फिलिप्पियों 4:4 - चम्बयाली नौआ नियम

⁴ प्रभु री वजह कने खुस रेयो, मैं फिरी बोलदा, खुस रेयो!

फिलिप्पियों 4:4 Iomraidhean Croise

मत्ती 5:12

तां खुस ते मगन होई जायो, किजोकी तुसा तांइ इधेरे बदले स्वर्ग अन्दर इक्क बड्डा ईनाम है। तिन्हा ने उन्हा भविष्यद्वक्ता जो जे तुसा का पैल्ले थिये इसी तरिक्के तंग कित्तेया थिया।”

प्रेरितां रे कम्म 16:25

अद्दी रात्ती रे करीब पौलुस ते सीलास परमेश्वर रे भजन गान्दे ते प्रार्थना करेया करदे थिये, ते दूज्जे कैदी तिन्हा जो सूणेया करदे थिये

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

गलातियों 1:8

पर चाये असा हो या कोई स्वर्गदूत, जे कोई असा रे सुणाये रे सुब बसेख का बखरे तरिक्के रा बसेख सूणान्दा, तां परमेश्वर ने तिसजो सजा दैणी।

फिलिप्पियों 2:18

तिय्यां ही तुसा भी खुस हो ते मेरे कने खुसी मनाओ।

फिलिप्पियों 3:1

ते ओ मेरे संगी विश्वासियों, प्रभु री वजह कने खुस रेयो, तुसा जो से ही गल्लां घड़ी-घड़ी लिखणे बिच मेरे जो कोई तकलीफ नी है, ताकि इस कने गलत शिक्षकां का बची सको।

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।