फिलिप्पियों 3:15 - चम्बयाली नौआ नियम

¹⁵ अते असा बिच जिन्ने भी मणू आत्मिक तौर पर परिपक्व हिन, से इदेइ ही सोच रख्खे ते जे अगर तुसा रा होर गल्लां बिच किच्‍छ होर सोच-विचार हो तां परमेश्वर ने तुसा जो से गल्ल भी दस्सी दैणी।

फिलिप्पियों 3:15 Iomraidhean Croise

मत्ती 5:48

इधेरे तांइ जरुरी ए है कि तुसा सिद्ध बणो, जिय्यां तुसा रा पिता परमेश्वर सिद्व है जे स्वर्ग बिच हिन।”

लूका 11:13

बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

यूहन्ना 6:45

कुसकी भविष्यद्वक्ता री कताब बिच ए लिख्खे रा है, कि से सब परमेश्वर रे पासे का सिखाए रे होणे जिन्नी भी बाबे का सूणेया कने सिखया, से मेरे का आन्दा।

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

रोमियों 15:1

असी जाणदे कि इन्हा गल्लां कने कोई फर्क नी पैंदा, इधेरे तांइ असी जे विश्वास बिच मजबूत हिन, कमजोरां मणूआं री मदद करण, ना कि अपणे आप जो खुस करण।

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

1 कुरुन्थियों 2:6

फिरी भी असी पक्के विश्वासियां रे बिच ज्ञान री गल्लां सुणान्दे हिन, पर ए ज्ञान कोई दुनियावी ज्ञान नी है ते ना ही इस जुग रे प्रधान लोक्कां रे ज्ञान जदेया है जे इक्क दिन नास होई जाणा।

गलातियों 5:10

पर मैं परमेश्वर पर विश्वास करदा कि मेरे अलावा तुसा कुसकी होर जणे री गल्लां पर भरोस्सा नी करणा। पर जे अगर कोई तुसा जो परमेश्वर रे सच्चाई रे बसेख का भटकाणे री कोसीस करेया करदा है, परमेश्वर ने तिन्हा जो सजा जरुर दैणी चाए से कोई भी किजो ना हो।

इफिसियों 1:17

मैं प्रार्थना करदा कि असा रे प्रभु यीशु मसीह रे महिमामय पिता परमेश्वर तुसा जो आत्मिक ज्ञान ते समजदे ताकि तुसा तिन्हा जो पूरी तरिक्के कने जाणी सको।

कुलुस्सियों 1:28

असी मसीह रा प्रचार करदे, ते परमेश्वर रे असा जो दित्ते रे सारे ज्ञान कने हर मणू जो सिखांदे ते चितौणी दिंदे, ताकि जां हर इक्क जणा जां परमेश्वर रा सामणे खड़िये तां से सारे परिपक्व विश्वासी बणी जाण।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

2 तीमुथियुस 3:17

ताकि परमेश्वर रा मणू सिद्व बणे ते हर इक्क खरा कम्म करणे तांइ तैयार ते उत्सुक रे।

इब्रानियों 5:14

अनाज तां तिन्हा मणूआं तांइ है जे सही ते गलत रा अनुभव करी के विश्वास करणे बिच समजदार होई गेरे हिन।

1 यूहन्ना 2:5

पर जे कोई परमेश्वर पिता रे वचन जो मनदा, तां तिस बिच हकीकत अंदर परमेश्वर रा प्यार सिद्व होए रा है इसी कने असी जाणदे कि असी तिन्हेरे बिच हिन: