फिलिप्पियों 2:20 - चम्बयाली नौआ नियम

²⁰ किजोकी मेरे का तीमुथियुस रे अलावा इदेय स्वभाव रा होर कोई मणू नी है कि से ठीक मन कने तुसा री चिन्ता करे।

फिलिप्पियों 2:20 Iomraidhean Croise

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

रोमियों 15:5

मैं परमेश्वर का प्रार्थना करदा कि से तुसा जो सबर ते सांती दे ताकि तुसा अप्पु मिते मिली जुली होई करी रेई सको, जिय्यां कि असा जो मसीह यीशु विश्वास बिच करणे वालया जो जचदा भी।

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

फिलिप्पियों 2:2

तां मेरी ए गल्ल मन्नी करी मेरे जो खुस करी देयो कि अप्पु-मिते इक्क मन कने रेयो, इक्क-दूए कने प्यार रख्खो ते इक्क ही मकसद ते इक्क-मन होई करी रेयो।

फिलिप्पियों 2:22

पर तुसा तां जाणदे कि तीमुथियुस ने किय्यां साबित कित्ते रा है कि से विश्वासयोग्य है। ते जिय्यां इक्क पुत्तर अपणे प्यो कने मैहनत करदा, तिय्यां ही तीमुथियुस ने सुब बसेख फैलाणे अन्दर मेरे कने मैहनत कित्ती है।

कुलुस्सियों 4:11

अते यीशु भी जिस जो मणू यूसतुस भी बोलदे, तुसा जो तिसेरा भी प्रणाम। यहूदी विश्वासियां बिच वस ए ही त्रै मणू हिन, जे परमेश्वर रे राज तांइ मेरे कने कम्म करेया करदे हिन, अते तिन्हा ने मेरे जो बड़ा वरी उत्साहित भी कित्ते रा है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

2 तीमुथियुस 1:5

हल्ले भी मेरे जो तुसा री मां युनीके रा मसीह बिच सच्चा विश्वास याद है। मसीह बिच तुसा री नानी लोइस रा विश्वास भी तदेया ही थिया, ते मेरे जो पक्के तौर पर पता है कि तुसा बिच भी तैसा ही विश्वास है।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।