फिलिप्पियों 4:12 - चम्बयाली नौआ नियम

¹² मैं अमीरी बिच भी जीणा जाणदा ते गरीब्बी बिच भी जीणा जाणदा; मैं हर हालात बिच संतुष्ट रही सकदा, चाए मैं भूखा हो या मैं रजे रा हो, ते या चाए मेरे का सब किच्‍छ हो या किच्‍छ भी ना हो।

फिलिप्पियों 4:12 Iomraidhean Croise

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

मत्ती 13:52

यीशु ने उन्हा जो बोल्लेया, दिख्खो, इधेरे तांइ हर इक्क शास्त्रि जे मेरे पर विश्वास करदा, से इक्क घर रे मालक सांई है, जे अपणे ज्ञान रे भण्डार बिच का पुराणी ते नौई शिक्षा लोक्कां जो सिखांदा।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 10:10

किजोकी तुसा बिच का मते जणे बोलदे, कि मेरी चीठ्ठियां तां बड़ी कड़क ते जोरदार हिन, पर जिस बेल्ले मैं आमणे-सामणे मिलदा, तां कमजोर ते गल्ल-बात करणे बिच बेकार लगदा।

2 कुरुन्थियों 11:27

मैहनत ते दुख अन्दर, घड़ी-घड़ी जागदे रैह्णे बिच ते भूख्ख-प्यास बिच भी रेया ते सर्दी बिच बगैर निग्गे कपड़े रे भी रेया।

2 कुरुन्थियों 11:7

मैं तुसा जो आदर दैणे तांइ अप्पु जो दीन-हीन बणाई करी ते कुसकी का बगैर किच्‍छ लित्ते, तुसा लोक्कां बिच परमेश्वर रे सुब बसेख रा प्रचार कित्तेया। इस गल्ल बिच मेरी कोई गलती नी है।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।