फिलिप्पियों 1:6 - चम्बयाली नौआ नियम

⁶ मेरे जो इस गल्ल रा भरोस्सा है कि जिस परमेश्वर ने तुसा अन्दर भला कम्म सुरु कित्ते रा है ते तिस्सी परमेश्वर ने ही तिस कम्म जो मसीह यीशु रे हटणे रे समय तिकर पूरा करणा।

फिलिप्पियों 1:6 Iomraidhean Croise

यूहन्ना 6:29

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

प्रेरितां रे कम्म 11:18

ए सुणी करी, यहूदी विश्वासी चुप रे, ते परमेश्वर री बड़ाई करी के बोलणा लगे, तां परमेश्वर ने गैर यहूदियां जो भी हमेसा री जिन्दगी बिच तांइ अपणे पाप्पां का तौबा करणे ते मसीह यीशु पर विश्वास करणे रा मौक्का दित्ता।

प्रेरितां रे कम्म 16:14

थुआतीरा बिच ही लीदिया नां री इक्क जनानी थी, से बैंगणी रांग रे कपड़े बेचदी थी, से परमेश्वर री भक्तणी थी से बड़े ध्यान कने असा री गल्लां सूणेया करदी थी, प्रभु ने तिसेरे मन रे दुआर खोली दित्ते थिये ताकि जे किच्‍छ पौलुस बोल्लेया करदा थिया, से तिन्हा गल्लां पर ध्यान देई सकण

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

2 कुरुन्थियों 1:15

अवे जां मैं जाणदा कि तुसा घट-बध ही समजी पाया करदे हिन, इधेरे तांइ मैं तुसा का आणा चाह्‍ंदा ताकि मेरा तुसा का दुबारा आणे री वजह कने तुसा जो दुगणी आशीष मिल्ले।

2 कुरुन्थियों 2:3

अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 7:16

मैं खुस है, किजोकी मेरे जो हर गल्ल बिच तुसा पर भरोसा है।

2 कुरुन्थियों 9:4

इय्यां ना हो कि अगर मकिदुनिया प्रदेश रा रैह्णे वाला कोई विश्वासी मेरे कन्ने आओ, ते से दिख्खो कि तुसा मणू तैयार ही नी हिन, तां होई सकदा कि असी तुसा पर बड़ा भरोस्सा करणे री वजह कने शर्मिंदा होई जाण, पर तुसा असा का भी जादा शर्मिंदा होणा।

गलातियों 5:10

पर मैं परमेश्वर पर विश्वास करदा कि मेरे अलावा तुसा कुसकी होर जणे री गल्लां पर भरोस्सा नी करणा। पर जे अगर कोई तुसा जो परमेश्वर रे सच्चाई रे बसेख का भटकाणे री कोसीस करेया करदा है, परमेश्वर ने तिन्हा जो सजा जरुर दैणी चाए से कोई भी किजो ना हो।

इफिसियों 4:12

तिन्हा ने ए दान इधेरे तांइ दित्ते ताकि से परमेश्वर रे लोक्कां जो तिन्हेरे तांइ कम्म करणे तांइ तैयार करी सकण, ते से मसीह रे सरीर रे रुप बिच पूरी तरह कने पकी जाण ते ताकतवर बणी सकण।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

फिलिप्पियों 1:29

किजोकी मसीह यीशु री वजह कने तुसा पर ए दया होई कि नां सिर्फ तुसा तिन्हा पर विश्वास करो पर तिन्हा तांइ दुख भी सही सको।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

फिलिप्पियों 2:13

किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

कुलुस्सियों 2:12

तिय्यां ही जां तुसा जो बपतिस्मा दित्तेया गेया तां तुसा रे पापी स्वभाव जो इय्यां गाड़ेया गेया जिय्यां मसीह यीशु जो गाड़ेया गेया थिया। ते जिय्यां से फिरी मुर्देयां बिच का जिन्दे होई गे थिये, तिय्यां ही तुसा जो भी नौई जिन्दगी दित्ती गयी, किजोकी तुसा परमेश्वर री बड्डी ताकत पर विश्वास कित्तेया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

2 थिस्सलुनीकियों 1:11

इधेरे तांइ असी हमेसा तुसा तांइ प्रार्थना भी करदे कि परमेश्वर तुसा जो तैसी जिन्दगी जीणे रे लायक बनाण जे जीणे तांइ तिन्हा ने तुसा जो सद्दे रा है। ते से तुसा अपणी ताकत रे हिसाब कने चलाण ताकि तुसा रा हर इक्क खरा मकसद ते हर इक्क चीज तुसा विश्वास कने करदे से पूरा होई जाए।

2 थिस्सलुनीकियों 3:4

असा जो प्रभु बिच ए भरोस्सा है कि तुसा असा रे दित्ते रे सारे हुकमां जो मनदे ते तुसा अग्गे भी मनदे रैह्णा।

फिलेमोन 1:21

हालांकि मैं तेरे जो ए सारी गल्लां लिख्खी करी भेज्जेया करदा है पर फिरी भी मैं जाणदा कि तू ए गल्लां करदा ते तैं इसका बधी करी ही करणा।

इब्रानियों 10:35

इधेरे तांइ अपणी हिम्मत ना छड्डो, किजोकी परमेश्वर ने तिन्हा सब चीजां रे बदले तुसा जो इक्क बड्डा ईनाम दैणा।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।

2 पतरस 3:10

पर मसीह ने पक्के तौर पर वापिस हटणा। तिन्हा ने कुसकी रे सोच्चे बगैर ही हटणा, जिय्यां कि कोई चोर आंदा। तिस बेल्ले आसमान बिच गर्जणे जदेई अवाज होणी, ते आसमान गायब होई जाणा, सूरत, चाँद, ते सितारे आग्ग कने मुकाई दित्ते जाणे। तिस दिन, परमेश्वर ने से हर इक्क से चीज जाहिर करणी जे लोक्कां ने धरती पर कित्ते री हिन ताकि परमेश्वर तिन्हा का हिसाब-किताब लेई सके।