फिलिप्पियों 3:7 - चम्बयाली नौआ नियम

⁷ पर इक्क समय पर मैं तिन्हा सारी चीजां जो बड़ा जरुरी समजदा थिया पर अवे तिसजो मैं मसीह रे तिन्हा कम्मां जो दिखणे रे बाद जे तिन्हा ने मेरे तांइ कित्ते री हिन, तिन्हा चीजां जो बेकार समजदा।

फिलिप्पियों 3:7 Iomraidhean Croise

मत्ती 16:26

जे मणू सारी दुनिया जो पाई लेंन, ते अपणी जिन्दगी गवाई दे, तां तिसजो कै फायदा होणा? या मणू अपणे प्राण रे बाट्टे कै दिंगा?

मरकुस 10:50

से अपणा चोग्गा सूटी करी झट उठेया, अते यीशु का आया।

लूका 14:26

जे मणू अपणे मां-प्यो, लाडी-बच्चे, भैण-भ्याल अते अपणे आप जो मेरे का भी जादा प्यार करदा हो, से मेरा चेल्ला नी बणी सकदा।

लूका 14:33

इय्यां ही जां तांइ कोई मणू अपणा सब किच्‍छ पूरी तरह् कने छड्डी नी दिंगा, तां तांइ से मेरा चेल्ला बणने जोग्गा नी है।

लूका 16:8

फिरी इय्यां होया कि तिस अमीर मणू ने अपणे ठग्ग मुंशी री चलाकी दिख्खी करी तिसेरी तारिफ कित्ती, किजोकी तिनिए बड़ी चलाकी कने कम्म कित्ता थिया, तिय्यां ही इस दुनिया मणू दुनियादारी री गल्लां बिच परमेश्वर रे लोक्कां का जादा चलाक हिन।

प्रेरितां रे कम्म 27:38

जां से रोट्टी खाई करी रज्जी गे, तां कणक जो समुन्दर अन्दर सूटी करी जहाज जो पोला करणा लगे

इब्रानियों 11:26

तिसने मसीह यीशु री वजह कने बेजती होणे जो मिस्र रे भडांर का बड्डी जायदाद समजेया, किजोकी से तिस कम्म बिच लग्गी रेया, जिस कने से जाणदा थिया कि तिसजो स्वर्ग बिच ईनाम मिलणा।