2 तीमुथियुस 4:7 - चम्बयाली नौआ नियम

⁷ इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

2 तीमुथियुस 4:7 Iomraidhean Croise

लूका 11:28

इस गल्ल पर यीशु ने बोल्लेया, हाँ, पर जादा धन्न से हिन जे जे परमेश्वर रे वचनां जो ध्यान कने सूणदे ते तिन्हा पर मनदे भी।

लूका 8:15

पर से बीह् जे ठीक मिट्टी पर पे थिये, से तिन्हा मणूआं सांई हुन्दे, जे मन रे ठीक अते नेक, ते सच्चे मन कने परमेश्वर रे वचन जो सुणी करी तिन्हा पर चलदे ते तिन्हेरे सबर री वजह कने ही से खरा फल्ल लियान्दे।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

प्रेरितां रे कम्म 13:25

ते जां यूहन्ना अपणी सेवा पूरी करणे वाला थिया, तां तिन्ने बोल्लेया, तुसा मेरे जो कै समजदे? मैं मसीह नी है! पर मेरे बाद इक्क आणे वाला है, से मेरे का इन्ने जादा महान हिन कि मैं तिन्हेरे पैरां री मैं जूत्ती खोलणे रे लायक भी नी है।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

गलातियों 2:2

ते मैं तित्ते इधेरे तांइ गेया किजोकी परमेश्वर ने मेरे जो जाणे तांइ बोल्लेया थिया, अते जे सुब बसेख मैं गैर यहूदी लोक्कां बिच प्रचार करदा थिया, तिसजो मैं एकांत बिच कलीसिया रे प्रधान मणूआं जो सुणाया ताकि जे कम्म मैं पैल्ले कित्ते थिये से बेकार नी ठैहरे।

फिलिप्पियों 1:30

ते तुसा जो तैसा ही संघर्ष करणा पैणा, जदेई तुसा ने मेरे जो तां भी करदे दिख्खे रा है जां मैं तुसा कने फिलिप्पी सहर बिच थिया, ते अब्बे भी सूणदे कि मैं तिय्यां ही इत्ते कैद बिच संघर्ष करेया करदा।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 6:12

जिय्यां इक्क खरा सिपाई लड़ाई रे मैदान बिच कदी हार नी मनदा तिय्यां ही तुसा जो भी परमेश्वर बिच विश्वास करणा ते तिन्हा रे हुकमां जो मनणा नी छडणा चाएदा ते हमेसा री जिन्दगी जो थाम्मि लेयो।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

2 तीमुथियुस 1:14

पवित्रात्मा री ताकत रे जरिये जे सच्चाई तुसा जो सौप्पि गे री है, तिसजो बचाई करी रख्खो।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।

प्रकाशित वाक्य 3:8

मैं तेरे कम्मां जो जाणदा, सुण, मैं जाणदा कि तेरे का बड़ी घट ताकत है, पर तू फिरी भी मेरी गल्लां रे मुताबिक चलेया, ते तू मेरे पर विश्वास करणे का कदी नी मुकरेया। इधेरे तांइ मैं तेरे तांइ इक्क दुआर जदेया खोल्ली दित्ते रा है जिस जो कोई भी बांद्द नी करी सकदा।

प्रकाशित वाक्य 6:11

तां तिन्हा बिच का हर इक्क जणे जो चिट्टे कपड़े दित्ते गे ते तिन्हा जो थोड़ी देर होर इंतजार करणे तांइ बोल्लेया गेया। मसीह री सेवा बिच तिन्हेरे होर भी संगी सेवादार हल्ले भी थिये जिन्हेरा मारेयां जाणा जरुरी थिया। तिन्हा जो ता तांइ करणा जरुरी थिया, जां तांइ ए सब किच्‍छ पूरे तरिक्के कने मुकी नी जाए।