फिलिप्पियों 1:25 - चम्बयाली नौआ नियम

²⁵ ते इधेरे तांइ मेरे जो भरोस्सा है ते मैं जाणदा भी कि मैं जीणा, बल्कि मैं तुसा सारेयां कने भी रैह्णा ताकि मैं तुसा जो विश्वास बिच मजबूत होणे ते तिस बिच खुस रैह्णे बिच मदद करी सकां।

फिलिप्पियों 1:25 Iomraidhean Croise

लूका 22:32

पर मैं तेरे तांइ परमेश्वर का प्रार्थना कित्ती कि तेरा विश्वास टुटी ना जाओ अते जां तू फिरी तौबा करी हटणा तेरे भरोसे जो दिख्खी करी तेरे संगी विश्वास भ्यालां रा भी होंसला होई जाओ।

प्रेरितां रे कम्म 11:23

से तित्ते पूज्जी करी परमेश्वर रे अनुग्रह जो दिख्खी करी बड़ा खुस होया ते सब जो शिक्षा दित्ती की तन मन लगाई करी प्रभु यीशु कने लिपटी रेयो,

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

प्रेरितां रे कम्म 20:25

पर मेरे जो पता है कि तुसा सब जणे जिन्हा बिच मैं परमेश्वर रे राज रा प्रचार करदा रेया, तुसा मेरे जो फिरी नी दिख्खणा।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 15:18

किजोकी जे कम्म मसीह यीशु ने मेरे जरिये कित्ते रे हिन, तिन्हा री वजह कने मैं हिम्मत कने बोल्ली सकदा, कि मैं गैर यहूदी लोक्कां जो प्रभु री हुकम मनणे तांइ प्रभावित करी सकदा। तिन्हा ने मेरा बसेख सुणी करी, ते मेरे कम्मां जो दिख्खी करी मसीह यीशु बिच विश्वास कित्ता।

रोमियों 15:29

ते मेरे जो पता है, जां मैं तुसा का आणा ता तुसा कने मसीह री आशीषां जो सांझा करणा।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

फिलिप्पियों 1:24

पर तुसा री मदद करणे रे खातिर मेरा जीणा जरुरी है।

फिलिप्पियों 2:24

ते मेरे जो प्रभु जी अन्दर विश्वास है कि मैं अप्पु भी तौले ही तुसा का आणा।

फिलेमोन 1:22

ते इक्क होर गल्ल कि अपणे घर बिच मेरे तांइ इक्क कमरा तैयार करी रख्खो किजोकी मेरे जो इस गल्ल री उम्मीद है कि परमेश्वर ने तुसा री प्रार्थनां रा जवाब दैणा ते मेरे जो तित्ते आई करी तुसा कने मिलणे रा मौक्का मिलणा।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।