फिलिप्पियों 4:18 - चम्बयाली नौआ नियम

¹⁸ मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

फिलिप्पियों 4:18 Iomraidhean Croise

प्रेरितां रे कम्म 10:4

कुरनेलियुस ने ध्यान कने तिस स्वर्गदूत जो दिख्खेया, ते डरी करी बोल्लेया, ओ प्रभु जी ए कै है? स्वर्गदूत ने तिसजो बोल्लेया, तेरी प्रार्थना ते तेरे दान जो परमेश्वर ने ग्रहण कित्ते रा है।

रोमियों 12:1

इधेरे तांइ ओ संगी विश्वासियों, मैं तुसा जो परमेश्वर रे दया जो याद दुआई करी तुसा का छन्दे करदा, कि अप्पु जो जिन्दा, ते पवित्र अते परमेश्वर जो भाणे वाले कुर्बानी रे रुप बिच चढ़ाओ। परमेश्वर री सेवा करणे रा ए ही सही तरिक्का है।

2 कुरुन्थियों 11:8

मेरे जो होर कलीसियां रे विश्वासियां का आर्थिक मदद मिल्ली ताकि मैं तुसा बिच सेवा करी सकां। तुसा इय्यां नी बोल्ली सकदे से करणा गलत थिया।

2 कुरुन्थियों 9:12

किजोकी इस सेवा जो पूरा करणे कने ना सिर्फ गरीब विश्वासियां री जरुरतां पूरी हुंदी, पर मणूआं रे पास्से का परमेश्वर रा भी बड़ा शुकर कित्तेया जान्दा

इफिसियों 5:2

जिय्यां मसीह यीशु ने तुसा कने प्यार कित्तेया, तिय्यां ही तुसा भी सारेयां कने प्यार करो। मसीह ने अप्पु जो तुसा रे पाप मिटाणे तांइ कुर्बान करी दित्ता ते से कुर्बानी परमेश्वर रे सामणे इक्क खुशबूदार भेंट सांई थिया।

फिलिप्पियों 4:12

मैं अमीरी बिच भी जीणा जाणदा ते गरीब्बी बिच भी जीणा जाणदा; मैं हर हालात बिच संतुष्ट रही सकदा, चाए मैं भूखा हो या मैं रजे रा हो, ते या चाए मेरे का सब किच्‍छ हो या किच्‍छ भी ना हो।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।