोरे कने ए बोलदे होए सूणेया, कि जां तिन्हा त्रै स्वर्गदूतां ने अपणी तुरहियां बजाणी, तां दुनिया बिच रैह्णे वाले लोक्कां पर बड़ी वरी मुसीबतां आणी, जे तुरहियां तिन्हा जो दित्ती गे री हिन, से बड़ी जादा ड्रौणी हिन। ते तिसेरी वजह कने धरती रे लोक्कां पर हाय, हाय, हाय।