फिलिप्पियों 2:2 - चम्बयाली नौआ नियम

² तां मेरी ए गल्ल मन्नी करी मेरे जो खुस करी देयो कि अप्पु-मिते इक्क मन कने रेयो, इक्क-दूए कने प्यार रख्खो ते इक्क ही मकसद ते इक्क-मन होई करी रेयो।

फिलिप्पियों 2:2 Iomraidhean Croise

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

प्रेरितां रे कम्म 1:14

ए सारे मती जनानियां ते यीशु री मां मरियम ते तिन्हेरे अपणे भ्यालां कने इक्क मन होई करी प्रार्थना बिच लग्गी रेय।

प्रेरितां रे कम्म 2:1

जां यहूदी लोक्कां रे पिन्तेकुस्त रा त्याहार रा दिन आया, तां से सारे इक्क जगाह् कठित्ते रे थिये।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 5:12

प्रेरितां रे जरिए बड़े चमत्कार ते अनौखे कम्म लोक्कां बिच दिखाए जादें थिये, ते से सारे विश्वासी मणू सुलैमान रे बरांड़े बिच कठिदें थिये।

रोमियों 12:16

हर इक्क मणू कने इक्क जदेया ही बर्ताव करो, ते घमंड मत करो, पर आम लोक्कां कने संगत रख्खो, अप्पु जो जादा ही समजदार मत समझो।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

2 कुरुन्थियों 2:3

अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 7:7

ते तिसेरे आणे कने मेरे जो तिन्नी तसल्ली मेरे जो नी, जिन्नी तसल्ली मेरे जो तां मिल्ली जां तिनिये मेरे जो दस्सेया कि तुसा मेरे तांइ किन्ने फिकरमंद थिये ते तुसा जो मेरा बड़ा चाह होए रा थिया, ते तुसा जो असा री मुसीबतां रे बारे बिच जाणी करी किन्ना जादा दुख होया थिया।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

फिलिप्पियों 2:20

किजोकी मेरे का तीमुथियुस रे अलावा इदेय स्वभाव रा होर कोई मणू नी है कि से ठीक मन कने तुसा री चिन्ता करे।

फिलिप्पियों 4:2

मैं यूओदिया रे ते सुन्तुखे रे भी छंदे करदा की से अप्पु-मिते सुलह करी के परमेश्वर बिच सांती कने रैह्ण।

कुलुस्सियों 2:5

हालांकि मैं तुसा का दुर है, तां भी मैं हमेसा तुसा रे बारे बिच सोचदा रैहन्दा, मैं इस गल्ल कने खुस है कि तुसा इक्क-मन होई करी तिय्यां ही रेया करदे हिन जिय्यां तुसा जो रैह्णा भी चाएदा ते मसीह बिच तुसा रा विश्वास भी मजबूत है।

2 थिस्सलुनीकियों 2:13

ओ संगी विश्वासियों ते प्रभु रे प्यारे लोक्कों, ए ठीक गल्ल है कि असी हमेसा तुसा तांइ परमेश्वर रा शुक्रिया करदे रैह्ण किजोकी परमेश्वर ने तुसा जो बचाणे तांइ तुसा जो दुनिया बणाणे का पैल्ले ही चुणी लित्तेया थिया। से तुसा जो पवित्रात्मा रे तिन्हा कम्मां रे जरिये बचांदे जे तुसा जो पवित्र ठैहरांदे ते तुसा रे मसीह बिच विश्वास करणे री वजह कने भी तुसा दैणे तांइ सद्देया ताकि तुसा तिस महिमा बिच हिस्सेदार बणो जे परमेश्वर ने मसीह यीशु जो दित्ते री है।

2 तीमुथियुस 1:4

मेरे जो हल्ले भी याद है कि तुसा किय्यां रोये थिये जां मेरे जो तुसा का अलग होई करी जाणा पेया थिया ते मैं तुसा कने फिरी मिलणा चाह्‍ंदा किजोकी तिस कने मेरे जो बड़ी खुसी मिलणी।

फिलेमोन 1:20

ओ प्यारे दोस्त, प्रभु तांइ मेरी ए मदद कर कि इक्क मसीही भाई होणे रे नाते मेरे जो प्रोत्साहित कर।

2 यूहन्ना 1:4

मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।