2 तीमुथियुस 4:8 - चम्बयाली नौआ नियम8 अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन। Faic an caibideil |
2 तीमुथियुस 4:8
39 Iomraidhean Croise
पर इक्क दिन पता लग्गी जाणा कुसने कदेया कम्म कित्ते रा है। किजोकी जिस दिन मसीह ने वापिस हटी करी आणा तां तिन्हा ने इस गल्ल जो साफ-साफ ज़ाहिर करी दैणा। ए सब किच्छ इदेया होणा कि सारेयां ने तिस घर जो बणाणे तांइ इस्तेमाल कित्ते रे समान जो आग्ग बिच पाई करी परखेया जाणा। तिन्हा ने ए दिखणा कि परमेश्वर रे हर इक्क सेवक ने कदेया कम्म कित्ते रा है, ते तिन्हा ने इस गल्ल फैसला करणा कि तिन्हेरा कम्म खरा है या बेकार। जिय्यां कोई आदमी घर बणाणे रे समान जो आग्ग कने परखी करी दिखदा कि से जादा समय तांइ चलणा या तौले ही फुकी जाणा।
तिन्हा जुल्मां का मत डरो जे तुसा पर होणे वाले हिन। शैतान ने अपणे किच्छ लोक्कां का तुसा बिच रे किच्छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।
Sanasan