फिलिप्पियों 2:11 - चम्बयाली नौआ नियम

¹¹ ते पिता परमेश्वर री महिमा तांइ सारे जणेया ने ए मन्नी लैण कि मसीह यीशु ही प्रभु हिन।

फिलिप्पियों 2:11 Iomraidhean Croise

मत्ती 10:32

जे कोई मेरे जो मणूआं रे सामणे अपनांगा, मैं भी तिसजो अपणे स्वर्ग बिच रैह्णे वाले परम-पिता रे सामणे अपणाई लैणा।

लूका 2:11

ते से सुब बसेख ए है, कि अज्ज दाऊद राज्जा रे कस्बे बैतलहम अन्दर सबणी मणूआं तांइ इक्क छुटकारा दैणे वाले रा जन्म होया, अते से ही मसीह प्रभु हिन,

यूहन्ना 12:42

तां भी अधिकारियां बिच मते लोक्कां ने उस पर विश्वास कित्तेया, पर फरीसियां री वजह कने खुल्ली करी नी मन्दे थिये, कि कुते ऐसा ना हो कि ओ सभास्थल का बाहर कड्डी दित्ते जाण।

यूहन्ना 13:13

तुसा मेरे जो गुरु ते प्रभु बोलदे, ते ठीक ही बोलदे, किजोकी मैं है भी।

यूहन्ना 13:14

जे मैं प्रभु ते गुरु होई करी तुसा रे पैर धोये, तां तुसा जो भी इक्क दूये रे पैर धोणा चाएदे।

यूहन्ना 14:13

जे किच्‍छ तुसा मेरे नां कने मंगणा, से मैं करणे, ताकि पुत्तर रे जरिए पिता री बड़ाई हो।

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 17:1

जां यीशु अपणे चेल्‍लेयां जो ए गल्लां बोल्ली बैठ्ठे, तां तिन्हा ने उप्पर आसमान पास्से दिख्खी करी बोल्लेया, ओ पिता, से बेल्ला आई रेया, अपणे पुत्तर री बड़ाई कर ताकि पुत्तर भी तुसा री बड़ाई करे।

यूहन्ना 20:28

ए सुणी करी थोमा ने जवाब दित्येया, ओ मेरे प्रभु, ओ मेरे परमेश्वर

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 2:36

अते अवे इस्राएल रा सारे मणू ठीक तरिक्के कने जाणी लये कि परमेश्वर ने तिस्सी यीशु जो जिस जो तुसा सुली पर चढ़ा़ई दित्ता, प्रभु भी ठैहराया ते मसीह भी।

रोमियों 14:11

किजोकी पवित्रशास्त्र बिच, “प्रभु बोलदे कि मैं अपणी जिन्दगी री कसम खाई करी बोलदा, कि हर इक्क मणू ने मेरे सामणे अपणे गोड्डे टेकणे, ते हर इक्क मणू ने अपणी जुबान कने मन्नी लैणा कि मैं परमेश्वर है।”

रोमियों 14:9

किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 15:9

अते गैर यहूदी जाति भी दया री वजह कने परमेश्वर री तारीफ करे, जिय्यां कि पवित्रशास्त्र लिख्खे रा है, “इधेरे तांइ मैं गैर यहूदियां अन्दर तेरी तारीफ करणी, ते तेरे नां रे भजन गाणे।”

1 कुरुन्थियों 12:3

इधेरे तांइ मैं चाह्‍ंदा कि तुसा समझो कि जे कोई परमेश्वर रे आत्‍मा रे कहे मुताबिक बोलदा से कदी ए नी बोलदा यीशु लाणती है, ते बगैर पवित्रात्मा रे कहे मुताबिक कोई ए भी नी बोल्ली सकदा कि यीशु प्रभु हिन।

1 कुरुन्थियों 15:47

पैल्ला मणू जे आदम है, से मिट्टी का बणेया थिया, पर दुआ मणू जे मसीह यीशु हिन, से स्वर्ग का आए।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 यूहन्ना 4:15

जे कोई ए मन्नी लिन्दा कि यीशु परमेश्वर रा पुत्तर है तां परमेश्वर तिस मणू अन्दर बणी रैहन्दा ते से मणू परमेश्वर अन्दर।

1 यूहन्ना 4:2

पवित्रात्मा जो तुसा इस तरिक्के कने पैछाणी सकदे, कि जे कोई आत्‍मा मन्नी लिन्दी, कि मसीह यीशु मणू रे रुप अंदर दुनिया बिच आए, तां से परमेश्वर रे पास्से का है।

2 यूहन्ना 1:7

मैं ए इधेरे तांइ बोलदा किजोकी लोक्कां जो झूठ्ठी शिक्षा देई करी भटकाणे वाले मणू दुनिया बिच जगाह्-जगह फैल्ली गेरे हिन। से बोलदे कि मसीह यीशु इक्क मणू रे रुप बिच दुनिया बिच नी आए थिये। जे अगर कोई मणू इदेइ गल्लां करदा तां से मणू मसीह विरोधी है जे लोक्कां जो भटकांदा।

प्रकाशित वाक्य 3:5

जिन्हा लोक्कां ने दुष्ट पर जीत हासिल करणी, तिन्हा जो मैं इसी तरिक्के कने चिट्टे कपड़े पुआणे। मैं तिस कताब का तिन्हा लोक्कां रे नां नी कटणे जिस कताब बिच से नां लिख्खे गेरे हिन जिन्हा जो हमेसा री जिन्दगी मिलणी। मैं अपणे पिता ते परमेश्वर, ते सारे स्वर्गदूतां रे सामणे ए एलान करणा कि से मणू मेरे हिन।