फिलिप्पियों 2:14 - चम्बयाली नौआ नियम

¹⁴ सारे कम्म बगैर कुडकुडाए ते बगैर कुसकी बैसहबाजी रे करेया करो।

फिलिप्पियों 2:14 Iomraidhean Croise

मत्ती 20:11

जां मिल्लेया तां से घरे रे मालक पर बूड़बूड़ाइ करी बोलणा लग्गे,

मरकुस 14:5

इस खुशबूदार इत्र जो तां तीन्न सौ दीनार का जादा कीमत अन्दर बेच्ची करी गरीबां जो देई सकदे थिये!” अते से तिसजो झिड़खा मारणा लगे।

मरकुस 9:14

जां यीशु अपणे तिन्हा त्रै चेल्‍लेयां कने अपणे बाकि चेल्‍लेयां का हटी आए, तां दिख्खेया कि तिन्हेरे चौं पास्से बड़ी भीड़ लग्गे री थी, अते शास्त्रि मणू चेल्‍लेयां कने बैह्स करेया करदे हिन।

लूका 5:30

तां फरीसी ते यहूदी शास्त्रि, यीशु रे चेल्‍लेयां कने सिकाइत करणा लगे, तुसा यहूदी होई करी चुंगी लैणे वाले ते पापी मणूआं कने किय्यां खाणा-पीणा बेई जान्दे?

प्रेरितां रे कम्म 15:2

जां पौलुस ते बरनबास रा तिन्हा कने मिलणे तांइ यरुशलेम सहर बिच आए तां तिन्हा कने बड़ी बैहस-बाजी होई, ते ए फैसला कित्ता कि पौलुस ते बरनबास, ते असा बिच का किच्‍छ मणू इस गल्ल रे बारे बिच यरुशलेम सहर बिच रैह्णे वाले खास प्रेरितां का ते बुजुर्ग मणू का जाण।

प्रेरितां रे कम्म 15:39

तां पौलुस ते बरनबास इक्क दूज्जे रे खिलाफ होई गे, ते इक्क दूज्जे का बखरे होई गे ते बरनबास, ते मरकुस जो लेई करी जहाज पर साइप्रस टापू जो चली गेया।

प्रेरितां रे कम्म 15:7

तां पतरस ने बड़ी बैह्स-बाजी रे बाद खड़े होई करी तिन्हा जो बोल्लेया, ओ भाईयों तुसा जाणदे कि बड़े रोज होये, कि परमेश्वर ने तुसा बिच का मेरे जो चुणी लेरा है, कि मेरे जरिए गैर यहूदी लोक्कां जो सुब बसेख सूणाई करी तिन्हा जो विश्वास पर लियाऊँ।

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

रोमियों 12:18

जित्ते तांइ होई सको, तुसा सारे लोक्कां कने मेल-मिलाप रख्खो

रोमियों 14:1

जे मणू विश्वास बिच कमजोर हिन, तिन्हा जो अपणी संगती अन्दर लेई लेयो, पर तिन्हेरी तुसा का अलग राय होणे तांइ तिन्हा री बहस मत करो।

रोमियों 16:17

अवे ओ संगी विश्वासियों, मैं तुसा रे छंदे करी के बोलदा, कि तुसा तिन्हा लोक्कां का अलग होई जाओ, जे दूज्जेयां रे विश्वास जो कमजोर करदे, अते तिन्हा लोक्कां भी दुर रेयो जे असा री सिखाए री गल्लां री ना-फरमानी करी के कलीसिया बिच मुसीबतां ते फूट पांदा।

1 कुरुन्थियों 10:10

ते ना तुसा कुड़कुड़ाओ, जिय्यां कि तिन्हा बिच का मते जणे कुड़कुड़ाए थिये ते परमेश्वर रे भेज्जे रे इक्क स्वर्गदूत ने तिन्हा जो मारी रख्खेया।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

गलातियों 5:15

जे अगर तुसा अप्पु-मिते लड़दे रे, तां चुकन्ने रेयो कि कुथकी तुसा अप्पु जो बर्बाद ना करी लेयो।

गलातियों 5:26

असी घमंडी ना बणे ते ना ही इक्क-दूज्जे जो छेड़े, अते नां इक्क-दूज्जे री हिर्स करण।

फिलिप्पियों 2:3

मतलबीपन या झूठ्ठी बड़ाई तिकर किच्‍छ मत करो, पर दीनता कने इक्क दुजे जो अप्पु का बदिया समझो।

1 थिस्सलुनीकियों 5:13

जे कम्म से मणू तुसा तांइ करदे तिन्हा कम्मां री वजह कने तिन्हेरी इज्जत ते तिन्हा कने प्यार करो। अप्पु-मिते इक्क-दूए कने खरा बर्ताव करेया करो।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

याकूब 1:20

किजोकी कोई मणू गुस्से बिच हो तां से धार्मिकता रे कम्मां जो नी करी सकदा जे परमेश्वर तिसका चाहन्दा।

याकूब 3:14

पर जे अगर तुसा रे मन बिच बड़ा हिरस अते मतलबीपन है, तां तुसा झूठ बोल्ली करी इस सच्चाई पर पर्दा पाया करदे हिन कि तुसा समजदार नी हिन।

याकूब 5:9

ओ संगी विश्वासियों, इक्क दूज्जे पर मत कुड़कुड़ाओ, ताकि परमेश्वर जे हाकिम है तुसा जो सजा ना दे, ते से अवे बड़े नेड़े है ते वस पुजणे ही वाला है।

1 पतरस 3:11

तिसजो बुराई रे कम्म करणा छड्डी दैणा चाएदा। इसेरे बजाए, तिसजो से ही करणा चाएदा जे खरा है। सारेयां कने सांती कने रैह्णे री कोसीस करो।

1 पतरस 4:9

बगैर बुड़बुड़ाए मेहमान्नां जो अपणे घरे रुकाओ ते तिन्हेरी खात्तरदारी करेया करो।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।